Ãfũŋá 15:16 - Aringa

¹⁶ ụ̃rị̃ ãmbógó la fi kí ásị́ gá nĩ. Drĩ kí drị́ ũkpó mídrị̂ ndre kí pá tu ãvẹ̃vị̃ kóru ụ̃rị̃ sĩ kpere ꞌbá mídrị̂ ꞌbã kí alị agá, Úpí, kpere ꞌbá míní apálé rĩ ꞌbã kí alị agá.

Ị́jọ́ Úꞌdí rĩ

¹⁶ ụ̃rị̃ ãmbógó la fi kí ásị́ gá nĩ. Drĩ kí drị́ ũkpó mídrị̂ ndre kí pá tu ãvẹ̃vị̃ kóru ụ̃rị̃ sĩ kpere ꞌbá mídrị̂ ꞌbã kí alị agá, Úpí, kpere ꞌbá míní apálé rĩ ꞌbã kí alị agá.

Ãfũŋá 15:16 ပူးပေါင်းရင်းမြစ်များ

Íꞌdóŋá 35:5

Yãkóꞌbõ kí mụ drị̃ kolé ngọ́pịka kí abe ꞌbo, Ãdróŋá ají ụ̃rị̃ ãmbógó la ꞌbá táwụ̃nị̃ ãníyágágá ꞌdãá rĩ kí ásị́ gá ị́jọ́ ꞌdĩ sĩ ꞌbá ãzí dó kí vú drolépi la ꞌdáyụ.

Ãfũŋá 11:7

Wó ãngũ Ịsịrayị́lị̃ drị̂ gá ũcógó ífí ãlu la icó ãmgbọ̃lé ꞌbá sĩ jõku ãnãkpá sĩ ku. Ị́jọ́ ꞌdĩ sĩ ĩmi dó nị̃ la Úpí awa ꞌbá Ịsịrayị́lị̃ drị̂ kí drĩdríŋĩ ꞌbá Mị̃sị́rị̃ drị̂ abe ndú ndú rĩ gá rá.

Ãfũŋá 15:13

Lẽtáŋá mídrị́ aꞌdélépi ku rĩ sĩ, íꞌde ꞌbá míní anzélé rĩ kí drị̃. Ũkpõ mídrị̂ sĩ mi kí andre tẽ, ãngũ ãlá míní sĩ uꞌájó rĩ gá.

Ãfũŋá 15:5

Ị̃yị́ kị́rị́ rĩ aku kí drị̃ cí; ꞌDe kí ị̃yị́ ị̃ndụ́ gâlé cécé írã áni.

Ãfũŋá 15:6

Úpí, ími drị́ ãndá rĩ, iꞌda ũkpõ mídrị́ ãmbógó rĩ ꞌi.

Ãfũŋá 18:8

Mụ́sã nze Yétẽrõ ní ị́jọ́ Úpí ꞌbã idélé úpí Mị̃sị́rị̃ drị̂ rụ́ ãzíla ꞌbá Mị̃sị́rị̃ drị̂ kí ụrụꞌbá gá, ĩꞌdi ꞌbã sĩ ꞌbá Ịsịrayị́lị̃ drị̂ kí pajó rĩ kí pírí. Nze vâ ĩꞌdiní ị́jọ́ ꞌbá Ịsịrayị́lị̃ drị̂ ꞌbã kí cãndí ịsụ́jó gẹ̃rị̃ gá ãzíla Úpí ꞌbã kí pajó rĩ.

Ãfũŋá 20:2

“Ma Úpí Ãdróŋá mídrị́ ími anzélépi Mị̃sị́rị̃ gâlé, míní ándrá adrujó ãtíꞌbó ru rĩ sĩ rĩ ꞌi.

Ãfũŋá 23:20

“Ĩndre drĩ, ma mãlãyíkã ãzí tị pẽ ĩmi drị̃lẹ́ gá ĩmi tãmbajó gẹ̃rị̃ gá ꞌdâ vâ sĩ ĩmi agụjó ãngũ mání itúlé ĩminí rĩ gá.

