रोमापा 14:21 - ॱलोवा

²¹ धा स्‍या मेशाना याङना घुन्‍क्षाङ ॱमीथुङना, धेनी राङगी पी़नला भारचे ताङगीन लेगा घीयाः मीझ्‍यीना घास्‍योकगो लाक।

रोमापा 14:21 ပူးပေါင်းရင်းမြစ်များ

मेथा 13:21

हीना राङला चावा तीङ रीङबो मेगीन झ्‍येरी, होदे धी़चो़ तीते च्‍यीक धेगीलाक धेनी कागी दो़न्‍दु दुक्‍ङेल धाङ ॱनेक्‍यो़न झ्‍युङना लाम्‍साङ खो धेपाने लोक्‍कीलाक।

मेथा 16:23

हीना येशुगी श्‍याल ग्‍युरती पेटोला सुवालाक, “धी़क ख्‍यो़, ङी ग्‍याप्‍तु सोङ! ख्‍यो़ ङी छीला भारचे हीन घीझ्‍येरी ॱनाना ख्‍यी़ साम्‍लो को़न्‍क्षोकने मेन्‍दा मीने दुक।”

रोमापा 14:13

होझ्‍येरी होराङ च्‍यीकगी च्‍यीकला क्‍यो़न ॱमाचुक। हीना ॱयोल्‍ले राङगी पी़नगी लामला काक्‍दो याङना घाक्‍वा मीझ्‍युङगीन मीछे पी़येला थाक्‍चो़।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

१ कोरीन्‍थुपा 8:13

होझ्‍येरी शामागी ङी पी़नला धीक्‍पा झ्‍यीदु च्‍युक्‍ना, ङा खोला धीक्‍पे नाङ छी़दु ॱमीच्‍युक्‍येगी क्षीदु नामा स्‍या मेशा।

१ कोरीन्‍थुपा 8:9

हीना खीकी राङवाङ दे धेपा तेन्‍पो मेगीनक्‍याला काक्‍दो माझ्‍युङवास्‍योक।

फीलीप्‍पीपा 1:10

खेक्‍याई शाङा घी हीन्‍गीनगो, दाम थुक्‍वा धाङ मास्‍यीकागी ङीमा थुक्‍पे चाङमा धाङ क्‍यो़न मेगीन हुङवास्‍योक।

ईब्‍रीपा 12:13

श्‍याक्‍योक्‍याई छीकक्‍या मीबी़दा हीना ढाक्‍वा स्‍योक ॱनेरी, खेरी काङबी क्षीदु लाम खाप्‍ते शो़।

ॱङो़न्‍पा 2:14

हीना ङाला खेक्‍याला क्‍यो़न चुक्‍येगी लाबक्‍या हो़क। खेक्‍याई खोक्‍दु बालामगी क्षो़ला ती़न्‍गीन, मी रीङगा दुक। ईस्‍राएल्‍पाक्‍याला धीक्‍पे नाङदु ॱली़येला, ल्‍हाकुन्‍डाक्‍याला पुपा शामा शाये धाङ लोक्‍येम झ्‍यीयेला बालामगी, बालाकला ॱलाप्‍पालाक।