मारकु 11:18 - ॱलोवा

¹⁸ धेनी क्षो़पो़न क्षेक्‍या धाङ क्षो़ठीमगी ॱलोपो़नक्‍याई, दे लाब घोरती खोङबाला घाङगी झ्‍येरी सेये ॱनेरी, झ्‍यी़ झ्‍येवालाक। धेनी खुङक्‍या येशुमुला जीक्‍पालाक घीझ्‍येरी ॱनाना मीछोक घीरी खोङबागी क्षो़ला ॱहालेवालाक।

मारकु 11:18 ပူးပေါင်းရင်းမြစ်များ

मेथा 21:15

हीना खोङबागी देरे ॱहाङसागीन क्षालेक्‍या जेगीनगो धाङ टुवाक्‍याई क्षो़खाङदु “दावीदगी सेला होसान्‍ना” ॱनेरी केक ग्‍याप्‍कीनगो, क्षो़पो़न क्षेक्‍या धाङ क्षो़ठीमगी ॱलोपो़नक्‍याई थोरी, खुङक्‍या श्‍येताङ लावालाक।

मेथा 7:28

येशुगी का दे घीरी सुङसारती, खोङबागी सुङगीन देला मीछोकक्‍या याम्‍सावालाक।

मारकु 1:22

धेनी क्षो़ठीमगी ॱलोपो़नक्‍या च्‍योक्‍रे मेन्‍दा, खोङबागी ॱमीच्‍यीकी वाङक्षे झ्‍येरी, ॱलाप्‍कीनगोला मीमाङक्‍या खोङबागी क्षो़ला ॱहालेवालाक।

मारकु 11:32

मीने लाक ॱनेरी घाङ झ्‍येरी ॱनाये।” घीझ्‍येरी ॱनाना मी घीरीगी योहान्‍ना ॱङो़नस्‍येखेन च्‍यीक लाक ॱनेरी, धेपा झ्‍यीदालाक होझ्‍येरी खुङक्‍या मीक्‍याला जीक्‍पालाक।

मारकु 12:12

दे लाब दे खोराङक्‍याई क्षीला सुवालाक ॱनेरी घोरती, याहुदापा गोठीक्‍याई येशुला शीम्‍येला चाजो़ झ्‍येवालाक हीना खुङक्‍या मीमाङक्‍यामुला जीक्‍पालाक। होझ्‍येरी खुङक्‍या येशुला भोरती सोवालाक।

मारकु 3:6

धेनी फारुसीपाक्‍या होदेने थो़न्‍दी सोरी, खोङबाला घाङगी झ्‍येरी सेये दुई ॱनेरी, हेरोदेगी मीक्‍यामुला लाम्‍साङ ढो़ झ्‍येवालाक।

मारकु 6:20

घीझ्‍येरी ॱनाना हेरोदेगी योहान्‍ना मी ढाङपो च्‍यीक धाङ धाम्‍पे मी च्‍यीक लाक ॱनेरी स्‍येरी, खोला जीक्‍ती क्‍योप्‍ती श्‍याक्‍पालाक। योहान्‍नागी लाबला ङेन्‍दी घाङला, खो ॱमीच्‍यीकी गो खोरालाक हीना खो ङ्यामो घेरी ङेन्‍दालाक।

लुका 19:47

धेनी येशु ङीमा तेनग्‍याङ क्षो़खाङदु क्षो़ सुङी हो़तालाक। हीना क्षो़पो़न क्षेक्‍या धाङ क्षो़ठीमगी ॱलोपो़नक्‍या धाङ होदे लुङबागी पो़न्‍पोक्‍याई, खोङबाला सेये थापस्‍यी झ्‍यीदी हो़तालाक।

लुका 2:47

ङेन्‍गीन घीरी, खोङबागी स्‍येराप धाङ खोङबागी लेनक्‍याला ॱहाङसावालाक।

लुका 20:19

धेनी क्षो़ठीमगी ॱलोपो़नक्‍या धाङ क्षो़पो़न क्षेक्‍याई, पे दे खोराङक्‍याई क्षीलाराङ ॱनेवालाक ॱनेरी, घोरती येशुला होदे धी़लाराङ शीम्‍ये झ्‍येवालाक हीना खुङक्‍या मीक्‍याला जीक्‍पालाक।

लुका 4:22

मी घीरीगी खोङबाला तो़टा तावालाक। धेनी खोङबागी श्‍यालने थो़न्‍दा सुङ ॱङेम्‍बोक्‍या ङेन्‍दी ॱहाङसावालाक। धेनी खुङक्‍याई ॱनेवालाक, “दे योसेफगी भीजागो माले?”

योहान्‍ना 7:1

होदे स्‍याम्‍ने, येशु गालील युला फेप्‍पालाक। हीना युदेया युला फेप्‍ङी मादो़पालाक घीझ्‍येरी ॱनाना याहुदापा पो़न्‍पोक्‍याई, खोङबाला सेयेगी थापस्‍यी चाली हो़तालाक।

योहान्‍ना 7:19

मोशेगी खेक्‍याला क्षो़ठीम दे ॱमानावाले? हीना याङ खेक्‍या सी़या क्षो़ठीम दे ॱमीरुङालाक। धा खेक्‍या ङाला सेयेगी थापस्‍यी घीझ्‍येरी चालाले?”

योहान्‍ना 7:46

धेनी क्षो़खाङगी ॱरुङमाकक्‍याई ॱनेवालाक, “मी सी़या खी़ च्‍योक्‍रे क्षो़ नामा सुङ माङ्युङ।”

जेपा 24:25

हीना पाउलुगी ढाङपो झ्‍युङये धाङ राङ छो़ शीम्‍गीन धाङ ठीम चेगीन ङीमागी कोरला स्‍येली घाङला, फेलीक जीक्‍पालाक। धेनी खोला ॱनेवालाक, “धीरीङगी क्षीदु ढीक्‍सुङ धा सोङ धेनी घुकाप राक्‍ना, ङी ख्‍यो़ला याङदा केक ताङु।”