मारकु 9:24 - ॱलोवा

²⁴ लाम्‍साङ आकीगी़ केक ग्‍याप्‍ती ॱनेवालाक, “ङा धेपा झ्‍यीदीहो़क, हीना ङी धेपा क्‍योवा दुक। ङाला धेपा झ्‍यीयेला रोवा जेरोनाङ।”

मारकु 9:24 ပူးပေါင်းရင်းမြစ်များ

मारकु 9:23

येशुगी खोला सुवालाक, “जे थुप्‍ना ॱनेरी घीझ्‍येरी ॱनाले? धेपा झ्‍यीना झ्‍यी ॱमीथुप्‍ये घीया मेतालाक।”

मारकु 9:25

येशुगी मीछोकक्‍या रुप्‍ती, खोराङचारु हुङगीनगो शीई घाङला, खोङबागी डे गोला काको़न ॱनावालाक, “ये, लाब ताङ ॱमीथुप्‍कीन धाङ ङेन ॱमीथुप्‍कीन डे ख्‍यो़, खोने थो़न धेनी याङ खी़ नाङदु फुक्‍की माजु, ॱनेरी ङा ख्‍यो़ला का तेराहीन।”

लुका 17:5

धेनी कुछापक्‍याई चोवोला श्‍यी़वालाक, “हीकी धेपा दे फेरु च्‍युक्‍वा जे।”

लुका 7:38

धेनी येशुगी ग्‍याप स्‍योकला, खोङबागी श्‍यापदु लारी ङी़री धेपालाक धेनी मी़ ॱमीक्‍क्षुगी खोङबागी श्‍याप ॱलो़म्‍बा शो़री, मोरी ॱरागी होदी ॱमीक्‍क्षु फीवालाक। धेनी खोङबागी श्‍यापला ओ झ्‍येरी, पो़क्षुगो ढी़वालाक।

लुका 7:44

धेनी होदे केमी स्‍योकला शीक्‍ती, खोङबागी सीमोनला सुवालाक, “दे केमीला थोङी? ङा ख्‍यी़ नाङदु जुरी, ख्‍यी़ ङाला काङबा ठुगीन क्षु तेरकी मीदुक हीना मी़ ङी काङबा मोरी ॱमीक्‍क्षुगी ठी़री मोरी ॱरागी फीजुङ।

जेपा 10:19

धेनी पेटो होदे थोङनाङगी दो़न्‍दाकगोला, धोराङा गो थोम्‍दी धेदी घाङला धाम्‍पे थुक्‍ङीगी सुवालाक, “मी सुम ख्‍यो़ला चारु होदुक।

जेपा 10:31

धेनी सुजुङ, ‘कोरनेलीहु, को़न्‍क्षोकगी ख्‍यी़ ॱमो़लामक्‍या सेन्‍दुक धेनी ख्‍यी़ ज्‍यीम्‍बाक्‍या श्‍यीप्‍ता जेदुक।

२ कोरीन्‍थुपा 2:4

ङी सेम ॱमीच्‍यीकी क्‍योरी दुङा झ्‍येरी क्षीमाक तारी, ङी खेक्‍याला होदे यीक दे ढीक्‍पाहीन। धेनी दे नी, खेक्‍याई सेम क्‍योरु च्‍युक्‍येगी क्षीदु मेन्‍दा, हीना ङी खेक्‍याला ॱमीच्‍यीकी चेवा झ्‍यीगीनगो, खेक्‍याई ॱहाघोरयेगी क्षीदु ढीक्‍पाहीन।

एफीसुपा 2:8

घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

फीलीप्‍पीपा 1:29

घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

२ थेसालोनीकेपा 1:11

होझ्‍येरी को़न्‍क्षोकगी भो़ जेजा मीछेगो, खोङबागी खेक्‍याला पी़ थुक्‍कीन झ्‍युङये जेये धाङ ॱमीक्‍यु शाङपो घीरी धाङ धेपागी लेगा, खोङबागी स्‍युकने डुप्‍पास्‍योक ॱनेरी, हे खेक्‍या क्षीला च्‍योई ॱमो़लाम श्‍यी़हो़क।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

२ तीमोथेउ 1:4

ख्‍यी़ छीमाक ढेन्‍दी घाङला, ङा घाटोगी खाङयेगी क्षीला, ङा ख्‍यो़ला थुक्‍येला ॱमीच्‍यीकी दो़दीहो़क।

ईब्‍रीपा 12:17

खेक्‍याला स्‍येये हो़तालाक, होदे स्‍याम्‍ने खी़ खोरी थोप्‍ताङगी झ्‍यीलापगो थोप्‍ये दो़पा झ्‍यीदाराङ, खोला ॱमाथोप्‍पालाक। धेनी खी़ क्षीमाक तारी श्‍योवा पुनाः, घी झ्‍युसागीनगोला खी़ घीयाः ग्‍युर ॱमाथुक्‍पालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 5:7

येशु जीक्‍तेनदु श्‍युक्‍वाराङ, खोङबा स्‍युम्‍ती सुङकेक क्षेगी थोक्‍ने, खोङबाला छीवाने क्‍योप थुक्‍कीन, को़न्‍क्षोकला ॱमो़लाम धाङ श्‍योवा पुवालाक। धेनी खोङगी को़न्‍क्षोकला कुरती क्षे जेगीनगी केनगी, खोङबागी ॱमो़लाम सेन्‍दा जेपालाक।