Ãfũŋá 23:22

Wó ĩdrĩ ị́jọ́ ĩꞌdi tị gá rĩ are múké-múké ãzíla ĩdrĩ ị́jọ́ mání jọlé ĩminí rĩ kí nga rá, ma mụ adrulé mẹ́rọ́ꞌbá ru ꞌbá ĩmi lẽlépi ku rĩ ꞌba ní ãzíla ma ãꞌdị́ ꞌdị bá ĩmi ngụ̃lépi ũnzí rĩ kí abe.

Ãfũŋá 23:27

“Ma ꞌbá ị́jọ́ ĩmidrị̂ kí gãlépi úmgbé rĩ kí fẽ acájó ụ̃rị̃ sĩ ãzíla ãbãŋá ají sụ́rụ́ ãlu-ãlu ĩminí drị̃ ụfụjó ĩꞌba abe rĩ ꞌbanî. Ma mẹ́rọ́ꞌbá ĩmidrị̂ kí fẽ pírí ru ũngúkú ujajó sĩ apájó ĩmi sĩ apá-apâ.

Ãfũŋá 6:7

Ma ĩmi ꞌbã ꞌbá mgbã mádrị̂ kî rú, ma adru Ãdróŋá ĩmidrị̂ ꞌi, ĩmi adru ꞌbá mádrị̂ kî. Ị́jọ́ ꞌdĩ sĩ ĩmi dó sĩ nị̃ la rá ma Úpí Ãdróŋá ĩmidrị́ ĩmi anzélépi ị́jọ́ ĩminí adrujó ãtíꞌbó ru ꞌbá Mị̃sị́rị̃ gá ꞌdĩ ꞌbaní rĩ agá rĩ sĩ rĩ ꞌi.

Ãzị́táŋá Amviŋá 11:25

Ãngũ ĩminí sĩ mụjó rĩ gá, Úpí Ãdróŋá ĩmidrị̂ la fẽ la ꞌbá ĩmi drị̃lẹ́ gá ꞌdĩ kí idé ĩmi sĩ ụ̃rị̃ sĩ, cécé ĩꞌdi ꞌbã azịlé rĩ áni, ãzíla ꞌbá ãzí icólépi ĩmi drị̃ atrịlépi la la adru ꞌdá yụ.

Ãzị́táŋá Amviŋá 2:25

Iꞌdójó ãndrũ mụjó drị̃ gâlé ru, ma ꞌbá vũ drị̃ gá ꞌdâ rĩ kí fẽ idélé ĩmi sĩ pírí ụ̃rị̃ sĩ. ꞌBá pírí drĩ kí ị́jọ́ are ĩmi drị̃ gá, kí ụrụꞌbá la yã ụ̃rị̃ sĩ yã-yã.’ ”

Ãzị́táŋá Amviŋá 2:4

Ífẽ ꞌbá ꞌdĩ ꞌbaní ãzị́táŋá ꞌdĩ kî, “Ĩmi dó ãni rú alịjó ĩmi ádrị́pịka Ị́sãwụ̃ ꞌbã drị̃lẹ́ ru rĩ ꞌbadrị́ ãngũ agâ sĩ, ꞌdĩ kí ꞌbá uꞌálépi ãngũ Sẽyírĩ gá rĩ kî. Kí dó mụ idélé ĩmi sĩ ụ̃rị̃ sĩ, wó ĩmi adru mịfị̂ trũ.

Ãzị́táŋá Amviŋá 32:6

ꞌDĩ gẹ̃rị̃ ĩmi sĩ Úpí ũfẽjó rĩ ꞌi yã, ĩmi ꞌbá azalépi aza-azâ ãzíla ũndũwã kóru ꞌdĩ? Adru ꞌbá ĩmi átẹ́pị rú, ĩmi ũꞌbãlépi nĩ, ĩmi ꞌbãlépi sụ́rụ́ ru rĩ ꞌi ku yã?

Ãzị́táŋá Amviŋá 32:9

Wó Úpí pẽ anzị Yãkóꞌbõ drị́ mụlé tịlé drị̃lẹ́ gâlé rĩ kí adrujó ĩꞌdi ꞌbã ꞌbá ru.