ॱङो़न्‍पा 7:9 - ॱलोवा

⁹ होदे स्‍याम्‍ने सी़याः ढाङगा ग्‍याप ॱमीथुक्‍कीन, मीरीक हो़ले धाङ ग्‍युपा हो़ले धाङ मीमाङ हो़ले धाङ केरीक हो़लेगी, मीछोक क्षे च्‍यीक श्‍युक्‍ठी धाङ लुक्‍टुगी दोङदु लारी धेगीनगो, ङी थोजुङ। धेनी खुङक्‍या घो़ काउ घो़न्‍दी, लाक्‍पारु स्‍यीङ तालागी याकाक्‍या खेरती धेदुक।

ॱङो़न्‍पा 7:9 ပူးပေါင်းရင်းမြစ်များ

लुका 12:1

होदे घाङला मी तोङडाक माङा येशुचारु जोम्‍दी, च्‍यीकगी च्‍यीकला छाङगा ग्‍याप्‍ती, काङबी ॱलेये झ्‍येवालाक धेनी येशुगी एन्‍ला खोरी ङेनेक्‍याला सुवालाक, “फारुसीपाक्‍या खाने लाब च्‍यीक हीना लेगा श्‍येम्‍मा झ्‍यीगीन झ्‍येरी, देरे क्‍युरचीने शाप-शाप झ्‍येरी धो़क।

लुका 21:36

हीना हुङये झ्‍यीगीन दे घीरीने थारये धाङ मी-भुगी डुङदु लारी धे थुप्‍येगी क्षीला, च्‍योई सोवा ग्‍याप्‍ती च्‍याङजे झ्‍येरी धो़क।”

योहान्‍ना 12:13

होझ्‍येरी खुङक्‍याई तालागी स्‍यीङदोङगी याक्‍काक्‍या खेरती, खोङबाला ज्‍यारु सोवालाक। धेनी केक तो़न्‍दी ॱनेवालाक, “होसान्‍ना, चोवोगी छेनने फेप्‍कीन ईस्‍राएलगी ग्‍यावुला टास्‍यी हुङास्‍योक।”

रोमापा 11:25

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

एफीसुपा 6:13

होझ्‍येरी माउपारगी धी़ ङेन्‍पाला ङोग्‍येल झ्‍यीथुप्‍ये धाङ घीरी डुप्‍ती तेन्‍पो ॱने थुक्‍येगी क्षीला, को़न्‍क्षोकगी गोठाप छाङबो घो़न।

ईब्‍रीपा 11:12

होझ्‍येरी स्‍यीये हीन्‍गीन ली़ च्‍योक्‍रे झ्‍युजा मी च्‍यीकगी थोक्‍ने, ॱनामगी कारमाक्‍या धाङ ग्‍याछोगी भेमाक्‍या चो़, ढाङगा ग्‍याप ॱमीथुक्‍कीन भुग्‍युक्‍या झ्‍युवालाक।

ईब्‍रीपा 12:22

हीना खेक्‍या सो़न्‍पो को़न्‍क्षोकगी ग्‍याजा, नाम्‍खे श्‍यीङखामगी येरुसालेम धेनी ढाङगा ॱमेथेगीन, नाम्‍खे भाङछेन तोङठाकगी घाटोगी छोक्‍दुरु, सीयोनगी रीला हो हो़तालाक।

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 22:3

धा देने ॱहाला होदुरु नामा ॱमेमो मेशुक्‍कीलाक। को़न्‍क्षोक धाङ लुक्‍टुगी श्‍युक्‍ठीगो, होदे ग्‍याजारु झ्‍युङगीलाक धेनी खोङबागी श्‍याप्‍चीक्‍याई खोङबाला क्षाक्‍क्षो़पा पुगीलाक।

ॱङो़न्‍पा 3:18

होझ्‍येरी ख्‍यो़ क्षुक्‍पु झ्‍युङयेगी क्षीदु, ङाने मेगी चाङमा शो़सा सेर धाङ राङगी ॱमाराङा झ्‍युजागी ङोजा काप्‍येगी क्षीदु, घो़ काउ धाङ ख्‍यो़ थोङ थुक्‍येगी क्षीदु ख्‍यी़ ॱमीकला ॱमेन, ङाने ङ्यो़ ॱनेरी, ङा ख्‍यो़ला ॱलापच्‍या तेराहीन।

ॱङो़न्‍पा 4:4

होदे श्‍युक्‍ठीगी थाकोरला श्‍युक्‍ठी ङीस्‍यु चापश्‍यी दुक। धेनी उला सेरगी चो़पेन धाङ घो़ काउ घो़न्‍गा, ॱलोपो़न ङीस्‍यु चापश्‍यी होदे श्‍युक्‍ठीक्‍याखाला श्‍युक्‍कीनगो ङी ज्‍याजुङ।

ॱङो़न्‍पा 5:11

धेनी ङी तेवी धेनी श्‍युक्‍ठी धाङ सेम्‍चेनक्‍या धाङ ॱलोपो़नक्‍याई थाकोरला, नाम्‍खे भाङछेन तोङठाक धाङ बुमठाकगी सुङकेक घोरजुङ।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।

ॱङो़न्‍पा 6:11

खुङक्‍या घीरीला घो़ काउ ॱनावालाक धेनी खुङक्‍याई लेरोक धाङ पी़नक्‍याः खुङक्‍याला च्‍योक्‍रे सेदी, ढाङगा ॱमाछाङगीन थुक्‍पे, धोराङा च्‍ये च्‍यीक ङासुरी धो़क ॱनेरी सुवालाक।

ॱङो़न्‍पा 7:8

धेनी जेबुलुनगी ग्‍युपाने तोङ च्‍युङङी, धेनी योसेफगी ग्‍युपाने तोङ च्‍युङङी, धेनी बेन्‍यामीनगी ग्‍युपाने तोङ च्‍युङङीला, थेचे ग्‍याप्‍दुक।