Ị́jọ́ Uꞌbéŋá 16:6 - Aringa

⁶ Lẽtáŋá kí ãꞌị̃táŋá be kí ꞌbá trũ ị́jọ́ ũnzí agá, Úpí ụ̃rị̃jó rĩ la ꞌbá fẽ ị́jọ́ ũnzí aꞌbejó nĩ.

Ị́jọ́ Úꞌdí rĩ

⁶ Lẽtáŋá kí ãꞌị̃táŋá be kí ꞌbá trũ ị́jọ́ ũnzí agá, Úpí ụ̃rị̃jó rĩ la ꞌbá fẽ ị́jọ́ ũnzí aꞌbejó nĩ.

Ị́jọ́ Uꞌbéŋá 16:6 ပူးပေါင်းရင်းမြစ်များ

Íꞌdóŋá 20:11

Ịbụrahị́mụ̃ umvi, “Má ũrã, ‘ꞌBá ãzí ãngũ ꞌdĩ gá ꞌdâ Ãdróŋá ụ̃rị̃lépi rá la ãluŋá la yụ, ị́jọ́ ꞌdĩ sĩ kí áma ꞌdị agá rá sĩ mâ ũkû ꞌdụjó rá.’

Ãfũŋá 1:17

Ũkú ũkú kí ãzã kolépi tĩŋá gá rĩ ru kí Ãdróŋâ rá ãzíla nga kí ãzị́ úpí Mị̃sị́rị̃ drị̂ ꞌbã lũlé ĩꞌbaní rĩ ku, aꞌbe kí dó sĩ anzị ãgọbị rĩ kí ídri.

Ãfũŋá 20:20

Mụ́sã umvi ĩꞌbaní, “Ĩmi idé ụ̃rị̃ sĩ ku; Ãdróŋá amụ́ lú ĩmi ụ̃ꞌbị̃lé, ãzíla ĩmi sĩ ĩꞌdi ụ̃rị̃, ĩmi sĩ ásị́ ꞌbã sĩ tị la arejó, ị́jọ́ ꞌdĩ sĩ ĩmi idé rú dó sĩ ị́jọ́ ũnzí ku.”

Ị́jọ́ Uꞌbéŋá 14:16

ꞌBá ũndũwá ru rĩ la idé ụ̃rị̃ sĩ ãzíla ĩꞌdi ru uná ị́jọ́ ũnzí sĩ uná-unâ, wó ꞌbá azalépi aza-azâ rĩ la ị́jọ́ cí rĩ nga kpí gbõ rú ũrã ꞌa la ku rú.

Ị́jọ́ Uꞌbéŋá 14:2

ꞌBá ị́jọ́ pịrị rĩ ngalépi rĩ la Úpí ụ̃rị̃ rá, wó ꞌbá ũnzĩkãnã ngalépi rĩ la Úpí Ãdróŋâ ꞌbã ápãrákã rú.

Ị́jọ́ Uꞌbéŋá 14:27

Úpí ụ̃rị̃jó rĩ ĩꞌdi kídí ídri drị̂ ꞌi, ĩꞌdi ꞌbá pa ímbá drã drị̂ agá.

Ị́jọ́ Uꞌbéŋá 16:5

Úpí ngụ̃ ꞌbá pírí ãfó ru ásị́ gá rĩ kí ũnzí, icó kí aꞌbelé drị̃rịma kóru ku.

Ị́jọ́ Uꞌbéŋá 20:28

Lẽtáŋá kí ãꞌị̃táŋá be úpî tã mba nĩ; lẽtáŋá sĩ ũpĩ ĩꞌdidrị̂ la pá tu rá.

Ị́jọ́ Uꞌbéŋá 3:3

Lẽ mí aꞌbe ꞌbá lẽŋá kí ị́jọ́ mgbã rĩ be ku; mí umbé ị́jọ́ ꞌdĩ kí ími imbe gá, ímba ị́jọ́ ꞌdĩ kí tã ími ásị́ gá.

Ị́jọ́ Uꞌbéŋá 3:7

Íꞌbã jõ ími ũndũwã ambamba rĩ gá ku, íru Úpí ꞌi ãzíla mí idé jõ ị́jọ́ ũnzí ku.

Ị́jọ́ Uꞌbéŋá 8:13

Úpí ụ̃rị̃jó rĩ ĩꞌdi ị́jọ́ ũnzí ngụ̃jó rĩ ꞌi. Ángụ̃ ãfó kí ị́pị́pị́ŋá be ũnzí, ãzíla ádrízã ũnzí kí ị́jọ́ jọlé ĩnzõ rú rĩ be ũnzí.

Ãzị́táŋá Amviŋá 30:13

Jõku ĩꞌdi ị̃yị́ ꞌbã ꞌá ꞌdã sĩ ĩminí dó sĩ zịjó la, ‘Ãꞌdi la dó ãmaní za ị̃yị́ ꞌbã ꞌá ꞌdã sĩ sĩ mụjó ajíjó la ãzíla sĩ amụ́jó ũlũjó la ãmaní, ãma dó sĩ are la ãzíla sĩ ãꞌị̃ la benĩ yã?’