मारकु 14:65 - ॱलोवा

⁶⁵ धेनी मी रीङगागी खोङबाला छीमाक तोरती, श्‍यालरेगी तुम्‍ती जोक्‍री ग्‍याप्‍ती ॱनेवालाक, “राङला सी़ श्‍युरजो, ॱङो़न स्‍येताङ।” धेनी घोरेक्‍याई खोङबाला ठीक्‍ती डाम्‍चाक श्‍युरपालाक।

मारकु 14:65 ပူးပေါင်းရင်းမြစ်များ

मेथा 27:30

धेनी खुङक्‍याई खोङबाला छीमाक तोरती, होदे भेक्‍योक ठोक्‍ती खोङबागी उला धाब्‍ले कुल्‍ले श्‍युप्‍पालाक।

मारकु 10:34

खुङक्‍याई खोला ॱमेटा पाप्‍कीलाक धेनी थी़याः ग्‍याप्‍कीलाक धेनी ताजाकगी श्‍युरकीलाक धेनी सेगीलाक। धेनी श्‍याक्‍मो सुम स्‍याम्‍ने, खो याङ सो़न्‍दी लाङगीलाक।”

मारकु 15:19

खुङक्‍याई खोङबागी उला भेक्‍योक श्‍युरती, खोङबाला छीमाक तोरपालाक। धेनी पी़मु साला चुक्‍ती खोङबाला क्षाक छावालाक।

योहान्‍ना 18:22

येशुगी दे सुरी, डामदु लारी धेता ॱरुङमाकक्‍याने च्‍यीकगी, खोङला डाम्‍चाक श्‍युरती ॱनेवालाक, “चो क्षो़पो़नला ख्‍यी़ लेन ग्‍याप्‍ताङगो देरे ले?”

योहान्‍ना 19:3

धेनी खुङक्‍या खोङबागी डुङदु “याहुदापे ग्‍यावुला क्षाक छाल्‍लो।” ॱनेरी होरी, खोङबाला डाम्‍चाक श्‍युरपालाक।

जेपा 23:2

दे ॱनागीनगो ॱहाघोरती चो क्षो़पो़न आनानीयागी, पाउलुगी भोलोक्‍तु हो़गीनक्‍याला खी़ खाला श्‍युरये का तेरपालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।