तीतोस 2:2 - ॱलोवा

² मी गेम्‍पाक्‍या राङ छो़ शीम्‍गीन धाङ याराप धाङ साम्‍लो थोङा धेनी धेपा धाङ झाम्‍पा धाङ शो़पाला तेन्‍पो हुङघो़गीलाक ॱनेरी स्‍यो़क।

तीतोस 2:2 ပူးပေါင်းရင်းမြစ်များ

मारकु 5:15

धा खुङक्‍या येशुचारु होरे एन्‍ला, डेगी ॱमाक्‍छोक जुजा मीगो धा घायेरा झ्‍युरी घोलाक घो़न्‍दी, होदुरु धेगीनगो थोवालाक धेनी खुङक्‍या जीक्‍पालाक।

लुका 8:35

धेनी मीक्‍या होदुरु घी झ्‍युङगीनगो तायेला, येशुचारु होवालाक। धेनी डे थो़न्‍दा मीगो, येशुगी श्‍यापगी दोङला घोलाक घो़न्‍दी, रीक्‍पा तेन्‍पो झ्‍युरी धेगीनगो थोरी, होदे मीक्‍या जीक्‍पालाक।

जेपा 24:25

हीना पाउलुगी ढाङपो झ्‍युङये धाङ राङ छो़ शीम्‍गीन धाङ ठीम चेगीन ङीमागी कोरला स्‍येली घाङला, फेलीक जीक्‍पालाक। धेनी खोला ॱनेवालाक, “धीरीङगी क्षीदु ढीक्‍सुङ धा सोङ धेनी घुकाप राक्‍ना, ङी ख्‍यो़ला याङदा केक ताङु।”

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

१ कोरीन्‍थुपा 15:34

खेक्‍या रीक्‍पा शीम धेनी धा देने ॱहाला, धीक्‍पा माझ्‍यी। खेक्‍याने रीङगागी को़न्‍क्षोकला ङोगोवाः ॱमेस्‍येगीन झ्‍येरी, खेक्‍या ङोछा घोयेदुक ॱनेरी ङा ॱनाहीन।

१ कोरीन्‍थुपा 9:25

चेमोला दुरकीनक्‍या दो़न घीरीला राङ छो़ शीम्‍गीन हुङालाक। खुङक्‍या मेताला डुगीन ज्‍यागागी क्षीदु देरे झ्‍यीदालाक हीना होराङक्‍या मेताला मेडोगीन ज्‍यागागी क्षीदु झ्‍यीदालाक।

२ कोरीन्‍थुपा 5:13

धा हेक्‍या रीक्‍पा मीशीम्‍गीन च्‍योक्‍रे हीन्‍ना, दे नी को़न्‍क्षोकगी क्षीदु लाक धेनी हेक्‍या रीक्‍पा शीम्‍दी धेहो़ना, होदे खेक्‍याई क्षीदु लाक।

गालातीयापा 5:23

ॱङ्यामच्‍युङ धाङ राङ छो़ शीम्‍गीन लाक। देक्‍याला ॱमीथी़न्‍गीन क्षो़ठीम मेतालाक।

फीलीप्‍पीपा 4:8

थाला पी़नक्‍याओ, खेक्‍या धेन्‍पा घी हीन्‍गीन धाङ कुरती घी हीन्‍गीन धाङ ढाङपो घी हीन्‍गीन धाङ चाङमा घी हीन्‍गीन धाङ चेवा थोप घोगीन, घी हीन्‍गीन धाङ घुस्‍यापक्षे घी हीन्‍गीन धेनी शाङा धाङ तो़पा थोप घोगीन रे हो़गीन, दो़नक्‍याला साम्‍लो तोङ।

१ थेसालोनीकेपा 5:6

होझ्‍येरी श्‍येम्‍माक्‍या च्‍योक्‍रे, होराङ ॱङी लोक्‍ती माधेता चाङजे झ्‍येरी, छो़ शीम्‍दी धेदु।

