मारकु 4:22 - ॱलोवा

²² बेरी श्‍याक्‍सा घीरी थोङदु चुक्‍कीलाक धेनी सारी श्‍याक्‍सा घीरी ॱहाघोरतु च्‍युक्‍कीलाक।

मारकु 4:22 ပူးပေါင်းရင်းမြစ်များ

लुका 8:17

घीझ्‍येरी ॱनाना बेरी श्‍याक्‍सा घीरी थोङदु च्‍युक्‍कीलाक धेनी सारी श्‍याक्‍सा घीरी ॱहाघोरतु च्‍युक्‍कीलाक।

जेपा 20:27

घीझ्‍येरी ॱनाना ङी खेराङक्‍याला को़न्‍क्षोकगी थुकोङला हो़गीन, स्‍येघोगीन लाब घीरी स्‍येयेला ग्‍याप ॱमालोक हो़क।

जेपा 4:20

घीझ्‍येरी ॱनाना हेक्‍याई थोथा धाङ ॱहाघोका लाबक्‍या ॱमेना धे थुक्‍ये मीन्‍दुक।”

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।