ॱङो़न्‍पा 6:8 - ॱलोवा

⁸ ङी तेवी धेनी होदुरु ता सेउ च्‍यीक थोजुङ। होदे खाला श्‍यो़न्‍गीनगी मीङगो “छीवा” दुक धेनी स्‍यीम्‍पोक्‍या धेसागो, होदेगी स्‍याम-स्‍याम्‍ला डावालाक। धेनी खुङक्‍याला राल्‍डी धाङ मुगे धाङ घो़ने धाङ जीक्‍तेनगी चेनशेनगी गोने, सेदु च्‍युक्‍येला जीक्‍तेनगी दुबु श्‍यीने च्‍यीकगी खाला आङ तेर हो़तालाक।

ॱङो़न्‍पा 6:8 ပူးပေါင်းရင်းမြစ်များ

मेथा 11:23

“धेनी खे काफारनाहुमगी मीक्‍या राङ-राङला नाम्‍खे श्‍यीङखामदु ताक्‍टु ॱनेरी, सामी हो़ती? खेक्‍या ॱङ्यावागी तीङला पाप्‍कीलाक। घीझ्‍येरी ॱनाना खेक्‍याई खोक्‍दु झ्‍येजा ॱहाङसागीन क्षाक्‍लेक्‍या सादोमदु झ्‍युङहो़ना, धीरीङ थुक्‍पे होदे ग्‍याजागो ॱनेहो़टु।

मेथा 24:7

घीझ्‍येरी ॱनाना मीरीक धाङ मीरीक ठुक्‍कीलाक धेनी ग्‍याखाप धाङ ग्‍याखाप ठुक्‍कीलाक धेनी सा ढामेढादु मुगे झ्‍युङगीलाक धेनी सायोम ग्‍याप्‍कीलाक।

१ कोरीन्‍थुपा 15:55

“ये छीवा, ख्‍यी़ ग्‍याखा घाना? ये छीवा, ख्‍यी़ दुङगो घाना?”

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।

ॱङो़न्‍पा 12:4

धेनी होदेगी ॱङामागी़ ॱनामने कारमा दुबु सुमने च्‍यीक रुक्‍ती, साश्‍यीदु ॱयुक्‍पालाक। धेनी टु केलुङ मेताला होदे टुगोला मीक्‍येगी साम्‍लो तारी, होदे डुकगो होदे टु केये झ्‍यीगीन भोमोगी़ दोङदु लारी धे हो़तालाक।

ॱङो़न्‍पा 9:15

धा मीरीकगी दुबु सुमने दुबु च्‍यीकला सेयेला, होदे धी़चो़ धाङ होदे ङीमा धाङ होदे दावा धाङ होदे लोगी क्षीदु, डाढीक झ्‍येजा होदे नाम्‍खे भाङछेन श्‍यीला टोवालाक।

ॱङो़न्‍पा 9:18

धेनी खुङक्‍याई खाने थो़न्‍दा, मे धाङ धीबा धाङ मुशेगी नेक्‍यो़न सुमगी थोक्‍ने, मीरीकगी दुबु सुमने च्‍यीकला सेपालाक।