रोमापा 1:3 - ॱलोवा

³ ताम्‍शाङ दे नी को़न्‍क्षोकगी सेगी कोरला लाक। खोङ नी, ली़ला ग्‍यावु दावीदगी दुङग्‍युने ठुङवालाक।

रोमापा 1:3 ပူးပေါင်းရင်းမြစ်များ

मेथा 1:1

आब्‍राहामगी ग्‍युपा, ग्‍यावु दावीदगी ग्‍युपा, येशु मास्‍यीकागी दुङग्‍यु नी,

मेथा 1:16

धेनी याकोब मीरीयामगी ख्‍योवा योसेफगी आकी लाक। मीरीयामने येशु ठुवालाक धेनी खोङबाराङ मास्‍यीका ॱनागीनगो लाक।

मेथा 1:6

धेनी येस्‍से नी ग्‍यावु दावीदगी आकी धेनी दावीदगो उरीयागी युक्‍जामाने झ्‍युजा सोलोमोनगी आकी,

मेथा 12:23

धेनी मीछोक घीरी ॱमीच्‍यीकी ॱहालेरी ॱनेवालाक, “मी दे ग्‍यावु दावीदगी सेगो हीन्‍ढी़?”

मेथा 15:22

होदे साजागी कानानीपा केमी च्‍यीक खोङबागी डुङदु होरी, केक क्षे ग्‍याप्‍ती श्‍यी़वालाक, “के चोवो ला, दावीदगी से, ङाला ॱङीङजे जेरोनाङ। ङी भोमो डेगी शीम्‍दी ॱमीच्‍यीकी दुक्‍वा झ्‍युरी धेदुक।”

मेथा 26:63

हीना येशुगी घीया ॱमासुवालाक। धेनी चो क्षो़पो़नगी खोङबाला ॱनेवालाक, “ङा को़न्‍क्षोक सो़न्‍पोला ॱना क्‍यारी ॱनाहीन, ख्‍यो़ को़न्‍क्षोकगी से मास्‍यीकागो हीने, हेक्‍याला स्‍यो़क?”

मेथा 27:43

खी़ को़न्‍क्षोकला ॱलोते झ्‍येरी, ‘ङा नी को़न्‍क्षोकगी से हीन।’ ॱनेरी ॱनालाक। धा को़न्‍क्षोकगी थुक ॱङेना, धान्‍दा खोला थारपा जेदास्‍योक।”

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

मेथा 9:27

धा येशु होदेने फेई घाङला, मी श्‍यारा ॱङी खोङबागी स्‍याबाला डारी, केक ग्‍याप्‍ती श्‍यी़वालाक, “दावीदगी से, हेक्‍याला ॱङीङजे शीक्‍रोनाङ।”

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 1:69

खोङबागी राङगी ॱयोक्‍पो दावीदगी ग्‍युपाने, होरी क्षीला थारपे राक्‍योक च्‍यीक ॱलाङा जेदुक।

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 1:34

धेनी ङी होदे ज्‍याजुङ धेनी खोङबाराङ को़न्‍क्षोकगी से लाक ॱनेरी ङा पाङपो झ्‍यीदाहीन।”

योहान्‍ना 1:49

नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 10:30

ङा धाङ याप नी च्‍यीक हीन।”

योहान्‍ना 10:36

को़न्‍क्षोकगी धाम्‍पा जेदी जीक्‍तेनदु ॱङाक्‍ङा ङी, ‘ङा को़न्‍क्षोकगी से हीन।’ ॱनागीनगोला, खेक्‍या ङाला को़न्‍क्षोकला कुरवा धेबी, ॱनेरी घीझ्‍येरी क्‍यो़न चुक्‍वाले?

योहान्‍ना 20:28

थोमागी खोङबाला श्‍यी़वालाक, “ङी चोवो, ङी को़न्‍क्षोक।”

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 5:25

ङा खेक्‍याला धेन्‍पा धेनक्‍याङ ॱनाहीन, स्‍यीम्‍बुक्‍याई को़न्‍क्षोकगी सेगी सुङकेक घोरकीन धी़गो ॱलेवी हो़तालाक धेनी धी़गो धान्‍दा लाक। धेनी ङेन्‍गीनक्‍या सो़न्‍पो ॱनेगीलाक।

योहान्‍ना 7:42

मास्‍यीका नी, ग्‍यावु दावीदगी दुङग्‍युने धेनी दावीदगी फायु बेथलेहेमने फेप्‍कुलाक ॱनेरी, सुङरापगी नाङ ढीक हो़तामाले?”

जेपा 2:30

हीना दावीद ॱङो़नस्‍येखेन लाक धेनी खोङगी ग्‍युपाक्‍याने च्‍यीक, खोङगी श्‍युक्‍ठीला श्‍युक्‍कुलाक ॱनेरी, को़न्‍क्षोकगी जेजा धाम्‍चागो खोङला स्‍येये हो़तालाक।

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

जेपा 8:36

धेनी खुङक्‍या होदे लाम्‍गाने डी़ घाङला, क्षु हो़जारु ॱलेप्‍पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्‍येला घीन्‍गी काक थुक्‍कीले?”

