ॱङो़न्‍पा 18:1 - ॱलोवा

¹ होदे स्‍याम्‍ने, नाम्‍खे श्‍यीङखामने वाङक्षे हो़गीन नाम्‍खे भाङछेन श्‍येम्‍मा च्‍यीक माला फेप्‍कीनगो, ङी थोजुङ। होदेगी शीजेगी साश्‍यीला, हो़ ठाछाई झ्‍युवालाक।

ॱङो़न्‍पा 18:1 ပူးပေါင်းရင်းမြစ်များ

लुका 17:24

घीझ्‍येरी ॱनाना ॱनामला ॱलोक्‍मार ख्‍युक्‍ती, ॱनामगी छोक च्‍यीकने छोक श्‍येम्‍मा थुक्‍पे, ठाछाई शोगीन च्‍योक्‍रे, मी-भु फेप्‍कीन धी़ला देरेराङ झ्‍युङगीलाक।

२ थेसालोनीकेपा 2:8

धेनी ठीमने डागीन मी दे तो़न्‍गीलाक धेनी चोवो येशुगी राङगी, श्‍यालगी उपगी खोला सेगीलाक धेनी खोङबा फेप्‍कीनगी वाङगी खोला मेताला ताङगीलाक।

ॱङो़न्‍पा 10:1

धेनी ङी नाम्‍खे श्‍यीङखामने श्‍येम्‍मा आङक्षे नाम्‍खे भाङछेन च्‍यीक, भाप्‍ती फेप्‍कीनगो थोजुङ। खोङ नी, ॱरीङबागी तुम्‍दा धाङ खोङगी उला जा हो़तालाक। धेनी खोङगी श्‍यालगो ङीमा च्‍योक्‍रे, धाङ श्‍यापक्‍या नी मेगी कावा च्‍योक्‍रे हो़तालाक।

ॱङो़न्‍पा 17:1

होदे फोरा धी़न हो़गीन नाम्‍खे भाङछेन धी़नने, च्‍यीक ङीचारु फेप्‍ती देरे सुजुङ, “दुरु स्‍योक। ङा ख्‍यो़ला क्षु माङागी डामला धेगीन, होदे श्‍याङचोङमा केटाक्‍क्षेला फोक्‍ये हीन्‍गीन ठीम्‍चो़गो तो़न्‍दु।

ॱङो़न्‍पा 17:7

धेनी होदे नाम्‍खे भाङछेनगी ङाला सुजुङ, “ख्‍यो़ घीझ्‍येरी ॱहाङसाले? होदे भोमो धाङ मोला खुरकीन गोवा धी़न धाङ राक्‍योक च्‍यु हो़गीन, होदे सेम्‍चेनगी साङवागो ङी ख्‍यो़ला स्‍येदु।

ॱङो़न्‍पा 21:23

होदे ग्‍याजाला ङीमा याङना दावागी हो़ मेघोवालाक घीझ्‍येरी ॱनाना को़न्‍क्षोकगी शीजेगी, होदेला हो़ ॱनाङालाक धेनी होदेगी ॱलोकगो लुक्‍टु लाक।