रोमापा 7:15 - ॱलोवा

¹⁵ ङी घी झ्‍यीगीनगो ङाराङगी ॱहामेघोवा। घीझ्‍येरी ॱनाना ङी घी दो़गीनगो ङी मीझ्‍यीदा, हीना ङी घी दाङा झ्‍यीगीनगो ङी झ्‍यीदीक।

रोमापा 7:15 ပူးပေါင်းရင်းမြစ်များ

लुका 11:48

होझ्‍येरी खेक्‍या खुङक्‍याई झ्‍येजा लेगा देला, खुङ क्‍यारी पाङपो झ्‍यीदालाक घीझ्‍येरी ॱनाना खेरी फामाक्‍याई खुङक्‍याला सेपालाक धेनी खीकी होदेक्‍याई रोखाङ शोवालाक।

योहान्‍ना 15:15

धा देने ॱहाला ङा खेक्‍याला ॱयोक्‍पो ॱनामेन घीझ्‍येरी ॱनाना पो़न्‍पोगी घी झ्‍यीगीनगो ॱयोक्‍पोगी ॱमेस्‍येलालाक। हीना ङा खेक्‍याला छो़ढोक ॱनाहीन घीझ्‍येरी ॱनाना यापने ङी घी जाज्‍या घीरी ङी खेक्‍याला स्‍येहो़क।

रोमापा 12:9

झाम्‍पागो ढाङपो हुङघो़। ङेन्‍पागोला दाङा झ्‍यी धेनी शाङागोला ॱनेती धो़क।

रोमापा 14:22

ख्‍यी़ नाङ हो़गीन धेपागो को़न्‍क्षोक धाङ ख्‍यो़री घुङदु श्‍योक। धेनी राङगी खेलेन झ्‍येजा दो़नगी, राङला क्‍यो़न चुक्‍तु ॱमीच्‍युक्‍कीन मीगो झ्‍यीलाप क्षे लाक।

रोमापा 7:16

धा ङी घी मेदो़गीनगो ङी झ्‍यीना, क्षो़ठीम शाङा हो़गीनगो ङी खेलेन झ्‍यीदालाक।

गालातीयापा 5:17

घीझ्‍येरी ॱनाना ली़गी दो़पाक्‍या धाम्‍पे थुक्‍ङीगी दो़पाला ॱमीथी़न्‍दालाक धेनी धाम्‍पे थुक्‍ङीगी दो़पा ली़गी दो़पाला ॱमीथी़न्‍दालाक। धेनी दे ॱङीउ डा झ्‍युरी, खेक्‍याई थेगीन लेगा झ्‍यीरु ॱमीच्‍युक्‍कीलाक।

२ तीमोथेउ 2:19

हीना “चोवोगी राङगी मीक्‍याला खेन्‍दालाक।” धेनी “चोवोगी छेन भो़गीनक्‍या लेङेनक्‍या पाङास्‍योक” ॱनेरी ढीक्‍टा को़न्‍क्षोकगी चीक्‍माङगो तेन्‍पो झ्‍येरी ॱनेलालाक।

ईब्‍रीपा 1:9

खेराङगी ढाङतेनला चेवा जे हो़तालाक धेनी मेढाङाला दाङा जे हो़तालाक। होझ्‍येरी को़न्‍क्षोक, खेराङगी को़न्‍क्षोकगी खेराङला राङगी रोवाक्‍याने ल्‍हाक थोवा जेदी, ॱनुम ढी़री दामा जेदी, घाटो ॱनाङ हो़तालाक।”

याकोब 3:2

घीझ्‍येरी ॱनाना होराङ घीरी नोन्‍डु माङा झ्‍यीदालाक। राङगी स्‍येगीन तामला नोन्‍डु मीझ्‍यीगीन मी नी, याङदाक्‍पा मी च्‍यीक लाक धेनी खी़ राङगी शु घीरीला च्‍याक ग्‍याप थुक्‍कीलाक।

युदा 1:23

धेनी श्‍येम्‍माक्‍याला मेगी खोक्‍ने तो़न्‍दी क्‍योप धेनी को़न्‍क्षोकगी जीक्‍नाङ मुला श्‍येम्‍माक्‍याला ॱङीङजे तो़न हीना खुङक्‍याई धीक्‍पे दो़छाकगी चोक्‍पा शो़गीन, घो़ला दाङा झ्‍यी।