मारकु 8:33 - ॱलोवा

³³ धेनी खोङबागी श्‍याल ग्‍युरती, ङेनेक्‍याला शीक्‍ती पेटोला काको़न ॱनावालाक, “धी़क ख्‍यो़ ङाने ॱहाला सोङ। घीझ्‍येरी ॱनाना ख्‍यी़ सेम को़न्‍क्षोक स्‍योकला मेन्‍दा मी स्‍योकला दुक।”

मारकु 8:33 ပူးပေါင်းရင်းမြစ်များ

मेथा 15:23

हीना येशुगी कालेनदु छीक च्‍यीया ॱमासुवालाक। धेनी खोङबागी ङेनेक्‍या होरी खोङबाला श्‍यी़वालाक, “मोला ॱहाला झाङरो जे घीझ्‍येरी ॱनाना मो केक ग्‍याप्‍ती, होरी स्‍याबाला हुङी।”

मेथा 16:23

हीना येशुगी श्‍याल ग्‍युरती पेटोला सुवालाक, “धी़क ख्‍यो़, ङी ग्‍याप्‍तु सोङ! ख्‍यो़ ङी छीला भारचे हीन घीझ्‍येरी ॱनाना ख्‍यी़ साम्‍लो को़न्‍क्षोकने मेन्‍दा मीने दुक।”

मेथा 4:10

धेनी येशुगी सुवालाक, “सातान, ॱहाला सोङ। घीझ्‍येरी ॱनाना देरे ढीक हो़तालाक, ‘ख्‍यी़ चोवो राङगी को़न्‍क्षोकला क्षाक्‍क्षो़पा पु धेनी खोङबाला च्‍यीगा श्‍याप्‍ची श्‍यी़।’”

मारकु 3:34

धेनी खोङबागी राङला खोरती धेता मीक्‍याला शीक्‍ती सुवालाक, “ङी आमा धाङ पी़नक्‍या देक्‍याराङ हीन।

मारकु 3:5

खुङक्‍याई सेम ॱरागोला येशुगी थुक फाम्‍दी खोङडो लारी, खुङक्‍या घीरीला शीक्‍पालाक। धेनी होदे मीला सुवालाक, “ख्‍यो़री लाक्‍पा क्‍योङ।” खी़ लाक्‍पा क्‍यावालाक धेनी खी़ लाक्‍पा चो़गा झ्‍युवालाक।

लुका 22:61

धेनी चोवोगी श्‍याल ग्‍युरती पेटोला शीक्‍पालाक। “धीरीङ झ्‍याके ग्‍याप्‍ये एन्‍ला, ख्‍यी़ ङाला लेमु सुम खे मेलेन्‍गीलाक” ॱनेरी चोवोगी सुङगीनगो खी़ ढेन्‍बालाक।

लुका 4:8

धेनी येशुगी सुवालाक, “सुङरापला ‘ख्‍यो़ ख्‍यो़री को़न्‍क्षोक चोवोला च्‍यीगा क्षाक्‍क्षो़ धेनी खोङबाला च्‍यीगा श्‍याप्‍ची श्‍यी़।’ ॱनेरी ढीक हो़तालाक।”

लुका 9:55

हीना खोङबागी खुङक्‍या स्‍योकला शीक्‍ती काको़न जेपालाक।

१ कोरीन्‍थुपा 5:5

देरे मीला धी़ सातानगी लाकला ची ग्‍योप। देरे झ्‍येरी खी़ धीक्‍पे ली़गो मेताला सोरी, चोवोगी ङीमाला खी़ सेम्‍ङीगो क्‍योप्‍कीलाक।

फीलीप्‍पीपा 3:19

खुङक्‍याई मीछेगी था नी तोरस्‍यीक लाक धेनी खुङक्‍याई ल्‍हागो, खोरी फोवा लाक धेनी खोरी ङोछाला खुङक्‍याई शीजे हो़तालाक। धेनी खुङक्‍याई सेम जीक्‍तेनगी दो़नक्‍याला क्षाः लाक।

१ तीमोथेउ 5:20

धीक्‍पा झ्‍यीगीनक्‍याला मी घीरीगी, दोङदु आङजी तोङ। देरे झ्‍यीना श्‍येम्‍माक्‍या जीक्‍कीलाक।

तीतोस 1:13

दे पाङपो दे, धेन्‍पा लाक। होझ्‍येरी होदेक्‍याला ॱलापच्‍या घामोमा तेर धेनी खुङक्‍याई धेपा तेन्‍पो झ्‍युरी,

१ पेटो 4:1

होझ्‍येरी मास्‍यीकागीयाः कुली़ला दुक्‍पु ङ्याङगीन च्‍योक्‍रे, खेक्‍याः देरेराङ साम्‍लो खेरती राङला स्‍युक्‍क्षे शो़। घीझ्‍येरी ॱनाना ली़ला दुक्‍पु ङ्याङगीनगी धीक्‍पा पाङालाक।

१ योहान्‍ना 2:15

जीक्‍तेनला याङना जीक्‍तेन नाङ हो़गीन घीयाला ॱमाक्षाक। जीक्‍तेन देला क्षाक्‍ना, खी़ नाङ याप को़न्‍क्षोकला चेवा मेयोङालाक।

ॱङो़न्‍पा 3:19

ङी झाम्‍पा झ्‍यीगीनक्‍याला, ङा आङजी ताङाहीन धेनी ची़न्‍दाहीन। होझ्‍येरी ढाङपो झ्‍युरी राङगी धीक्‍पा पारी, सेम ग्‍युरवा तोङ।