ॱङो़न्‍पा 8:3 - ॱलोवा

³ धेनी नाम्‍खे भाङछेन श्‍येम्‍मा च्‍यीक, सेरगी पो़फोर खेरती फेप्‍जुङ धेनी क्षो़ठीगी डामदु श्‍यारी श्‍युक्‍जुङ। धेनी श्‍युक्‍ठीगी दोङदु हो़गीन सेरगी क्षो़ठी खाला, धाम्‍पे मीक्‍याई ॱमो़लामक्‍या पुयेला, खोला पो़ माङा ॱनावालाक।

ॱङो़न्‍पा 8:3 ပူးပေါင်းရင်းမြစ်များ

लुका 1:10

पो़ पारी घाङला, मीमाङक्‍या क्षो़खाङ फीला सोवा ग्‍याई हो़तालाक।

रोमापा 8:34

धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

ईब्‍रीपा 9:4

होदे नाङदु पो़ पारसा सेरगी क्षो़ठी धाङ छोक घीरीने सेरगी तुम्‍दा, धाम्‍चागी गाम हो़तालाक। गाम दी नाङदु ॱमान्‍ना ॱनागीन शामा हो़गीन, सेरगी भुम्‍पा धाङ आरोनगी भेक्‍योक धाङ धाम्‍चागी धोलेप हो़तालाक।

ॱङो़न्‍पा 10:1

धेनी ङी नाम्‍खे श्‍यीङखामने श्‍येम्‍मा आङक्षे नाम्‍खे भाङछेन च्‍यीक, भाप्‍ती फेप्‍कीनगो थोजुङ। खोङ नी, ॱरीङबागी तुम्‍दा धाङ खोङगी उला जा हो़तालाक। धेनी खोङगी श्‍यालगो ङीमा च्‍योक्‍रे, धाङ श्‍यापक्‍या नी मेगी कावा च्‍योक्‍रे हो़तालाक।

ॱङो़न्‍पा 14:18

धेनी क्षो़ठीगी मेगी तादोक जेगीन, नाम्‍खे भाङछेन श्‍येम्‍मा च्‍यीक क्षो़ठी नाङने फेप्‍जुङ। धेनी शोरा ॱनोवा हो़गीन, नाम्‍खे भाङछेनगोला सुङकेक क्षेला सुजुङ, “ख्‍यो़री शोरा ॱनोवागो ग्‍योप धेनी साश्‍यीगी घुन्‍डुमगी छाक्‍पाक्‍या रुक घीझ्‍येरी ॱनाना साश्‍यीगी घुन्‍डुम घीरी छो़सादुक।”

ॱङो़न्‍पा 5:8

धेनी खोङबागी होदे स्‍योक्‍टीगो ॱनुमा जेसारती, होदे सेम्‍चेन श्‍यी धाङ ॱलोपो़न ङीस्‍यु चापश्‍यीगोक्‍या, लुक्‍टुगी दोङदु क्षाक छावालाक। खुङ रे-रेगी क्षाकला पीवाङ धाङ पो़ खाङखा सेरगी फोराक्‍या ॱनुम हो़तालाक। होदे पो़क्‍या को़न्‍क्षोकगी मीक्‍याई पुपा ॱमो़लामक्‍या लाक।

ॱङो़न्‍पा 6:9

धेनी लुक्‍टुगी थेचे ॱङावागो स्‍यीयाराङ, क्षो़ठीगी होकदु को़न्‍क्षोकगी का धाङ खोङला धेन्‍पाङ झ्‍येजागी क्षीला सेसा, मीक्‍याई सेम्‍ङीक्‍या ङी थोजुङ।

ॱङो़न्‍पा 7:2

धेनी स्‍यार स्‍योकने, नाम्‍खे भाङछेन श्‍येम्‍मा च्‍यीकगी सो़न्‍पो को़न्‍क्षोकगी थेचे खेरती, याला फेप्‍कीनगो ङी थोजुङ। धेनी साश्‍यी धाङ ग्‍याछोला ॱनो़ क्‍यायेगी आङजा थोप्‍था, नाम्‍खे भाङछेन श्‍यीला खोङगी सुङकेक क्षेला देरे सुजुङ,

ॱङो़न्‍पा 8:4

धेनी नाम्‍खे भाङछेनगी क्षाकने पो़गी धीबागो, धाम्‍पे मीक्‍याई ॱमो़लामक्‍यामुला को़न्‍क्षोकगी डुङदु याला सोवालाक।

ॱङो़न्‍पा 8:5

धेनी नाम्‍खे भाङछेनगी पो़फोरगो खेरती, क्षो़ठीगी मेगी पो़फोरगो कावालाक। धेनी साश्‍यीगी खाला तोरपालाक। धेनी होदुरु डुक्‍डा धाङ केडा धाङ ॱलोक्‍मार थो़न्‍बालाक धेनी सुङगु सोवालाक।

ॱङो़न्‍पा 9:13

धेनी नाम्‍खे भाङछेन ढुक्‍पागी़ राङगी, दुङक्षेनगो भी़वालाक धेनी ङी को़न्‍क्षोकगी दोङदु हो़गीन, सेरगी क्षो़ठीगी राक्‍योक श्‍यीने, केक च्‍यीक थो़न्‍गीन घोरजुङ।