रोमापा 16:17 - ॱलोवा

¹⁷ पी़नक्‍याओ, खेक्‍याला ॱलाप्‍ला क्षो़गी तावाने श्‍येम्‍मा ॱलाप्‍ती, खेक्‍या घुङदु टुक्‍कीन धाङ काल्‍ले घाक्‍वा शोगीन, मीक्‍याने शाप-शाप झ्‍यी धेनी खुङक्‍याने डारी धो़क ॱनेरी, ङा खेक्‍याला श्‍योवा पुलाहीन।

रोमापा 16:17 ပူးပေါင်းရင်းမြစ်များ

मेथा 18:17

याङ खी़ खुङक्‍यालाः मेङेन्‍ना, होदे लाबगो क्षो़छोकला स्‍यो़क। धेनी खी़ क्षो़छोकगी खाला मेङेन्‍ना, खो ख्‍यी़ क्षीला धेपा मीझ्‍यीगीन धाङ ठा धुगीनक्‍या च्‍योक्‍रे झ्‍युङास्‍योक।

मेथा 18:7

धीक्‍पा झ्‍यीदु च्‍युक्‍कीन भारचेक्‍याई क्षीला, दे जीक्‍तेन दे दुक्‍वाली! घीझ्‍येरी ॱनाना भारचे हुङ घोगुलाक हीना सी़ थोक्‍ने भारचे हुङी, होदेगो दुक्‍वाली!

मेथा 7:15

“ॱङो़नस्‍येखेन शोक्‍पोक्‍याने शाप-शाप झ्‍यी। देक्‍या लुकगी पाउ घो़न्‍दी हुङालाक, हीना नाङने जीक्‍टाक्षे चुङगुक्‍या च्‍योक्‍रे हुङालाक।

लुका 17:1

येशुगी राङगी ङेनेक्‍याला सुवालाक, “धीक्‍पा झ्‍यीदु च्‍युक्‍कीन ॱली़टेक्‍या हुङगीलाक हीना होदे ॱली़गीन मी दे ॱङ्याली!

जेपा 15:24

हेक्‍या खोक्‍ने सोसा मी रीङगागी ॱलापच्‍या शोक्‍पो तेरती, खेराङक्‍याला दुक्‍पु तेरपालाक ॱनागीन लाब हेक्‍याई ॱहाघोहो़क। हीना हेक्‍याई होदे मीक्‍याला झावा मालाक।

१ कोरीन्‍थुपा 11:18

घीझ्‍येरी ॱनाना धाङपोगो, खेक्‍या क्षो़छोकदु मुला जोमाराङ, खीकी नाङदु स्‍योखाक भेगीनगो ङी घोरजुङ। धेनी देला ङी यीच्‍चे च्‍ये दुक।

१ कोरीन्‍थुपा 3:3

खेक्‍या धान्‍दाः जीक्‍तेन्‍पा राङ दुक। घीझ्‍येरी ॱनाना खीकी खोक्‍दु ठादोक धाङ थाप्‍चो़ हो़नाः, खेक्‍या जीक्‍तेन्‍पा माले धेनी मी क्‍युमाक्‍या च्‍योक्‍रे चो़पा झ्‍यीदा माले?

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।

फीलीप्‍पीपा 3:17

पी़नक्‍याओ, ङाला पे श्‍याक्‍ती मीछे पी़ धेनी हीकी मीछेला खेक्‍याई थोथा पे च्‍योक्‍रे, मीछे पी़गीनक्‍याला श्‍यीप्‍ता झ्‍यी।

कोलोसेपा 2:8

मी सु च्‍यीकगीया खेक्‍याला खुङ मेगीन धाङ ॱली़गीन ॱलापच्‍याक्‍याई थोक्‍ने, वाङदु धी़रु ॱमाच्‍युक। देक्‍या नी, मास्‍यीकागी थोक्‍ने मेन्‍दा, मीगी लुक्‍सो़ धाङ जीक्‍तेनगी तावाक्‍याला तेन्‍दालाक।

२ थेसालोनीकेपा 3:6

पी़न्‍दाक्‍याओ, लेमेलाम्‍गीन ख्‍याम्‍बोक्‍या धाङ हीकी तेरता ॱलापच्‍याक्‍याला ॱमीचीगीनक्‍यामुला मादेप, ॱनेरी हेक्‍या होरी चोवो येशु मास्‍यीकागी छेनला खेक्‍याला कुलाहीन।

१ तीमोथेउ 1:3

ङा माकेडोनीया युदु डी़ घाङला, ङी ख्‍यो़ला श्‍यी़गीन च्‍योक्‍रे होदुरु हो़गीन तावा शोक्‍पोगी क्षो़ ॱलाप्‍कीनक्‍याला ङेन्‍ता ताङयेला, ख्‍यो़ एफीसु ग्‍याजारु राङ धो़क।

२ तीमोथेउ 3:5

धेनी क्षो़सेम झ्‍यी दोक-दोक झ्‍यीगीन हीना होदेगी वाङला खेमेलेन्‍गीन हुङगीलाक। देरे मीक्‍याने जेम।

तीतोस 3:10

टुक्‍ती खा डादु च्‍युक्‍कीन मीक्‍याला थेङ च्‍यीक याङमेना थेङ ॱङी ङेन्‍ता तोङ धेनी धोराङा मेङेन्‍ना, होदेमुला ढेवा घीन्‍दा माश्‍याक।

१ योहान्‍ना 2:19

खुङक्‍या होरी घुङनेराङ थो़न्‍दी सोवालाक हीना खुङक्‍या ॱङोन्‍नेगो, होराङ स्‍योकने मालाक। घीझ्‍येरी ॱनाना खुङक्‍या होराङ स्‍योकने हीन्‍ना, खुङक्‍या होराङमुला राङ धे हो़टु हीना खुङक्‍या घीरी होराङने डारी डुगीनगी़ राङ, होराङ स्‍योकगी मालाक ॱनेरी सावो झ्‍युङालाक।

युदा 1:19

छोखाक पेगीन धाङ जीक्‍तेन्‍पा सेम हो़गीन धाङ धाम्‍पे थुक्‍ङी मेगीन, मीक्‍या देक्‍याराङ लाक।