मारकु 14:18 - ॱलोवा

¹⁸ धेनी खोङबाक्‍या श्‍युक्‍ती श्‍येलाक श्‍येली घाङला येशुगी सुवालाक, “ङा धेन्‍पाराङ खेक्‍याला ॱनाहीन, खेक्‍याने मी च्‍यीकगी ङाला डागी लाक्‍पाला ची ग्‍याप्‍कीलाक।”

मारकु 14:18 ပူးပေါင်းရင်းမြစ်များ

मेथा 26:21

धेनी खोङबाक्‍या श्‍येली घाङला, खोङबागी सुवालाक, “ङा धेन्‍पाराङ खेक्‍याला ॱनाहीन, खेक्‍याने च्‍यीकगी ङाला डागी लाकदु ची ग्‍याप्‍कीलाक।”

मेथा 5:18

ङा खेक्‍याला धेन्‍पा ॱनाहीन, ॱनाम-सा ॱङी येरी मेडोगीन थुक्‍पे, क्षो़ठीम घीरी माडुप्‍पा क्षो़ठीमगी यीक्‍टु च्‍यीक धाङ छेक च्‍यीया येगीमालाक।

मेथा 6:16

“शोक झ्‍यीगीनक्‍याई मी श्‍येम्‍माला ॱङ्युङनेला श्‍युकहो़क, ॱनेरी तो़न्‍येगी क्षीला, खोराङक्‍याई ॱनामग्‍यु ग्‍युरकीन च्‍योक्‍रे, खेक्‍या ॱङ्युङने ॱरुङी घाङला खुङक्‍या च्‍योक्‍रे, ङो नाक्‍पो ॱमातो़न। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 6:2

होझ्‍येरी उटेक्‍याला झ्‍यीम्‍बा ताङी घाङला, शोक झ्‍यीगीनक्‍याई मीक्‍याने तो़पा थोप्‍येगी क्षीला, छोक्‍खाङ धाङ ॱराङगाकक्‍याला दुङ बी़री ग्‍युक्‍कीन च्‍योक्‍रे, खेक्‍या माझ्‍यी। धेन्‍पाराङ ङा खेक्‍याला ॱनाहीन, खुङक्‍याई ज्‍यागा खुङक्‍याला थोप्‍सालाक।

मेथा 6:5

“धेनी खेक्‍या सोवा धेबी घाङला, शोक झ्‍यीगीन मीक्‍या च्‍योक्‍रे माझ्‍यी। घीझ्‍येरी ॱनाना मीक्‍याई थोङयेगी क्षीला, खुङक्‍या छोक्‍खाङ धाङ ॱराङगाकगी शुरक्‍याला लारी, ॱमो़लाम ग्‍याप्‍येला घालालाक। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मारकु 10:15

ङा खेक्‍याला धेन्‍पाराङ ॱनाहीन, को़न्‍क्षोकगी ग्‍यासीला टु च्‍यीमे च्‍यीकगी च्‍योक्‍रे खेमेलेन्‍ना, खो होदे नाङदु डो थुक्‍कीमालाक।”

मारकु 10:29

येशुगी सुवालाक, “ङा धेन्‍पाराङ खेक्‍याला ॱनाहीन, ङा धाङ ताम्‍शाङगी क्षीला, राङगी खाङबा धाङ पी़नक्‍या धाङ फामा धाङ टुवाक्‍या धाङ साश्‍यीङ भोरकीनगी़,

मारकु 14:17

धेनी घोमु येशु ङेने च्‍युङङीमुला होदुरु फेप्‍पालाक।

मारकु 14:19

खुङक्‍या ॱमीच्‍यीकी सेम दुक्‍ती, च्‍यीकगी स्‍याबाने च्‍यीक झ्‍येरी येशुला ढीवा श्‍यी़वालाक, “होदेगो ङा ले?”

