Ị́jọ́ Uꞌbéŋá 18:23 - Aringa

²³ ꞌBá lẽmẽrí rĩ la mãmálá ꞌbã sĩ ásị́ ị̃gbẹ̃ ịsụ́jó; wó ꞌbá kụ́rẹ́nị́ rĩ la ị́jọ́ umvi drị̃ ũnzĩ sĩ.

Ị́jọ́ Úꞌdí rĩ

²³ ꞌBá lẽmẽrí rĩ la mãmálá ꞌbã sĩ ásị́ ị̃gbẹ̃ ịsụ́jó; wó ꞌbá kụ́rẹ́nị́ rĩ la ị́jọ́ umvi drị̃ ũnzĩ sĩ.

Ị́jọ́ Uꞌbéŋá 18:23 ပူးပေါင်းရင်းမြစ်များ

Íꞌdóŋá 42:30

“Ãmbógó Mị̃sị́rị̃ drị̂ ri ị́jọ́ jọlé ãma abe ũkpómgboroto rú ãzíla alị́ ĩnzõ ãma ụrụꞌbá gá jọ, ãma amụ́ íni la ãngũ ĩꞌdidrị̂ ị̃ndụ́ ndrụ̃ trũ.

Íꞌdóŋá 42:7

Yụ̃sụ́fụ̃ la mụ ádrị́pịka kí ndrelé ꞌbo, cọtị nị̃ kí cé, wó ꞌbã ru ínị̃ kí ku. Zị kí ũmbájírílí, “Ĩmi angá íngõlé yã?” Umvi kí ĩꞌdiní, “Ãma angá ãngũ Kãnánĩ drị̂ gá, ãma amụ́ ãkónã ĩgbãlé.”

Ãfũŋá 5:2

Fãráwũ jọ, “Úpí la ꞌdĩ dó ãꞌdi ꞌi, mání ĩꞌdiní ị̃nzị̃táŋá fẽjó ãzíla ꞌbá Ịsịrayị́lị̃ drị̂ kí aꞌbejó mụjó rĩ? Ánị̃ Úpí la ĩmi ãni ꞌdĩ ku ãzíla má icó ꞌbá Ịsịrayị́lị̃ drị̂ kí aꞌbelé mụlé ku.”

Ị́jọ́ Uꞌbéŋá 19:7

ꞌBá lẽmẽrí rĩ ꞌbã kãká drĩ kí dó ĩꞌdi ngụ̃ ũnzí; ꞌbá ĩꞌdi ꞌbã wọ̃rị́ka rú rĩ kí dó apá ĩꞌdi sĩ íngõpí! Drĩ táni uꞌde kí vú gâ sĩ mãmálá ꞌbãŋá trũ tí, icó kí ịsụ́lé ku.

Ị́jọ́ Uꞌbéŋá 22:7

ꞌBá málĩ trũ rĩ kí adru úpí ru ꞌbá lẽmẽrí rĩ kí drị̃gá, ãzíla ꞌbá séndẽ aꞌị́lépi rĩ ĩꞌdi ãtíꞌbó ꞌbá ĩꞌdiní séndẽ fẽlépi rĩ ãni.

Rụ́tụ̃ 2:7

Zị tá ma sĩ ãná ródóvúlé ndrụ̃jó ꞌbá ãná lãlépi rĩ kí vúlé gá ꞌdâ. Iꞌdó tá ãzị́ ngalé ũkpó ru ụ̃ꞌbụ́tị sĩ, rá la avị́ lú índríkã gá ꞌdãá sáwã were sĩ.”