ॱङो़न्‍पा 3:18 - ॱलोवा

¹⁸ होझ्‍येरी ख्‍यो़ क्षुक्‍पु झ्‍युङयेगी क्षीदु, ङाने मेगी चाङमा शो़सा सेर धाङ राङगी ॱमाराङा झ्‍युजागी ङोजा काप्‍येगी क्षीदु, घो़ काउ धाङ ख्‍यो़ थोङ थुक्‍येगी क्षीदु ख्‍यी़ ॱमीकला ॱमेन, ङाने ङ्यो़ ॱनेरी, ङा ख्‍यो़ला ॱलापच्‍या तेराहीन।

ॱङो़न्‍पा 3:18 ပူးပေါင်းရင်းမြစ်များ

मेथा 13:44

“नाम्‍खे ग्‍यासी दे, श्‍यीङ च्‍यीकला बेरी श्‍याकश्‍या तेर च्‍योक्‍रे लाक। मी च्‍यीकला होदे ॱङेदी, याङ बेरी श्‍याक्‍पालाक धेनी ङ्यामो घेरी सोरी, राङला हो़गीन घीरी चोरी होदे श्‍यीङगो ङ्यो़वालाक।”

मेथा 25:9

हीना च्‍याङाक्‍याई लेन ग्‍याप्‍ती ॱनेवालाक, ‘खेक्‍या धाङ हे ॱङीगाराला खेयेगी ॱनुम हेला मेक। होझ्‍येरी छोङपा चारु सोरी, राङगी क्षीला ॱनुम ङ्यो़।’

लुका 12:21

येशुगी सुवालाक, “राङगी क्षीला ग्‍युनोर साक्‍कीन हीना को़न्‍क्षोकगी ॱमीक्‍वादु क्षुक्‍पु मेगीनगो, होदे मी च्‍योक्‍रेराङ लाक।”

२ कोरीन्‍थुपा 5:3

घीझ्‍येरी ॱनाना होदे घो़न्‍दी होराङ ॱमाराङा हुङगीमालाक।

२ कोरीन्‍थुपा 8:9

घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

१ तीमोथेउ 6:18

खुङक्‍याई लेगा शाङा झ्‍यीये धाङ ले शाङाला क्षुक्‍पु धेनी झ्‍यीम्‍बा ताङयेला घागीन धाङ राङला हो़गीन श्‍येम्‍माला घोवास्‍योक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

ॱङो़न्‍पा 16:15

“तो़दाङ, ङा कुमु च्‍योक्‍रे ॱहाताक्‍पाला हुङयेहीन। धेनी ॱमाराङा मीग्‍युक्‍ये धाङ ङोजा मीझ्‍युङयेगी क्षीदु, ॱङी मालोक्‍वा राङगी घोलाक घो़न्‍दी धेगीन मीगो, झ्‍यीलाप क्षे लाक।”

ॱङो़न्‍पा 19:8

घो़ पी़मा धाङ ठाछाई धाङ चाङमा च्‍यीक मोला घो़न्‍येला ॱनावालाक।” रे पी़मा दे नी, धाम्‍पे मीक्‍याई, ले शाङपोक्‍याला तो़न्‍दालाक।

ॱङो़न्‍पा 2:9

ख्‍यी़ दुक्‍पुक्‍या धाङ ख्‍यो़ उटे हो़गीनगो, ङाला स्‍येयेहो़क। हीना ख्‍यो़ नी, क्षुक्‍पुराङ दुक। धेनी याहुदापा मेन्‍दाला राङला याहुदापा हीन ॱनेरी, ॱनागीनक्‍याला ङी ङोस्‍येलीहो़क। धेनी खुङक्‍याई ॱमेटा ताङगीनगो, ङाला स्‍येयेहो़क। खुङक्‍या नी धी़कगी छोक्‍खाङ लाक।

ॱङो़न्‍पा 3:17

‘ङा क्षुक्‍पु हो़क धेनी ङाला ग्‍युनोर हो़क धेनी ङाला घीया घोये मीदुक।’ ॱनेरी ख्‍यो़ ॱनालाक हीना ख्‍यो़ थापक्‍योवा धाङ दुक फोक्‍पा धाङ उटे धाङ श्‍यारा धाङ ॱमाराङा हो़गीनगो, ख्‍यो़ला स्‍येये मेतालाक।

ॱङो़न्‍पा 4:4

होदे श्‍युक्‍ठीगी थाकोरला श्‍युक्‍ठी ङीस्‍यु चापश्‍यी दुक। धेनी उला सेरगी चो़पेन धाङ घो़ काउ घो़न्‍गा, ॱलोपो़न ङीस्‍यु चापश्‍यी होदे श्‍युक्‍ठीक्‍याखाला श्‍युक्‍कीनगो ङी ज्‍याजुङ।

ॱङो़न्‍पा 7:13

धेनी ॱलोपो़नक्‍याने च्‍यीकगी ङाला ढीजुङ, “दे घो़ काउ घो़न्‍गाक्‍या सुले? धेनी खुङक्‍या घाने होवाले?”