मारकु 14:25

ङा धेन्‍पाराङ खेक्‍याला ॱनाहीन, को़न्‍क्षोकगी ग्‍याखापगी नाङदु दे साबा ॱमाथुङगीन थुक्‍पे, ङा याङदा घुन्‍डुमगी खोवा थुङये मेन।”

मारकु 14:9

ङा ॱङोन्‍ने खेक्‍याला ॱनाहीन, जाम्‍बुलीङ नाङ घारु-घारु ताम्‍शाङ स्‍येली, होदुरु मोला ढेन्‍सो़ झ्‍यीयेला मी़ झ्‍येजा लेगा देयाः स्‍येगीलाक।”

मारकु 3:28

“मी घीरीगी धीक्‍पा धाङ खुङक्‍याई, को़न्‍क्षोकला ॱमेटा पाप्‍कीन घीरी सेल्‍गीलाक ॱनेरी ङा धेन्‍पा स्‍येदाहीन।

मारकु 6:11

धेनी साजा घारेदु खेक्‍याला फेप्‍सु माझ्‍येवा, खीकी लाबला माङेन्‍ना, खेक्‍या होदेने डी़ घाङला, खुङक्‍याला पाङपो हुङयेला, खेरी काङबी थालाक्‍या ॱरुक।”

मारकु 8:12

येशुगी सेम नाङने उप रीङबो ताङ जेदी सुवालाक, “दे मीराप दे घीझ्‍येरी ताक चालाले? ङा ॱङोन्‍ने ॱनाहीन, दे मीरापला ताक च्‍यीया ॱमेतो़न्‍गीलाक।”

मारकु 9:1

धेनी येशुगी खुङक्‍याला सुवालाक, “दुरु लाङगीनक्‍याने रीङगागी को़न्‍क्षोकगी ग्‍यासी वाङला फेप्‍कीनगो माज्‍यागीन थुक्‍पे, स्‍यीगीमालाक ॱनेरी, ङा धेन्‍पाराङ ॱनाहीन।”

मारकु 9:41

ङा खेक्‍याला धेन्‍पाराङ ॱनाहीन, खेक्‍या मास्‍यीकागी हीन्‍गीन झ्‍येरी, मी सी़ खेक्‍याला क्षु फोरा घाङ थुङयेला तेरना, खोला थोप्‍घोये ज्‍यागागो थोप्‍कीलाक।”

लुका 11:51

ङा खेक्‍याला धेन्‍पाराङ ॱनाहीन, हाबेलगी धी़चो़ने जेकारीयास थुक्‍पे क्षो़ठी धाङ क्षो़खाङगी घुङदु सेसा ठाकगी क्षेपा दे मीरापला फोक्‍कीलाक।

लुका 22:21

हीना तो़, ङाला डागी लागाला ची ग्‍याप्‍तु च्‍युक्‍कीन मीगो, ङी मुलाराङ श्‍येलाकला धेदुक।

लुका 4:24

“हीना ङा धेन्‍पाराङ खेक्‍याला ॱनाहीन, ॱङो़नस्‍येखेन सुलाः खोरी लुङबादु खेमेलेन्‍दालाक।

योहान्‍ना 1:51

धेनी खोङबागी खोला सुवालाक, “ङा ख्‍यो़ला धेन्‍पा ॱनाहीन, नाम्‍खे श्‍यीङखाम भेरी को़न्‍क्षोकगी भाङछेनक्‍या मी-भुला तेन्‍दी, या फेप्‍कीन धाङ मा फेप्‍कीनगो ख्‍यी़ थोङगीलाक।”

योहान्‍ना 13:18

“ङा खे घीरीगी कोरला स्‍येदामेन। ङी दाम्‍दाक्‍याला ङा स्‍येलीहो़क। हीना सुङरापला ढीक्‍टा ‘ङी ग्‍याङगा शागीनगी़राङ ङाला दोक ग्‍याप्‍जुङ।’ ॱनागीन दे डुप घो़गीलाक।

