मारकु 1:35 - ॱलोवा

³⁵ नाम लाङये एन्‍लाराङ, येशु याला श्‍येङदी सा एन्‍दा च्‍यीकला फेप्‍ती, होदुरु सोवा ग्‍याप्‍ती श्‍युक्‍पालाक।

मारकु 1:35 ပူးပေါင်းရင်းမြစ်များ

मेथा 14:13

येशुगी होदे सेन्‍दा जेदी, खोङबा डु नाङदु श्‍युक्‍ती, होदेने साजा एन्‍दा च्‍यीकला फेप्‍पालाक। हीना मीछोकक्‍याई होदे घोरती ढोङखेरने घोम्‍बा चुक्‍ती होरी, खोङबागी स्‍याबाला डावालाक।

मेथा 14:23

मीछोकक्‍याला झासारती, खोङबाराङ च्‍यीगा ॱमो़लाम श्‍यी़येला, री याला फेप्‍पालाक। ॱरो ॱरुई घाङला होदुरु खोङबा च्‍यीगा हो़तालाक।

मारकु 1:36

सीमोन धाङ खी़ रोवाक्‍या खोङबाचारु सोवालाक,

लुका 5:16

हीना खोङबा साजा एन्‍दोङक्‍याला फेप्‍ती, सोवा धेबालाक।

लुका 6:12

ङीमा च्‍यीक येशु री स्‍योकला फेप्‍ती, होदुरु छेन्‍घाङ को़न्‍क्षोकला सोवा ताप्‍ती श्‍युक्‍पालाक।

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 6:15

मीक्‍या होरी खोङबाला ग्‍यावु को़येला उजुक झ्‍येरी ठीक्‍ये झ्‍यीगीनगो, येशुगी खेन्‍दा जेदी खोङबा च्‍यीका री स्‍योकला फेया जेपालाक।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

फीलीप्‍पीपा 2:5

खेक्‍याई साम्‍लोगोवाः मास्‍यीका येशुगी नाङ हो़गीन च्‍योक्‍रे झ्‍युङघो़।

ईब्‍रीपा 5:7

येशु जीक्‍तेनदु श्‍युक्‍वाराङ, खोङबा स्‍युम्‍ती सुङकेक क्षेगी थोक्‍ने, खोङबाला छीवाने क्‍योप थुक्‍कीन, को़न्‍क्षोकला ॱमो़लाम धाङ श्‍योवा पुवालाक। धेनी खोङगी को़न्‍क्षोकला कुरती क्षे जेगीनगी केनगी, खोङबागी ॱमो़लाम सेन्‍दा जेपालाक।