मेथा 9:28 - ॱलोवा

²⁸ येशु खीम नाङदु फेई घाङला, मी श्‍यारा ॱङीउ खोङबागी डुङदु होवालाक धेनी येशुगी खुङ ॱङीउला सुवालाक, “ङी दे झ्‍यी थुप्‍कीलाक ॱनेरी, खे ॱङीउला यीच्‍चे हो़ते?” खुङ ॱङीउगी श्‍यी़वालाक, “झ्‍यीदीहो़क, चोवो।”

मेथा 9:28 ပူးပေါင်းရင်းမြစ်များ

मेथा 13:1

होदे ङीमागोलाराङ येशु नाङने फेप्‍ती, गालील छोगी डामदु श्‍युक्‍पालाक।

मेथा 13:36

धेनी मीछोकला भोरती, येशु खाङबा नाङदु फेप्‍पालाक। खोङबागी ङेनेक्‍याई खोङबाचारु होरी श्‍यी़वालाक, “श्‍यीङगी युक्‍पुगी पेगी दो़नगो हेक्‍याला टोरो जे।”

मेथा 13:58

धेनी खुङक्‍याई धेपा मेगीन केनगी, येशुगी होदुरु ॱहाङसागीन क्षाक्‍ले माङा माजेपालाक।

मेथा 8:14

धेनी येशु पेटोगी नाङला फेप्‍ती, खी़ केमीगी आमागो छावा फारती, नेरी ङ्यारी धेतागो शीक्‍पालाक।

मेथा 8:2

धा जेने हो़गीन मी च्‍यीक, खोङबागी डुङदु होरी पी़मु साला चुक्‍ती श्‍यी़वालाक, “चोवो ला, खेराङगी थुक ॱङेना, ङाला चो़गा जेदी चाङमा जे थुक्‍कीलाक।”

मेथा 9:22

येशु ग्‍याप लोक्‍ती मोला शीक्‍पालाक धेनी सुवालाक, “भोमो, सेम ल्‍हो़ झ्‍यी, खेरी धेपागी ख्‍यो़ला फेन्‍बालाक।” धेनी होदे घाङलाराङ होदे केमीगो ढाक्‍पालाक।

मेथा 9:27

धा येशु होदेने फेई घाङला, मी श्‍यारा ॱङी खोङबागी स्‍याबाला डारी, केक ग्‍याप्‍ती श्‍यी़वालाक, “दावीदगी से, हेक्‍याला ॱङीङजे शीक्‍रोनाङ।”

मेथा 9:29

धेनी खोङबागी खुङ ॱङीउगी ॱमीकला जुरी सुवालाक, “खे ॱङीउगी धेपा हो़गीन च्‍योक्‍रे, खे ॱङीउला डुपास्‍योक।”

योहान्‍ना 11:26

धेनी ङाला ॱनेगीन धाङ धेपा झ्‍यीगीनक्‍या नामा ॱमीस्‍यीगीलाक। खेक्‍या देला यीच्‍चे हो़ते?”

योहान्‍ना 11:40

येशुगी मोला सुवालाक, “ख्‍यी़ धेपा झ्‍यीना को़न्‍क्षोकगी शीजे थोङहोङ, ॱनेरी ङी ख्‍यो़ला ॱमानेवी?”

जेपा 14:9

पाउलु लाब ताङी घाङला खो घामोमा श्‍यीप्‍ता झ्‍येरी, ङेन्‍दी धे हो़तालाक। पाउलुगीयाः खी़ ङोरोङला घामोमा तेरी, होदे मीला खोराङ ढाक थुक्‍येगी धेपा हो़गीनगो थोवालाक।