योहान्‍ना 13:21

देक्‍या सुङसारती येशु थुक ठुक्‍ती सुङा जेपालाक, “ङा खेक्‍याला धेन्‍पा धेनक्‍याङ ॱनाहीन, खेक्‍या नाङने च्‍यीकगी ङाला डागी लाकला ची ग्‍याप्‍कीलाक।”

योहान्‍ना 13:22

खोङबागी सी़ कोरला सुङगीनगो, ॱहामाघोवा ङेनेक्‍याई च्‍यीकगी च्‍यीकला तेवालाक।

योहान्‍ना 13:38

येशुगी कालेन ॱनावालाक, “ख्‍यो़ ख्‍यो़री ॱरोक ङी क्षीला ॱलो़ ताङये हीने? ङा ख्‍यो़ला धेन्‍पा धेनक्‍याङ ॱनाहीन, झ्‍याफो केक माग्‍याप्‍कीन एन्‍ला ख्‍यी़ ङाला ङो ॱमेस्‍येहो़क ॱनेरी, थेङमा सुम ॱनागीलाक।”

योहान्‍ना 21:18

ङा ख्‍यो़ला धेन्‍पा धेनक्‍याङ ॱनाहीन, ख्‍यो़ श्‍यो़न्‍पा हो़ती घाङला, ख्‍यो़ राङगी केराक राङ रेलालाक धेनी राङ घारु थेगीनगोला डोवालाक हीना ख्‍यो़ खा घेरी, ख्‍यी़ लाक्‍पा क्‍यारी मी श्‍येम्‍मागी ख्‍यी़ केराक रेगीलाक धेनी ख्‍यी़ ॱमेथेगीन साजाला ख्‍यो़ला ठीक्‍कीलाक।”

योहान्‍ना 3:11

ङा ख्‍यो़ला धेन्‍पा धेनक्‍याङ ॱनाहीन, हीकी घी स्‍येगीनगो हेक्‍या ॱनालाक धेनी हीकी घी थोङगीनगो, हेक्‍या पाङपो झ्‍यीदालाक हीना खेक्‍या हीकी धेन्‍पाङला खेमेलेन्‍दालाक।

योहान्‍ना 3:3

येशुगी खोला सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक धाब्‍ले ॱमेकेना, खी़ को़न्‍क्षोकगी ग्‍यासी थोङ ॱमीथुक्‍कीलाक।”

योहान्‍ना 3:5

येशुगी सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक क्षु धाङ थुक्‍ङीगी गोने ॱमाकेना, खो को़न्‍क्षोकगी ग्‍यासी नाङदु जु ॱमीथुक्‍कीलाक।

योहान्‍ना 5:19

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, यापगी घी जेगीनगो, से गीया होदे च्‍योक्‍रे जेदालाक। धेनी यापगी जेगीनगो मीशीक्‍वा, से राङगी घीया जे ॱमीथुक्‍कीलाक।

योहान्‍ना 6:26

येशुगी खुङक्‍याला कालेनदु सुवालाक, “ङा खेक्‍याला धेन्‍पा धेनक्‍याङ ॱनाहीन, खेक्‍याई ताकक्‍या थोरी मालाक हीना डागीन थुक्‍पे शेरी ङाला चालालाक।

योहान्‍ना 6:32

येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, नाम्‍खे श्‍यीङखामने ग्‍याङगा ॱनाङगीनगो मोशे मालाक हीना खेक्‍याला नाम्‍खे श्‍यीङखामने धेन्‍पे ग्‍याङगा ॱनाङगीनगो, ङी याप लाक।

योहान्‍ना 6:47

“ङा खेक्‍याला धेन्‍पा धेनक्‍याङ ॱनाहीन, धेपा झ्‍यीगीनगोला थामेपे छेसोक हो़तालाक।

योहान्‍ना 6:70

येशुगी खुङक्‍याला कालेनदु सुवालाक, “खे च्‍युङङी घीरीला ङी दाम्‍बा माले? हीना खेक्‍याने च्‍यीक धी़क लाक।”