रोमापा 12:15 - ॱलोवा

¹⁵ घाटो झ्‍यीगीनक्‍यामुला घाटो झ्‍यी धेनी ङुता ग्‍याप्‍कीनक्‍यामुला ङुता ग्‍योप।

रोमापा 12:15 ပူးပေါင်းရင်းမြစ်များ

लुका 1:58

धेनी को़न्‍क्षोकगी मोला थुक्‍जेक्षे जेदुक, ॱनेरी ॱहाघोरती मी़ खीम्‍चेक्‍या धाङ पी़न्‍दाक्‍या मी़मुला ङ्यामो घेवालाक।

योहान्‍ना 11:19

धेनी याहुदापा मी माङा लाजार ढोङरी, खी़ ईजी मारथा धाङ मीरीयाम ॱङीउला सेम्‍सो पारतु होवालाक।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

१ कोरीन्‍थुपा 12:26

येन्‍लाक च्‍यीक दुक्‍पु ङ्याङना, येन्‍लाक घीरीमुला दुक्‍पु ङ्याङालाक। याङना येन्‍लाक च्‍यीकगी घुस्‍याप झ्‍युङना, येन्‍लाक घीरीमुला घाटो झ्‍यीदालाक।

२ कोरीन्‍थुपा 11:29

क्‍योवा सु मेयोङा से धेनी ङा क्‍योवा मीझ्‍युङये? धीक्‍पा नाङदु सु ॱमाछी़ दुक से धेनी ङा खोङडो मेलाङये?

२ कोरीन्‍थुपा 2:3

ङा खेक्‍याचारु हुङी घाङला, ङी सेम घारु च्‍युक घोये हीन्‍गीन, खेक्‍याई ङी सेम क्‍योरु ॱमीच्‍युक्‍येगी क्षीदु, ङी होदे लाबक्‍या ढीक्‍पी। धेनी ङी घाटो नी, खेक्‍या घीरीगी घाटो झ्‍युङगीलाक ॱनेरी, खेक्‍या घीरी खाला ङी यीच्‍चे तेन्‍पो हो़क।

फीलीप्‍पीपा 2:26

घीझ्‍येरी ॱनाना खो खेक्‍या घीरीला ॱमीच्‍यीकी ढेन्‍दालाक धेनी खोराङ नागीनगी कोरला खेक्‍याई घोरती, खो सेम्‍डा झ्‍यीदालाक।

फीलीप्‍पीपा 2:28

होझ्‍येरी खोला धाब्‍ले थोरी खेक्‍या ङ्यामो घाये धाङ ङी दुङागो ङ्युङदु डोवास्‍योक ॱनेरी, ङा खोला खीकीचारु झाङयेला ॱमीच्‍यीकी दो़दीहो़क।

ईब्‍रीपा 13:3

चो़न्‍खाङ नाङदु हो़गीनक्‍याला, खेक्‍याः खुङक्‍यामुला चो़न्‍खाङदु हो़गीन च्‍योक्‍रे झ्‍येरी ढेन्‍सो़ झ्‍यी। धेनी राङगी दुक्‍ङेल ङ्याङगीन च्‍योक्‍रे, दुक्‍पु ङ्याङगीनक्‍याला ढेन्‍सो झ्‍यी।