रोमापा 12:17 - ॱलोवा

¹⁷ मी सुलाः ङेन्‍पागी छापला ङेन्‍पा माझ्‍यी। मी घीरीगी ॱमीक्‍वादु याराप चीगीनगोला दो़नाङ झ्‍यी।

रोमापा 12:17 ပူးပေါင်းရင်းမြစ်များ

मेथा 5:24

ख्‍यो़री क्षो़पा क्षो़ठीगी दोङदु श्‍याक्‍ती सोङ। धेनी एन्‍ला खेरी पी़नमुला थी़न्‍लाम झ्‍यी धेनी होरी खेरी क्षो़पा पु।

मेथा 5:39

हीना ङा खेक्‍याला ॱनाहीन, मी ङेन्‍पाला दोङलेन माझ्‍यी। ख्‍यी़ डाबा ॱयेला डाम्‍चाक श्‍युरकीनगोला, डाबा श्‍येम्‍मागोवा तो़न।

रोमापा 12:19

धेनी चेवेक्‍याओ, नामा डास्‍या मालेन हीना को़न्‍क्षोकगी थुक्‍ठो़ला भोरस्‍योक। घीझ्‍येरी ॱनाना सुङरापला देरे ढीक हो़तालाक, “डास्‍या लेन्‍ये लेगेन ङी लाक। ङीराङ लेन्‍दु, सुरी चोवो सुङालाक।”

रोमापा 14:16

होझ्‍येरी ख्‍यी़ शाङा चीगीनगोला, श्‍येम्‍मागी ङेन्‍पा ॱनारु ॱमाच्‍युक।

कोलोसेपा 4:5

घुकाप घी थोप्‍ना भेचो़ शाङपो झ्‍येरी, मास्‍यीकावा मेन्‍गीनक्‍यामुला च्‍याङजे झ्‍येरी च्‍यो़पा झ्‍यी।

१ थेसालोनीकेपा 4:12

देरे झ्‍यीना धेपा मीझ्‍यीगीनक्‍याई, खेरी मीछे केताङला घुस्‍याप झ्‍यीगीलाक धेनी खेक्‍या मी श्‍येम्‍माला रे मेघो़गीलाक।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

१ थेसालोनीकेपा 5:22

ङेन्‍पा घीरीने जेम्‍दी धो़क।

१ तीमोथेउ 5:14

होझ्‍येरी नाच्‍युङमा युक्‍जामाक्‍या ॱनामा लेन्‍दी टुवा के धेनी नाङ शीम्‍दी, डाला ॱना चेयेगी घुकाप ॱमेतेरयेला ङा दो़दीहो़क।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 3:16

साम्‍लो ॱनाम्‍पा दाक्‍पागी गोने झ्‍यीघो़। देरे झ्‍यीना मास्‍यीका नाङ हो़गीन खीकी च्‍यो़पा शाङाला ॱमेटा पाप्‍कीनक्‍या, राङगी ॱमेटागी राङ ङोछारु च्‍युक्‍कीलाक।

१ पेटो 3:9

ङेन्‍पाला ङेन्‍पा याङना ॱमेबेप छापला, ॱमेबेपगी लेन ॱमालोक। हीना दी छापला झ्‍यीलाप तेर घीझ्‍येरी ॱनाना खेक्‍याला झ्‍यीलाप थोप्‍येगी क्षीलाराङ खेक्‍या भो़वालाक।