मेथा 9:22 - ॱलोवा

²² येशु ग्‍याप लोक्‍ती मोला शीक्‍पालाक धेनी सुवालाक, “भोमो, सेम ल्‍हो़ झ्‍यी, खेरी धेपागी ख्‍यो़ला फेन्‍बालाक।” धेनी होदे घाङलाराङ होदे केमीगो ढाक्‍पालाक।

मेथा 9:22 ပူးပေါင်းရင်းမြစ်များ

मेथा 15:28

धेनी येशुगी मोला सुवालाक, “भोमो, ख्‍यी़ धेपा क्षे दुक। ख्‍यी़ धेपा च्‍योक्‍रे ख्‍यो़ला झ्‍युङास्‍योक।” होदे घाङलाराङ मी़ भोमोगो ढाक्‍पालाक।

मेथा 17:18

धेनी येशुगी होदेला काको़न जेपालाक धेनी खी़ नाङने डेगो थो़न्‍दी, भीजागो लाम्‍साङ चो़गा झ्‍युवालाक।

मेथा 8:13

धेनी ग्‍यापो़नगोला येशुगी सुवालाक, “सोङ। ख्‍यी़ धेपा झ्‍यीगीन च्‍योक्‍रे डुप्‍पास्‍योक।” धेनी होदे धी़लाराङ ॱयोक्‍पोगी नाजागो ढाक्‍पालाक।

मेथा 9:2

धा मी रीङगागी चाडीपगी नाजा हो़गीन मी च्‍यीकला, ङ्याजेमुलाराङ खोङबाचारु खेरती होवालाक। येशुगी खुङक्‍याई धेपाला शीक्‍ती सुवालाक, “भीजाओ, सेम ल्‍हो़ झ्‍यी। ख्‍यी़ धीक्‍पाक्‍या सेल्‍दुक।”

मेथा 9:29

धेनी खोङबागी खुङ ॱङीउगी ॱमीकला जुरी सुवालाक, “खे ॱङीउगी धेपा हो़गीन च्‍योक्‍रे, खे ॱङीउला डुपास्‍योक।”

मारकु 10:52

धेनी येशुगी खोला सुवालाक, “राङगी लाम्‍गाला सोङ। ख्‍यो़री धेपागी ख्‍यो़ चो़गा झ्‍युजुङ।” लाम्‍साङ मीगो ॱमीक थोङगीन झ्‍युवालाक धेनी येशुगी स्‍याबाला डावालाक।

मारकु 5:34

खोङबागी मोला सुवालाक, “भोमो, खेरी धेपागी ख्‍यो़ला चो़गा झ्‍येजुङ। कीपोमा झ्‍येरी सोङ, धेनी ख्‍यो़री नाजाने थारास्‍योक।”

लुका 17:19

धेनी खोङबागी खोला सुवालाक, “लोङ धेनी सोङ। ख्‍यो़री धेपागी ख्‍यो़ला चो़गा झ्‍येवालाक।”

लुका 18:42

धेनी येशुगी खोला सुवालाक, “ख्‍यो़ थोङवा स्‍योक। ख्‍यो़री धेपागी ख्‍यो़ला चो़गा झ्‍येवालाक।”

लुका 7:50

धेनी खोङबागी होदे केमीला सुवालाक, “ख्‍यो़री धेपागी ख्‍यो़ला क्‍योप्‍पालाक। धा श्‍यीदेला सोङ।”

लुका 8:48

धेनी खोङबागी मोला सुवालाक, “भोमो, ख्‍यी़ धेपागी ख्‍यो़ला चो़गा झ्‍येवालाक। धा श्‍यीदेला सोङ।”

योहान्‍ना 4:53

धेनी येशुगी खोला, “ख्‍यो़री भीजा सो़न्‍पो ॱनेगीलाक।” सुङगीन धी़नेराङ झ्‍युदुक ॱनेरी आकीगी़ ॱहाघोरपालाक। धेनी खो धाङ खी़ नाङमी घीरीगी धेपा झ्‍येवालाक।

जेपा 14:9

पाउलु लाब ताङी घाङला खो घामोमा श्‍यीप्‍ता झ्‍येरी, ङेन्‍दी धे हो़तालाक। पाउलुगीयाः खी़ ङोरोङला घामोमा तेरी, होदे मीला खोराङ ढाक थुक्‍येगी धेपा हो़गीनगो थोवालाक।

जेपा 16:18

धेनी मी़ देरे ङीमा माङा झ्‍येवालाक। हीना पाउलुगी मी़ देरे फेरा ग्‍याप्‍कीनगो थेदा ॱमास्‍येवा, होदे ॱनो़पाला ॱनेवालाक, “चोवो येशु मास्‍यीकागी छेनला ख्‍यो़ दे भोमोगी नाङने थो़न्‍दी स्‍योक।” धेनी खी़ देरे ॱनालुङ मेताला, होदे ॱनो़पागो थो़न्‍दी होवालाक।

ईब्‍रीपा 4:2

घीझ्‍येरी ॱनाना खुङक्‍याला च्‍योक्‍रे, हेक्‍यालाः ताम्‍शाङगो सेटाक झ्‍येवालाक। हीना ङेन्‍गीनक्‍याई धेपागी थोक्‍ने, होदे ताम्‍शाङगो खेमालेम्‍बाला खुङक्‍याला घीया फेन्‍थोक माझ्‍युवालाक।