रोमापा 14:20 - ॱलोवा

²⁰ शामागी क्षीदु को़न्‍क्षोकगी लेगाला मेताला ॱमाताङ। ॱङोन्‍ने ॱनाना ॱङोपो घीरी चाङमा लाक हीना राङगी शागीनगी श्‍येम्‍माला भारचे ताङना होदे नोन्‍डु लाक।

रोमापा 14:20 ပူးပေါင်းရင်းမြစ်များ

मेथा 15:11

मीगी खा नाङदु जुगीनगी, मी देला ॱमेचाङा मेशोवालाक हीना मीगी खाने थो़न्‍गीनगी, मी देला ॱमेचाङा शोवालाक।”

मेथा 18:6

हीना ङाला धेपा झ्‍यीगीन देरे टुक्‍याने, च्‍यीकला धीक्‍पा झ्‍यीदु च्‍युक्‍ना, होदेगी मीक्‍पाला क्षुथाकगी धोगोङ क्षे च्‍यीक ताक्‍ती, ग्‍याछो नाङदु भीप्‍तु च्‍युक्‍ना घागुलाक।

जेपा 10:15

धेनी केकगी धाब्‍ले सुवालाक, “को़न्‍क्षोकगी चाङमा जेगीनला ख्‍यो़ ॱमेचाङा ॱनेरी ॱमाना।”

रोमापा 14:2

मी रीङगागी शामा ॱना हो़लेगो शाना ढीयालाक ॱनेरी, धेपा झ्‍यीदालाक हीना धेपाला क्‍योवा हो़गीनगो ॱङोप्‍छे च्‍यीगा शालाक।

रोमापा 14:21

धा स्‍या मेशाना याङना घुन्‍क्षाङ ॱमीथुङना, धेनी राङगी पी़नला भारचे ताङगीन लेगा घीयाः मीझ्‍यीना घास्‍योकगो लाक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

फीलीप्‍पीपा 1:6

धेनी खीकी नाङ ले शाङा गो चुक्‍कीन, को़न्‍क्षोक खोङगीराङ मास्‍यीका येशु फेप्‍कीन ङीमा थुक्‍पे, दी लेगा दे डुप्‍पा जेगीलाक ॱनेरी, ङा ॱलोते हो़क।

तीतोस 1:15

सेम चाङमा हो़गीनगी क्षीदु घीरी चाङमा हुङालाक हीना सेम ॱमेचाङा हो़गीन धाङ धेपा मीझ्‍यीगीनक्‍याई क्षीदु, घीन्‍दाङ चाङा मेयोङालाक घीझ्‍येरी ॱनाना खुङक्‍याई साम्‍लो धाङ सेमराङ मेढाङा हुङालाक।