Ị́jọ́ Uꞌbéŋá 12:24 - Aringa

²⁴ ꞌBá ãzị́ ngalépi ũkpó sĩ rĩ la adru drị̃lẹ́ ru, wó ꞌbá ũvú rĩ la adru ãtíꞌbó ru.

Ị́jọ́ Úꞌdí rĩ

²⁴ ꞌBá ãzị́ ngalépi ũkpó sĩ rĩ la adru drị̃lẹ́ ru, wó ꞌbá ũvú rĩ la adru ãtíꞌbó ru.

Ị́jọ́ Uꞌbéŋá 12:24 ပူးပေါင်းရင်းမြစ်များ

Íꞌdóŋá 49:15

Drĩ ãngũ avị́jó rĩ ndre ãlá ru ãzíla ãngũ lékõ drĩ ĩꞌdiní ãyĩkõ fẽ rá, ĩꞌdi ru ũngúkú ꞌbã sĩ tẹ́rị́ ujíjó ãzíla ĩꞌdi ãzị́ ĩꞌdi ũŋmĩjó ũkpó sĩ rĩ nga rá.

Ị́jọ́ Uꞌbéŋá 10:4

ꞌBá drị́ alólépi ku rĩ la acá lẽmẽrí, wó ꞌbá ru drị́ alólépi aló-álõ rĩ la adru málĩ trũ.

Ị́jọ́ Uꞌbéŋá 12:27

ꞌBá ũvú rĩ icó ĩzá ĩꞌdi ꞌbã rụlé rĩ aꞌdílé ku, wó ꞌbá ũndũwã rú ãzị́ ngalépi ũkpõ sĩ rĩ la adru málĩ trũ.

Ị́jọ́ Uꞌbéŋá 13:4

Ũvúꞌbá drĩ táni ásị́ ꞌbã sĩ ãko ịsụ́jó íngõpí rá tí icó ku, wó ꞌbá ãzị́ ngalépi ũkpó sĩ rĩ la ãko pírí ĩꞌdi ꞌbã lẽlé rĩ kí ịsụ́ rá.

Ị́jọ́ Uꞌbéŋá 17:2

Ãtíꞌbó ũndũwã trũ rĩ la adru úpí ru úpí ngọ́pị drị̃nzá ajílépi rĩ drị̃lẹ́ gá; ãzíla ĩꞌdi ãko úpí ꞌbã ngọ́pịka ꞌbadrị́ ãwítã rú rĩ kí awa ĩꞌba abe.

Ị́jọ́ Uꞌbéŋá 19:15

Ũvũ la ꞌbá fẽ ụ́ꞌdụ́ kolé káyĩ rá; ãzíla ru drị́ alójó ku rĩ la ꞌbání ãbị́rị́ ají.

Ị́jọ́ Uꞌbéŋá 22:13

Ũvúꞌbá la jọ la, “Kẹ̃mị̃ ãmvé ꞌdãá cí! Ádrĩ fũ ãmvêlé, ĩꞌdi áma ci rá!”

Ị́jọ́ Uꞌbéŋá 22:29

Índre ꞌbá ãzí ãzị́ ngalépi ãlị̃gọ̃ sĩ la rá yã? Ĩꞌdi drụ́zị́ ãzị́ nga ũpi ꞌbanî icó ãzị́ ngalé ꞌbá ãzị́ŋá kóru rĩ ꞌbaní ku.