ॱङो़न्‍पा 22:14 - ॱलोवा

¹⁴ छेसोकगी दोङबोगी आङजा थोप्‍ये धाङ ग्‍याजागी गेघोक्‍या नाङने जु थुक्‍येगी क्षीदु, राङगी घो़ ठुगीनक्‍या झ्‍यीलाप क्षे लाक।

ॱङो़न्‍पा 22:14 ပူးပေါင်းရင်းမြစ်များ

योहान्‍ना 10:7

होझ्‍येरी येशुगी खुङक्‍याला धाब्‍ले सुङा जेपालाक, “ङा खेक्‍याला धेन्‍पा धेनक्‍याङ ॱनाहीन, लुक्‍रागी घो नी ङा हीन।

योहान्‍ना 10:9

ङा नी घोगो हीन। ङा थोक्‍ने जुगीनगो क्‍योप्‍कीलाक धेनी नाङला हुङ, फीला डो झ्‍येरी चापाङ ॱङेगीलाक।

योहान्‍ना 14:15

“खेक्‍याई ङाला चेवा झ्‍यीना, ङी काठीमक्‍या ॱरुङगीलाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 4:12

हीकी धाङबी मेमे याकोबगी दे क्षुदोङ दे, हेला ॱनावालाक धेनी खोङबा खोराङ धाङ खोङगी टुवाक्‍या धाङ खुङक्‍याई धी़डोक्‍यागी देनेराङ थुवालाक। धा खोङलाः खेराङ क्षे हीने?”

१ कोरीन्‍थुपा 7:19

पाउ चेदी ताक ग्‍याप्‍ना घीया मालाक धेनी पाउ चेगीन ताक मेग्‍याप्‍नाः घीया मालाक। को़न्‍क्षोकगी का ॱरुङयेगो चाक्षे लाक।

१ कोरीन्‍थुपा 8:9

हीना खीकी राङवाङ दे धेपा तेन्‍पो मेगीनक्‍याला काक्‍दो माझ्‍युङवास्‍योक।

१ कोरीन्‍थुपा 9:5

श्‍येम्‍मा कुछापक्‍या धाङ चोवोगी नोक्‍या धाङ केफास च्‍योक्‍रे, हेक्‍याला धेपा झ्‍यीगीन केमी ठीक्‍ती डोयेगी आङजा मेताले?

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

१ योहान्‍ना 3:3

धेनी खोङबा चाङमा हो़गीन च्‍योक्‍रे, खोङगी खाला देरे रेवा श्‍याक्‍कीन घीरीगी राङला चाङमा श्‍यालाक।

१ योहान्‍ना 5:3

को़न्‍क्षोकगी काठीम ॱरुङना राङ, खोङला चेवा झ्‍यीये लाक। धेनी खोङगी काठीमक्‍या काल्‍ले घाक्‍वा मेतालाक।

ॱङो़न्‍पा 2:7

“आमच्‍योक हो़गीनक्‍याई, धाम्‍पे थुक्‍ङीगी क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली होदेगोला, ङा को़न्‍क्षोकगी श्‍यीङखामदु हो़गीन छेसोकगी दोङबोने शायेगी आङजा तेरयेहीन।

ॱङो़न्‍पा 21:12

होदेला च्‍यारी थोवो क्षे धाङ च्‍यारीगोला, गेघो च्‍युङङी धाङ गेघोक्‍याला नाम्‍खे भाङछेन च्‍युङङी हो़तालाक। धेनी गेघोक्‍याला ईस्‍राएलगी ग्‍युपा च्‍युङङीगी मीङक्‍या, ढीक हो़तालाक।

ॱङो़न्‍पा 21:27

लुक्‍टुगी छेसोकगी धेप नाङला मीङ ढीक्‍टाक्‍या माना, श्‍येम्‍मा ॱमेचाङा धाङ आम्‍लोवा लेगा झ्‍यीगीन धाङ शोक स्‍येगीन सुवा, होदे ग्‍याजा नाङदु मीजुगीलाक।

ॱङो़न्‍पा 22:2

होदे ग्‍याजागी ॱराङगाक घुङने ग्‍युक्‍ई हो़तालाक। होदे चाङबुगी ॱये-ॱयो़न ॱङीगाराला, दावा रे-रेला ढेबु ॱना रे-रे झ्‍येरी, लोला ढेबु थेङमा च्‍युङङी तेरकीन छेसोकगी दोङबो हो़तालाक। धेनी होदे दोङबोगी लोमाक्‍या, मीरीकक्‍याला चो़गा झ्‍यीयेगी क्षीदु लाक।

ॱङो़न्‍पा 22:7

येशुगी सुङालाक, “तो़दाङ, ङा ग्‍योक्‍वा हुङाहीन। दे धेपला ढीक्‍टा ॱङो़नस्‍येक्‍याई का ॱरुङगीनक्‍या झ्‍यीलाप क्षे लाक।”

ॱङो़न्‍पा 7:14

ङी खोङला ॱनेवी, “ॱलोपो़न ला, खेराङ राङ खेन्‍दालाक।” धेनी खोङगी ङाला सुजुङ, “देक्‍या नी, दुक्‍पु क्षेने थो़न्‍दी होवाक्‍या लाक। धेनी खुङक्‍याई राङगी घो़, लुक्‍टुगी ठाकला ठी़री काउ शो़ हो़तालाक।”