१ थेसालोनीकेपा 5:8

हीना होराङ ङीङमोला धेगीन झ्‍येरी चाङजे झ्‍ये धेनी धेपा धाङ झाम्‍पागी ठाब धाङ थारपागी रेवागी च्‍याकश्‍या घो़न।

१ तीमोथेउ 1:10

लोक्‍येम्‍पाक्‍या धाङ फोला चो़गीन धेनी मी ढेन्‍योकला चोङगीन धाङ शोक स्‍येगीनक्‍या धेनी ॱना ॱमीचीगीन धाङ झ्‍यीलापचेनगी को़न्‍क्षोकगी, ङाला ॱनाङगीन शीजेचेनगी ताम्‍शाङगी तावा ढाङपोला ॱमीथी़न्‍गीन, घीरीगी क्षीला लाक।

१ तीमोथेउ 1:14

होरी चोवो येशुगी थुक्‍जे, मास्‍यीका येशुने झ्‍युङगीन धेपा धाङ झाम्‍पामुला, ङाला मेछो़ली ॱनाङा जेसोङ।

१ तीमोथेउ 1:2

धेपाला ङी धेन्‍पा भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भापास्‍योक।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

१ तीमोथेउ 3:11

खुङक्‍याई केमीक्‍या होझ्‍येरीराङ याराप धाङ ठामा मीझ्‍यीगीन धाङ साम्‍लो थोङा धाङ घीरीला ढाङपो हुङघो़गीलाक।

१ तीमोथेउ 3:2

होझ्‍येरी क्षो़छोकगी तातोक्‍पागो क्‍यो़न्‍जुक घीया मेगीन धाङ केमी च्‍यीकगी ख्‍योवा, साम्‍लो थोङा, छो़ शीम्‍गीन धाङ याराप शाङा धाङ डो़न्‍बो सुयेला घागीन धेनी ॱलोपो़न झ्‍यीयेला खेवा हो़गीन,

१ तीमोथेउ 3:4

खो राङगी टुवाक्‍याला घीरीने यारापगी थोक्‍ने, खाला ङेन्‍पो शो़री राङगी नाङमीला घामोमा क्‍योङ घोगीलाक।

१ तीमोथेउ 3:8

क्षो़छोकगी श्‍याप्‍तोक्‍पाक्‍या याराप धाङ खा ॱङी मेगीन धाङ क्षाङ माङा थुङङी मेदो़गीन धाङ ॱङुला ॱहाम्‍बा मीझ्‍यीगीन हुङघो़गीलाक।

१ तीमोथेउ 5:1

मी घेबोला छीक चुवा ॱमाना हीना राङगी आकी च्‍योक्‍रे, चीरी श्‍यी़भो़ ग्‍योप। धेनी श्‍यो़न्‍पाक्‍याला नोक्‍या च्‍योक्‍रे,

तीतोस 1:13

दे पाङपो दे, धेन्‍पा लाक। होझ्‍येरी होदेक्‍याला ॱलापच्‍या घामोमा तेर धेनी खुङक्‍याई धेपा तेन्‍पो झ्‍युरी,

तीतोस 1:8

हीना खो डो़नला फेप्‍सु श्‍यी़येला घागीन धाङ ले शाङपो झ्‍यीयेला घागीन धाङ राङ छो़ शीम्‍गीन धाङ ढाङपो धाङ धाम्‍पा धाङ च्‍यो़पा ढुङा झ्‍युङ घो़गीलाक।

तीतोस 2:7

लाब घीरीला राङ-राङला ले शाङपोगी पे तो़न। ख्‍यो़री ॱलापच्‍यागो ढाङपो धाङ याराप

फीलेमोन 1:9

झाम्‍पे केनगी ङा ख्‍यो़ला श्‍योवा पुलाहीन, ङा मी घेबो पाउलु, मास्‍यीका येशुगी दो़न्‍दु चो़न्‍पा च्‍यीक,

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

१ पेटो 5:8

खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।

२ पेटो 1:6

धेनी स्‍येयो़नला राङ-छो़ शीम्‍गीन धेनी राङ-छो़ शीम्‍गीनला शो़पा धेनी शो़पाला क्षो़सेम,