जेपा 9:20

लाम्‍साङ साउल छोक्‍खाङक्‍याला सोरी, येशुराङ को़न्‍क्षोकगी से लाक ॱनेरी, मीक्‍याला स्‍येपालाक।

रोमापा 1:9

धेनी ङी सेम तीङने, को़न्‍क्षोकगी सेगी ताम्‍शाङ सेटाक झ्‍यीदीहो़क धेनी खोङ को़न्‍क्षोकराङ, ङी खेक्‍याई कोरला ॱमेक्षेदा च्‍योई ॱमो़लाम ग्‍याप्‍कीनगी पाङपो लाक। ङी ॱमो़लामला, को़न्‍क्षोकगी थुकोङ थोक्‍ने झ्‍युङ थुक्‍ये हीन्‍ना, थामाला ङा खीकीचारु हुङये रास्‍योक ॱनेरी श्‍यी़लीहो़क।

रोमापा 4:1

धा ॱहाना ली़गी छाने, हीकी मेमे आब्‍राहामगी कोरला घी ॱनागुलाक से? दो़न दी, कोरला खोङला घी थोप हो़टी़?

रोमापा 9:3

धेनी ङा ङाराङगी रीग्‍यु च्‍यीक्‍पा हीन्‍गीन पी़न्‍दाक्‍याई दो़न्‍दु, ङा ङाराङला ॱमेमो फोक्‍ये धाङ मास्‍यीकाने खा डायेगी दो़पाः झ्‍यी थुक्‍येहो़क।

रोमापा 9:5

आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।

१ कोरीन्‍थुपा 1:9

को़न्‍क्षोक नी ॱलोते छोक्‍पा हो़तालाक। धेनी खोङगीराङ खेक्‍याला राङगी से, होरी चोवो येशु मास्‍यीकामुला ङ्याम्‍ढेल जेयेगी क्षीला भो़ जेपालाक।

१ कोरीन्‍थुपा 10:18

ईस्‍राएलगी मीरीकला तो़, क्षो़ठी खाला पुपा क्षो़पाने शागीनक्‍या क्षो़ठीगी क्षो़पाला थेला माले?

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

१ तीमोथेउ 2:5

घीझ्‍येरी ॱनाना को़न्‍क्षोक च्‍यीक हो़तालाक धेनी को़न्‍क्षोक धाङ मीगी घुङला, भारदुम ताङगीन च्‍यीक हो़तालाक, खोङ नी मास्‍यीका येशु,

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

२ तीमोथेउ 2:8

ङी स्‍येगीन ताम्‍शाङ च्‍योक्‍रे, दावीदगी दुङग्‍युने हीन्‍गीन छीवाने सो़न्‍पो श्‍याङस्‍या येशु मास्‍यीकाला ढेन्‍सो़।

१ योहान्‍ना 1:3

खेक्‍याः हीकीमुला थी़न्‍डीलला हुङास्‍योक ॱनेरी, हेक्‍याई थोथा धाङ घोरकागो हेक्‍या खेक्‍याला सेटाक झ्‍यीदाहीन। धेनी हीकी थी़न्‍डीलगो याप धाङ से, येशु मास्‍यीकामुला लाक।

१ योहान्‍ना 3:23

धेनी को़न्‍क्षोकगी का नी, खोङगी से येशु मास्‍यीकागी छेनला होरी धेपा झ्‍यीघोये धाङ खोङगी होराङला ॱनाङना काठीम च्‍योक्‍रे, होराङ च्‍यीकगी च्‍यीकला झाम्‍पा झ्‍यीघोये लाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

१ योहान्‍ना 4:15

येशुला को़न्‍क्षोकगी से लाक ॱनेरी, सी़ खेलेन झ्‍यीना, को़न्‍क्षोक खी़ नाङ श्‍युक्‍वालाक धेनी खो को़न्‍क्षोकगी नाङ ॱनेगीलाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

१ योहान्‍ना 5:5

जीक्‍तेन देला ग्‍यागा थोप्‍कीन नी सुले? येशुराङ को़न्‍क्षोकगी से लाक ॱनेरी, धेपा झ्‍यीगीनगो च्‍यीगा लाक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।

ॱङो़न्‍पा 2:18

“धेनी थीयातीरागी क्षो़छोकगी भाङछेनला देरे ढीक, “चेनगो ॱमेचे च्‍योक्‍रे धाङ श्‍यापगो मेथाप नाङला, हो़ तो़न्‍दी श्‍याक्‍सा लीदीङ च्‍योक्‍रे, हो़गीन खोङ को़न्‍क्षोकगी सेगी दे काक्‍या सुङी।