मारकु 9:35 - ॱलोवा

³⁵ धेनी खोङबा श्‍युक्‍ती, ङेने चुङङीला भो़री खुङक्‍याला सुवालाक, “एन्‍योक झ्‍युङी दो़गीनगो, घीरीने स्‍याम्‍योक झ्‍युङ घो़गीलाक धेनी घीरीगी ॱयोक्‍पो ग्‍युक घो़गीलाक।”

मारकु 9:35 ပူးပေါင်းရင်းမြစ်များ

मेथा 23:11

खेक्‍या नाङने क्षेस्‍योकगो खीकी ॱयोक्‍पो झ्‍युङास्‍योक।

मारकु 9:36

धेनी येशुगी टु च्‍यीमे च्‍यीक ठीक्‍ती, खुङक्‍याई घुङदु श्‍याक्‍पालाक। धेनी टु देला राङगी कुपाङदु ॱनुम्‍दी, खुङक्‍याला सुवालाक,

लुका 18:14

धेनी येशुगी सुवालाक, “ङा खेक्‍याला ॱनाहीन, श्‍येम्‍मा मीगो मेन्‍दा, दे मी दे को़न्‍क्षोकगी डुङदु याङदाक्‍पा झ्‍युरी, खोरी नाङला लोक्‍पालाक। घीझ्‍येरी ॱनाना राङला थोवा शोगीनक्‍या, घीरी ॱमावा जेगीलाक धेनी राङला ॱमावा शोगीन घीरीला थोवा जेगीलाक।”

लुका 22:26

हीना खेक्‍यागो दे च्‍योक्‍रे माझ्‍यी। खेक्‍याने क्षेस्‍योक हीन्‍गीनगो च्‍युङस्‍योक च्‍योक्‍रे झ्‍युङघो़ धेनी पो़न्‍पोगो ॱयोक्‍पो च्‍योक्‍रे झ्‍युङघो़।

याकोब 4:6

हीना खोङगी होराङला देले ल्‍हाक थुक्‍जे ॱनावालाक। होझ्‍येरी सुङरापगी देरे सुङालाक, “को़न्‍क्षोकगी ङागेलचेनला ङोलोक जेदालाक हीना ॱङ्यामच्‍युङला थुक्‍जे ॱनाङा जेदालाक।”