50 धेनी खोङबागी ङेने घीरी खोङबाला भोरती डो़री सोवालाक।
धेनी येशुगी खुङक्याला सुवालाक, “खेक्या घीरी ग्याप ॱलोक्ती डोगीलाक घीझ्येरी ॱनाना देरे ढीक हो़तालाक, ‘ङा लुक्जीला सेयेहीन, धेनी लुकक्या थोरती डुगीलाक।’
ङीमा तेनग्याङ ङा क्षो़खाङदु ॱलावी घाङला, खेक्यामुला हो़तालाक धेनी खेक्याई ङाला शीम्गी मीदुक। हीना क्षो़ठीमला ढीक्टा दे डुपास्योक।”
धेनी खोरी शुला रे च्यीकगी टीरी ग्युक्कीन, भीजा ख्योक्तोङ च्यीक खोङबागी स्याबाला डावालाक। खुङक्याई होदे भीजाला शीम्बालाक,
तो़, ॱङोन्ने झ्यीना खेक्या राङ-राङगी साजाला थोरती सोरी, ङाला च्यीका भोरकीन धी़गो ॱलेप्यी हो़तालाक धेनी धी़गो ॱलेप्सादुक। घीहीन्ना याप ङीमुला झ्येरी, ङा च्यीका मेक।
येशुगी लेन ॱनावालाक, “ङी खेक्याला ङा खोराङ हीन ॱनेवी। होझ्येरी धा खेक्याई ङाला चाला हीन्ना, दे मीक्याला डोरु च्युक।”
ठीम्पो़नगी दोङदु ङा थेङ धाङपो ठीम श्यी़ घाङला, घीरीगी ङाला पारी, ङा स्योकला सुवा लाङगी मीदुक। दी लेनगो, खुङक्या खाला ॱमाफोक्वास्योक।
