Ị́jọ́ Uꞌbéŋá 10:20 - Aringa

²⁰ ꞌBá ũndũwã rú rĩ ꞌbã ị́jọ́ jọŋá sílĩvã ãlá rĩ áni, wó ꞌbá ũnzí rĩ ꞌbã ásị́ gá ị́jọ́ kí ífí kóru.

Ị́jọ́ Úꞌdí rĩ

²⁰ ꞌBá ũndũwã rú rĩ ꞌbã ị́jọ́ jọŋá sílĩvã ãlá rĩ áni, wó ꞌbá ũnzí rĩ ꞌbã ásị́ gá ị́jọ́ kí ífí kóru.

Ị́jọ́ Uꞌbéŋá 10:20 ပူးပေါင်းရင်းမြစ်များ

Íꞌdóŋá 6:5

Úpí ndre ꞌbá acá kí dó ụ̃nọ́kụ́ drị̃ gá ꞌdâ ꞌbá ũnzí la rú ãzíla ũrãtáŋá ĩꞌbadrị́ kí ásị́ gá rĩ kí vâ sáwã pírí sĩ ũnzí-ũnzí.

Íꞌdóŋá 8:21

Úpí uꞌá dó ãyĩkõ sĩ ídétáŋá idélé ꞌdã sĩ ãzíla ũrã dó ĩꞌdi ásị́ gâlé cénĩ-cénĩ rú jọ, “Má icó dó ụ̃nọ́kụ̂ wãlé ꞌbá ꞌbá ru rĩ ꞌbã ị́jọ́ sĩ ị̃dị́ ku, ꞌbá ꞌbá ru ꞌdĩ ꞌbã ásị́ drĩ táni adru ũnzí iꞌdójó ãnzị̃rị̃ŋã sĩ má icó dó ãko ídri trũ ꞌdĩ kí ị̃lị̃kị̃lé cécé mání idélé ꞌdĩ áni ku.

Ị́jọ́ Uꞌbéŋá 12:18

Ị́jọ́ ꞌa ũrãlé ku rĩ la ꞌbá sõ kãrụ̃ cécé ménéŋá áni, wó ị́jọ́ ꞌbá ũndũwã rú rĩ ꞌbã jọlé rĩ la ꞌbá adrí rá.

Ị́jọ́ Uꞌbéŋá 15:4

Ĩdra ꞌbá adrílépi rĩ ĩꞌdi ife ídri fẽlépi rĩ ꞌi, wó ĩdra úlétáŋá ulélépi rĩ la úríndí ịgbẹ́-ịgbệ.

Ị́jọ́ Uꞌbéŋá 16:13

Úpí la uꞌá ãyĩkõ sĩ la ꞌbá ị́jọ́ pịrị rĩ jọlépi rĩ sĩ, ĩꞌdi ꞌbá ị́jọ́ pịrị rĩ jọlépi rĩ ꞌbã ị́jọ́ ꞌbã ãmbógó ru.

Ị́jọ́ Uꞌbéŋá 20:15

Ị́jọ́ jọlé nị̃táŋá sĩ rĩ ãjẹ̃ rú ndẽ gólũdĩ ãzíla ŋálí ãjẹ̃ rú rĩ kí rá.

Ị́jọ́ Uꞌbéŋá 23:7

ãꞌdusĩku ĩꞌdi ị́jọ́ ũrã ínâ ꞌbã ãjẹ̃ sị́ yã rĩ drị̃ gá. Tị gá ꞌdâ ĩꞌdi jọ la míní, “Ína, íná ãzíla ímvụ ãko mvụlé mvụ-mvụ̃ rĩ kî,” wó ásị́ agâlé ị́jọ́ ĩꞌdi ꞌbã jọlé rĩ adru ãfũlépi ĩꞌdi tị gâlé rĩ áni ku.

Ị́jọ́ Uꞌbéŋá 8:19

Fẽtáŋá mádrị̂ ndẽ kí ũnĩ sĩ gólũdĩ ãlá ãjẹ̃ rú rĩ rá, ũyá mádrị̂ ndẽ sílĩvã ãlá rĩ rá.