Ị́jọ́ Uꞌbéŋá 18:6 - Aringa

⁶ Ị́jọ́ ꞌbá azalépi aza-azâ rĩ ꞌbã jọlé rĩ la ãwãŋá ají; ị́jọ́ ĩꞌdi ꞌbã jọlé rĩ la ãcóŋá umve ĩꞌdi ụrụ ꞌbá gá.

Ị́jọ́ Úꞌdí rĩ

⁶ Ị́jọ́ ꞌbá azalépi aza-azâ rĩ ꞌbã jọlé rĩ la ãwãŋá ají; ị́jọ́ ĩꞌdi ꞌbã jọlé rĩ la ãcóŋá umve ĩꞌdi ụrụ ꞌbá gá.

Ị́jọ́ Uꞌbéŋá 18:6 ပူးပေါင်းရင်းမြစ်များ

Ị́jọ́ Uꞌbéŋá 12:16

ꞌBá azalépi aza-azâ rĩ la ũmbã ĩꞌdidrị̂ iꞌda cọtị́, wó ꞌbá ũndũwá rú rĩ la ĩyãŋã tútú údrĩ táni ĩꞌdi uꞌdá rĩ gá.

Ị́jọ́ Uꞌbéŋá 13:10

Ãfó la ãlí ají, wó ꞌbá ímbátáŋá ãꞌị̃lépi rá rĩ kí adru ũndũwã rú.

Ị́jọ́ Uꞌbéŋá 14:16

ꞌBá ũndũwá ru rĩ la idé ụ̃rị̃ sĩ ãzíla ĩꞌdi ru uná ị́jọ́ ũnzí sĩ uná-unâ, wó ꞌbá azalépi aza-azâ rĩ la ị́jọ́ cí rĩ nga kpí gbõ rú ũrã ꞌa la ku rú.

Ị́jọ́ Uꞌbéŋá 14:3

ꞌBá azalépi aza-azâ ị́jọ́ jọlépi tị pépé sĩ ãfó sĩ rĩ la kẹ̃lị́ká umve ĩꞌdi ũngúkú gá, wó ꞌbá ũndũwã rú rĩ ꞌbã ĩdra la ĩꞌdi tãmba rá.

Ị́jọ́ Uꞌbéŋá 17:14

Ãwãŋá iꞌdóŋá ĩꞌdi cécé ị̃yị́ tị̃lépi ãngũ ãlu gá ãmbógó rĩ ꞌbã tị nzị̃jó rĩ áni. Ị́jọ́ ꞌdĩ sĩ lẽ mí atrị ãwãŋá ꞌdĩ sĩ ĩmi andi drĩ ĩmi ku rú.

Ị́jọ́ Uꞌbéŋá 19:19

Lẽ ꞌbá ásị́ ãcí rĩ ꞌbã ũfẽ ị́jọ́ ĩꞌdi ꞌbã izalé rĩ rá; ídrĩ ĩꞌdi ãzã ko rá, lẽ íko ĩꞌdi ãzã vúlé rĩ sĩ ị̃dị́.

Ị́jọ́ Uꞌbéŋá 19:29

Ídé drị̃rịma bábá ꞌbá idemará ru rĩ ꞌba nî; ãzíla ꞌbá azalépi aza-azâ rĩ kí ála kí ũngúkú co rá.

Ị́jọ́ Uꞌbéŋá 20:3

Ĩꞌdi ị̃nzị̃táŋá ru ꞌbá ãwãŋá gãlépi úmgbé rĩ nî, wó ꞌbá azalépi aza-azâ rĩ la ãwãŋá iꞌdó gbõrú-gbõrú.

Ị́jọ́ Uꞌbéŋá 22:10

Ídrĩ ꞌbá idemará ru rĩ dro ãmvé, ãgátã gaŋá la fũ rá, ãwãŋá ãzíla úꞌdáŋá la ukó rá.

Ị́jọ́ Uꞌbéŋá 25:24

Míní uꞌájó jó ꞌbã kónã gá lótré gá ꞌdãá rĩ ĩꞌdi múké; ndẽ míní uꞌájó ũkú ãwãlépi unzí rĩ be jó ãlu gá rĩ rá.

Ị́jọ́ Uꞌbéŋá 27:3

Írã kí cínákí be pírí ãnzị rú, wó ꞌbá azalépi aza-azâ rĩ la ásị́ ãzá fẽ ndẽ ãko ị̃rị̃ ꞌdĩ kí ãnzị sĩ pírí rá.

Ị́jọ́ Uꞌbéŋá 29:9

ꞌBá ũndũwã rú rĩ drĩ ꞌbá azalépi aza-azâ rĩ tõ dũwánĩ gá, ꞌbá azalépi aza-azâ rĩ la gụ ĩꞌdi sĩ gụgụ̃ ãzíla ásị́ ị̃gbẹ̃ la adru ꞌdá yụ.