मारकु 14:49 - ॱलोवा

⁴⁹ ङीमा तेनग्‍याङ ङा क्षो़खाङदु ॱलावी घाङला, खेक्‍यामुला हो़तालाक धेनी खेक्‍याई ङाला शीम्‍गी मीदुक। हीना क्षो़ठीमला ढीक्‍टा दे डुपास्‍योक।”

मारकु 14:49 ပူးပေါင်းရင်းမြစ်များ

मेथा 1:22

दे घीरी चोवोगी ॱङो़नस्‍येखेनगी थोक्‍ने, सुङगीन दे डुप्‍तु च्‍युक्‍येला झ्‍युवालाक,

मेथा 26:54

हीना देरे झ्‍युहो़ना, सुङरापला झ्‍युङ घो़गुलाक ॱनागीनगो, घाङगी झ्‍येरी डुप्‍कीले?”

मेथा 26:55

होदे धी़चो़ला येशुगी मीछोकक्‍याला सुवालाक, “झ्‍याक्‍पा च्‍यीकला शीम्‍दु डुगीन च्‍योक्‍रे, राल्‍डी धाङ ग्‍युक्‍पा खेरती खेक्‍या ङाला शीम्‍दु हुङाले? श्‍याक्‍मो-श्‍याक्‍मोला ङा को़न्‍क्षोकगी क्षो़खाङदु धेती ॱलाबालाक धेनी खेक्‍याई ङाला शीम्‍गी मीदुक।

मेथा 26:56

हीना दे घीरी ॱङो़नस्‍येखेनक्‍याई सुङरापला ढीक्‍टाक्‍या, डुप्‍तु च्‍युक्‍येला झ्‍युवालाक।” धेनी ङेने घीरी खोङबाला भोरती डो़वालाक।

मारकु 10:1

धेनी येशु होदेने योरदान चाङबु ॱहाकीनगी, युदेया युदु फेप्‍पालाक। धेनी याङ मीछोक माङा खोङबागी डामदु जोम्‍बालाक। धेनी च्‍योई च्‍योक्‍रे, खोङबागी खुङक्‍याला क्षो़ ॱनाङा जेपालाक।

मारकु 11:27

येशु धाङ ङेनेक्‍या येरुसालेमदु ॱलेप्‍पालाक। धेनी येशु क्षो़खाङदु फेई घाङला, क्षो़पो़न क्षेक्‍या धाङ क्षो़ठीमगी ॱलोपो़नक्‍या धाङ गेम्‍पाक्‍या खोङबाचारु होवालाक।

मारकु 12:35

क्षो़खाङ नाङदु ॱलापच्‍या ॱनाङी घाङला येशुगी सुवालाक, “मास्‍यीका नी दावीदगी भीजा लाक ॱनेरी, क्षो़ठीमगी ॱलोपो़नक्‍या घाङगी झ्‍येरी ॱना थुक्‍वाले?

मारकु 14:48

धेनी येशुगी खुङक्‍याला सुवालाक, “खेक्‍या डीक्‍या धाङ ग्‍युक्‍पा खेरती, ङाला झ्‍याक्‍पा च्‍यीक च्‍योक्‍रे शीम्‍दु हुङाले?

मारकु 14:50

धेनी खोङबागी ङेने घीरी खोङबाला भोरती डो़री सोवालाक।

लुका 19:47

धेनी येशु ङीमा तेनग्‍याङ क्षो़खाङदु क्षो़ सुङी हो़तालाक। हीना क्षो़पो़न क्षेक्‍या धाङ क्षो़ठीमगी ॱलोपो़नक्‍या धाङ होदे लुङबागी पो़न्‍पोक्‍याई, खोङबाला सेये थापस्‍यी झ्‍यीदी हो़तालाक।

लुका 22:37

घीझ्‍येरी ॱनाना ङा खेक्‍याला ॱनाहीन, क्षो़ठीमला ‘खो झ्‍याक्‍पाक्‍याई मुला चीवालाक।’ ॱनेरी ढीक्‍टागो ङाला डुप घोगुलाक। धेनी धेन्‍पाराङ ङी कोरला ढीक्‍टाक्‍या डुपालाक।”

योहान्‍ना 10:23

धेनी येशु क्षो़खाङगी सोलोमोन ॱनागीन ॱयाक्‍कुरु फेवी घाङला,

योहान्‍ना 18:20

धेनी येशुगी खोङबाला लेन ॱनावालाक, “ङी ॱङो़न्‍सुमदु जीक्‍तेनला स्‍येहो़क। याहुदापाक्‍या घीरी जोम्‍जा छोक्‍खाङक्‍या धाङ क्षो़खाङदु, ङी च्‍योई क्षो़ तो़न्‍हो़क। ङी साङवागी थोक्‍ने घीया ॱमास्‍येहो़क।

योहान्‍ना 7:37

धी़छेनगी थागी ङीमा क्षेगोला, येशु श्‍येङदी सुङकेक क्षेला सुङा जेपालाक, “खे कोम्‍गीनक्‍या ङी डुङदु होरी थुङास्‍योक।

योहान्‍ना 8:12

येशुगी धाब्‍ले खुङक्‍याला सुवालाक, “ङा नी जीक्‍तेनगी हो़ हीन। ङी स्‍याबाला डागीनक्‍या मी़नाक नाङला मेडोगीलाक हीना छेगी हो़ थोप्‍कीलाक।”

योहान्‍ना 8:2

ॱङारोक ॱङात्‍ती याङ, खोङबा क्षो़खाङदु फेप्‍पालाक। धेनी मी घीरी खोङबागी डुङदु होवालाक धेनी खोङबा श्‍युक्‍ती क्षो़ सुवालाक।