मारकु 9:17 - ॱलोवा

¹⁷ मीछोकगी खोक्‍ने, मी च्‍यीकगी लेन ॱलोक्‍पालाक, “ॱलोपो़न ला, खोङबागी डुङदु ङी भीजा ठीक्‍ती होहो़क। भीजा देला डे जुजा झ्‍येरी, लाब ताङ ॱमीथुप्‍कीन झ्‍युदुक।

मारकु 9:17 ပူးပေါင်းရင်းမြစ်များ

मेथा 12:22

धा डेगी शीम्‍सा ॱमीक ॱमेथोङगीन धाङ लाब ताङ ॱमीथुप्‍कीन मी च्‍यीक, येशुगी दोङदु ठीक्‍ती होवालाक। धेनी खोङबागी खोला ढाक्‍सो ॱनारी, खो लाब ताङ थुप्‍कीन धाङ थोङगीन झ्‍युवालाक।

मेथा 17:15

“चोवो ङी भीजाला ॱङीङजे जेरोनाङ घीझ्‍येरी ॱनाना खोला शा नाजा झ्‍युरी, खो ॱमीच्‍यीकी दुक्‍पु ङ्याई। खो धुगा मे खोकला गेली, धेनी धुगा क्षु नाङदु ल्‍हीमी।

मेथा 9:32

धा खोङबाक्‍या होदेने थो़न्‍दी फेई घाङला, डेगी शीम्‍दी लाब ताङ ॱमीथुप्‍कीन मी च्‍यीक, येशु दोङदु ठीक्‍ती होवालाक।

मारकु 10:13

मीक्‍याई राङ टुवाक्‍याला येशुगी क्षाक जेदी, झ्‍यीलाप ॱनाङास्‍योक ॱनेरी, खोङबाचारु ठीक्‍ती होवालाक हीना ङेनेक्‍याई खुङक्‍याला आङजी तावालाक।

मारकु 5:23

धेनी ॱङीङ थाक्‍पाने श्‍योवा पुरी ॱनेवालाक, “ङी भोमो च्‍युङागो स्‍यीगु झ्‍यीदी। खोङबा फेप्‍ती, मो ढाक्‍ये धाङ सो़न्‍पो धेयेला, खोङबागी क्षाक मी़ खाला श्‍याजे।”

मारकु 7:26

धा मो सीरीयागी फोनीकेरु केक्‍या याहुदापा मेन्‍गीन, केमी च्‍यीक लाक। धेनी मोरी भोमी नाङगी ॱनो़पा तो़न्‍रोजे ॱनेरी, मी़ येशुला श्‍यी़वालाक।

मारकु 9:16

येशुगी ङेनेक्‍याला ढीवा ताङा जेपालाक, “खेक्‍या खुङक्‍यामुला घी कोरला चो़ ग्‍या?”

मारकु 9:18

डेगी खोला शीम्‍यी घाङला, नाम्‍हीना खोला साला धावी धेनी खी़ खाने बोवा तो़न्‍दी, सोक्‍या ढीक्‍यी धेनी खी़ शु घीरी धामी। होझ्‍येरी ङी खेराङगी ङेनेक्‍याला, डे दे तो़न्‍रो झ्‍यी ॱनेरी श्‍युवी, हीना खुङक्‍याई तो़न थुक्‍कु मीदुक।”

मारकु 9:25

येशुगी मीछोकक्‍या रुप्‍ती, खोराङचारु हुङगीनगो शीई घाङला, खोङबागी डे गोला काको़न ॱनावालाक, “ये, लाब ताङ ॱमीथुप्‍कीन धाङ ङेन ॱमीथुप्‍कीन डे ख्‍यो़, खोने थो़न धेनी याङ खी़ नाङदु फुक्‍की माजु, ॱनेरी ङा ख्‍यो़ला का तेराहीन।”

लुका 11:14

धा येशुगी डे कुक्‍पा च्‍यीकला तो़न जेपालाक। धेनी डेगो थो़न्‍दी, होदे लाब ताङ ॱमाथुक्‍पा धेता मीगो लाब ताङ थुप्‍कीन झ्‍युवालाक। धेनी मीमाङक्‍या ॱहाङसावालाक।

लुका 9:38

मीछोक खोक्‍ने मी च्‍यीकगी केक ग्‍याप्‍पालाक, “ॱलोपो़न ला, ङी भीजाला शीया जे ॱनेरी, ङा श्‍योवा पुलाहीन। खो ङी भीजा च्‍यीगारागो लाक।

योहान्‍ना 4:47

होदे मीगी़ येशु युदेयाने गालीलदु फेप्‍दुक ॱनेरी घोरती, खी़ “ङी भीजा स्‍यीगु झ्‍यीदी, खेराङ फेप्‍ती खोला सोवा जे” ॱनेरी खोङबाला श्‍यी़वालाक।