रोमापा 8:23 - ॱलोवा

²³ धेनी को़पा च्‍यीगा मेन्‍दा, होराङ धाम्‍पे थुक्‍ङीगी ढेबु फी़ हो़गीनक्‍याः, को़न्‍क्षोकगी से धाङ सेमु झ्‍युङये धाङ होरी ली़गी थारपागी क्षीला रेवा झ्‍येरी घुक्‍ती धेताराङ, होराङक्‍याः नाङ-नाङने ङ्याङी हो़तालाक।

रोमापा 8:23 ပူးပေါင်းရင်းမြစ်များ

लुका 20:36

खुङक्‍या नाम्‍खे भाङछेनक्‍या च्‍योक्‍रे झ्‍येरी, खुङक्‍या याङ स्‍यीगीमालाक। धेनी खुङक्‍या छीवाने सो़न्‍पो लाङ सारसा झ्‍येरी, खुङक्‍या को़न्‍क्षोकगी से धाङ सेमो लाक।

लुका 21:28

धेनी देक्‍या झ्‍युङये गो च्‍युक्‍ई घाङला, टोङ झ्‍येरी लारी गो ताक झ्‍यी घीझ्‍येरी ॱनाना खीकी थारपा ङ्येरु ॱलेवालाक।”

रोमापा 5:11

देचो़ च्‍यीगा मेन्‍दा होरी चोवो येशु मास्‍यीकागी थोक्‍ने, होराङ धान्‍दा को़न्‍क्षोकमुला दुमा जेदी, खोङगी थोक्‍ने होराङ को़न्‍क्षोकगी नाङ घाटो झ्‍यीदालाक।

रोमापा 5:3

देचो़ च्‍यीगा मेन्‍दा, होराङ होरी दुक्‍ङेलला घाटो झ्‍यीदालाक घीझ्‍येरी ॱनाना दुक्‍ङेलगी शो़पा

रोमापा 5:5

धेनी रेवागी होराङला ॱलो फाम्‍दु ॱमीच्‍युक्‍वालाक घीझ्‍येरी ॱनाना होराङला ॱनाङना धाम्‍पे थुक्‍ङीगी गोने, को़न्‍क्षोकगी झाम्‍पा होरी सेम नाङला ॱलुक हो़तालाक।

रोमापा 7:24

आच्‍ची, ङा घीन्‍गी दुक्‍वा मी च्‍यीक ले। दे छीवागी ली़ने ङाला सी़ थारपा जेगीले?

रोमापा 8:19

घीझ्‍येरी ॱनाना को़पा घीरी को़न्‍क्षोकगी सेक्‍या ॱङो़न्‍येला, ॱमीच्‍यीकी रेवा क्षे झ्‍येरी घुक्‍ती धे हो़तालाक।

१ कोरीन्‍थुपा 1:7

होझ्‍येरी होरी चोवो येशु मास्‍यीका ॱङो़न्‍सुमदु ज्‍यायेला, खेक्‍या घुक्‍ती धेताराङ खीकी नाङ सेम्‍ङीगी ॱनाङज्‍यीन घीया ॱमेछाङगीन मेयोङगीलाक।

२ कोरीन्‍थुपा 1:22

धेनी खोङबागी होराङक्‍या खाला, राङगी हीन्‍गीनगी थेचे ग्‍याप जे हो़तालाक धेनी खोङबागी थुक्‍ङीगो, होरी सेम नाङला गेलेनगी क्षीदु ॱनाङ हो़तालाक।

२ कोरीन्‍थुपा 7:5

हेक्‍या माकेडोनीयारु ॱलेप्‍सारतीयाः, हीकी शुला ङासु थोप्‍की मीदुक हीना छोक घीरीने हेक्‍याला दुक्‍पु ठेपालाक। फीला धुगा धाङ सेमला जीक्‍नाङ झ्‍युजुङ।

गालातीयापा 5:5

हीना धेपागी झ्‍येरी धाम्‍पे थुक्‍ङी गोने, होराङ ढाङतेनगी रेवाला घुक्‍ती धे हो़तालाक।

एफीसुपा 1:14

धेनी को़न्‍क्षोकगी राङगी मीक्‍याला थारपा ॱमानाङगीन थुक्‍पे, धाम्‍पे थुक्‍ङी नी होराङला थोप घोये हीन्‍गीन ग्‍युज्‍यीनगी गेलेनगो लाक। दे नी, को़न्‍क्षोकगी शीजेगी तो़पा हुङयेगी क्षीदु लाक।

एफीसुपा 4:30

धेनी थारपे ङीमागी क्षीला धाम्‍पे थुक्‍ङीगी ताक ग्‍यापक्‍या झ्‍येरी, को़न्‍क्षोकगी धाम्‍पे थुक्‍ङीला क्‍योरु ॱमाच्‍युक।

एफीसुपा 5:9

(घीझ्‍येरी ॱनाना हो़गी ढेबुक्‍या नी, शाङा धाङ ढाङा धाङ धेन्‍पा हीन्‍गीन घीरी नाङ थोवालाक।)

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

१ योहान्‍ना 3:2

चेवे रोवाक्‍याओ, धान्‍दा होराङ को़न्‍क्षोकगी से धाङ सेमो लाक धेनी होराङ घी हुङये हीन्‍गीनगो धान्‍दा थुक्‍पे, ॱमाङो़न हो़तालाक। हीना मास्‍यीका ॱङो़न्‍दी घाङला, होराङ खोङबा च्‍योक्‍रे झ्‍युङगीलाक ॱनेरी, होराङ स्‍येलालाक घीझ्‍येरी ॱनाना खोङबा घारे हो़गीनला राङ, होरी खोङला ज्‍यागीलाक।