ॱङो़न्‍पा 4:1 - ॱलोवा

¹ होदे स्‍याम्‍ने, ङी तेवी धेनी नाम्‍खे श्‍यीङखामदु घो च्‍यीक पेरी श्‍याकश्‍या, ङी थोजुङ। धेनी ङी एन्‍योकला घोरका दुङकेकगी केक च्‍योक्‍रेगी़ ङाला देरे सुजुङ, “दुरु याला स्‍योक धेनी दे स्‍याम्‍ने झ्‍युङघोये हीन्‍गीन दो़नक्‍या, ङी ख्‍यो़ला तो़न्‍दु।”

ॱङो़न्‍पा 4:1 ပူးပေါင်းရင်းမြစ်များ

मेथा 3:16

येशु ठी़सो़ श्‍येसारती, लाम्‍साङ खोङबा क्षुने याला श्‍याङी घाङला, नाम्‍खा बेरी, को़न्‍क्षोकगी थुक्‍ङी फुक्‍रो़नगी स्‍यीकाला भाप्‍कीन धाङ खोङबा थोकला श्‍युक्‍कीनगो शीक्‍पालाक।

मारकु 1:10

क्षुगी नाङने थो़न्‍लुङ मेताला, खोङबागी नाम्‍खा भेपा धाङ धाम्‍पे थुक्‍ङी, फुक्‍रो़नगी स्‍यीकाला भाप्‍कीनगो शीक्‍पालाक।

लुका 3:21

धा मी घीरीगी ठी़सो़ लेन्‍दी घाङला, येशुगीयाः ठी़सो़ श्‍येवालाक। धेनी येशु सोवा धेबी घाङला नाम्‍खागो भेवालाक

योहान्‍ना 16:13

धेनी धेन्‍पागी थुक्‍ङी फेई घाङला, खोङगी खेक्‍याला धेन्‍पा घीरी नाङदु ठीया जेगीलाक। खोङबागी राङगी थोक्‍ने सुङगीमालाक हीना खोङगी घी सेन्‍गीनगो सुङा जेगीलाक धेनी माउपारगी दो़नक्‍या खेक्‍याला स्‍येगीलाक।

जेपा 10:11

खी़ नाम्‍खे श्‍यीङखाम भेरी होदेने रे क्षे च्‍यीक, शुर श्‍यीने ताक्‍ती जाम्‍बुलीङ स्‍योकला भाप्‍कीन थोवालाक।

जेपा 7:56

खी़ ॱनेवालाक, “तो़दाङ, ङी नाम्‍खे श्‍यीङखाम भेगीन धाङ को़न्‍क्षोकगी ॱये स्‍योकला, मी-भु श्‍याङदी श्‍युक्‍कीनगो थोङी।”

ॱङो़न्‍पा 1:10

धेनी चोवोगी ङीमागोला, ङा धाम्‍पे थुक्‍ङीगी वाङ होकला हो़तालाक। धेनी ङी ग्‍यापने दुङक्षेन क्षेगी के च्‍यीक च्‍योक्‍रे, केक क्षे च्‍यीक ङी घोरजुङ।

ॱङो़न्‍पा 1:12

धेनी ङाला कामो़न सुङगीन सुङकेक स्‍योकला, ङी खा ॱलोक्‍ती तेवी। धेनी ॱलोक्‍ती ती घाङला, होदुरु सेरगी क्‍युङ धी़न,

ॱङो़न्‍पा 1:19

होझ्‍येरी ख्‍यी़ थोथा धाङ धान्‍दा हो़गीन धाङ माउपारला झ्‍युङये हीन्‍गीनगो ढीक।

ॱङो़न्‍पा 11:12

धेनी नाम्‍खे श्‍यीङखामने, खुङक्‍याला देरे सुङगीन सुङकेक क्षे च्‍यीक, खुङक्‍याई घोरपालाक, “दुरु याला स्‍योक।” धेनी खुङक्‍या नाम्‍खे श्‍यीङखाम स्‍योकला, ॱरीङबा नाङला फेप्‍पालाक धेनी खुङक्‍याई डाक्‍याई खुङक्‍याला तेरी धेबालाक।

ॱङो़न्‍पा 11:19

धेनी नाम्‍खे श्‍यीङखामदु को़न्‍क्षोकगी क्षो़खाङगी घोगो बेवालाक धेनी खोङबागी क्षो़खाङ नाङदु, खोङबागी धाम्‍चागी गामगो थोवालाक। धेनी होदुरु ॱलोक्‍मार धाङ धीरडा धाङ डुक्‍डाक्‍या थो़न्‍बालाक। धेनी सुङगु सोवालाक धेनी सेरा क्षेक्‍या भाप्‍पालाक।

ॱङो़न्‍पा 16:17

धेनी नाम्‍खे भाङछेन धी़न्‍बागी़ राङगी फोरागो, ॱलुङला पो़वालाक। धेनी क्षो़खाङगी श्‍युक्‍ठीने, सुङकेक क्षे च्‍यीकगी देरे सुवालाक, “धा जोक्‍सो।”

ॱङो़न्‍पा 19:11

धेनी ङी नाम्‍खे श्‍यीङखाम भेगीनगो, थोजुङ धेनी होदुरु ता काउ च्‍यीक दुक। होदे ता खाला छीप्‍खेनगी़ छेनला ॱलोते छोक्‍पा धाङ धेन्‍पा दुक। ढाङतेनगी थोक्‍ने, खोङबागी ठीम्‍चो़ जेगीलाक धेनी ॱमाक टाप्‍कीलाक।

ॱङो़न्‍पा 22:6

धेनी नाम्‍खे भाङछेनगी ङाला सुजुङ, “दे लाबक्‍या ॱलो काथुक्‍कीन धाङ धेन्‍पा दुक। धा ग्‍योक्‍जे झ्‍युङये हीन्‍गीन लाबक्‍या, राङगी श्‍याप्‍चीक्‍याला तो़न्‍येगी क्षीदु, ॱङो़नस्‍येखेनक्‍याई सेम्‍ङीगी चोवो को़न्‍क्षोकगी राङगी भाङछेनला झाङा जेदुक।”