मेथा 9:15 - ॱलोवा

¹⁵ धेनी येशुगी सुवालाक, “माक्‍पा धाङ माक्‍पे रोवाक्‍यामुला हो़ती घाङला, खुङक्‍या दुक ॱरुङाले? हीना माक्‍पा खुङक्‍याने ठीक्‍ती डुगीन ङीमागो ॱलेप्‍कीलाक, धेनी होदे घाङला खुङक्‍या ॱङ्युङने ॱरुङगीलाक।

मेथा 9:15 ပူးပေါင်းရင်းမြစ်များ

मेथा 9:14

धा ठी़सो़खेन योहान्‍नागी ङेनेक्‍या, खोङबाचारु होरी खोङबाला श्‍यी़वालाक, “हेक्‍या धाङ फारुसीपाक्‍या ॱङ्युङने ॱरुङालाक हीना खेराङगी ङेनेक्‍या घीझ्‍येरी ॱमीरुङाले?”

मेथा 9:16

“मी सी़या घोलाक ॱङीङबाला ल्‍हेम्‍बा साबा मेग्‍यालाक घीझ्‍येरी ॱनाना ल्‍हेम्‍बागो खुम्‍दी, होदे घोलाकने रारी ॱयोल्‍ले ॱमीउ क्षे शोवालाक।

मारकु 2:19

येशुगी खुङक्‍याला सुवालाक, “माक्‍पामुला हो़ती घाङला, रोवाक्‍या ॱङ्युङनेला धेगीलाक से? माक्‍पा खुङक्‍यामुला हो़गीन थुक्‍पे, खुङक्‍या ॱङ्युङनेला श्‍युक्‍कीमालाक।

मारकु 2:20

हीना माक्‍पा खुङक्‍याने खा टारी ठीक्‍कीन धी़चो़ च्‍यीक हुङगीलाक धेनी होदे ङीमागो खुङक्‍या ॱङ्युङनेला श्‍युक्‍कीलाक।

लुका 17:22

खोङबागी ङेनेक्‍याला सुवालाक, “खेक्‍याई मी-भुगी ङीमाक्‍याने च्‍यीक थोङयेगी दो़पा झ्‍यीगीन धी़चो़गो हुङी हो़तालाक। हीना खीकी थोङगीमालाक।

लुका 5:34

धेनी येशुगी खुङक्‍याला सुवालाक, “ॱनामा लेन्‍जारु माक्‍पा खुङक्‍यामुला हो़ती घाङला, डो़न्‍बोक्‍याला खेक्‍या ॱङ्युङने ॱरुङदु च्‍युक थुक्‍कीले?

लुका 5:35

हीना माक्‍पागो खुङक्‍याने खा टागीन धी़गो ॱलेप्‍कीलाक धेनी होदे धी़ला, खुङक्‍या ॱङ्युङने ॱरुङगीलाक।”

योहान्‍ना 16:6

घीहीन्‍ना ङी खेक्‍याला दे लाबक्‍या स्‍येदी, खीकी सेम दुङागी खाङदुक।

योहान्‍ना 3:29

ॱनामा नी माक्‍पागी हीन। धेनी माक्‍पामुला लाङगीन धाङ खोला ङेन्‍गीन रोवागो माक्‍पागी़ केक घोरती, ॱमीच्‍यीकी ङ्यामो घालालाक। होझ्‍येरी धा ङी घाटो दे डुप्‍सुङ।

जेपा 14:23

खुङक्‍याई क्षो़छोक घीरीला गोठीक्‍या को़वालाक धेनी ॱङ्युङनेला श्‍युक्‍ती सोवा ग्‍याप्‍ती, होदे ङेनेक्‍याला, खोरी धेपा झ्‍येजा चोवोगी क्षाकला पुवालाक।

१ कोरीन्‍थुपा 7:5

ॱमो़लामगी क्षीदु धी़चो़ क्‍यायेला धी़ तीते धाङ च्‍यीकगी च्‍यीकला ढो़ झ्‍येरी माना, ख्‍योवा केमी ॱङीगारागी मुला क्षाम्‍येला च्‍यीकगी च्‍यीकला ॱमाकाक। धेनी खेक्‍याराङ छो़ शीम्‍येला क्‍योवा झ्‍युरी, धी़ सातानगी खेक्‍याला ॱली़रु ॱमीच्‍युक्‍येगी क्षीला, याङ मुला क्षाम्‍घो़।

२ कोरीन्‍थुपा 11:27

धेनी ङी काल्‍ले धाङ दुक्‍पु ङ्यावी धेनी थेङ माङा ॱङी मेता धेवी, धेनी ङा तोक्‍ती धाङ कोम्‍दी थेङ माङा शाये मेताला लेजुङ। धेनी ङा ढाङमो धाङ घोलाक घो़न्‍ये मेता लेजुङ।

ॱङो़न्‍पा 19:9

धेनी होदे नाम्‍खे भाङछेनगी ङाला सुजुङ, “दे ढीक। लुक्‍टुगी ॱनामा लेन्‍जारु डो़नला भो़पाक्‍या झ्‍यीलाप क्षे लाक।” धेनी याङ खोङबागी ङाला सुजुङ, “देक्‍या नी को़न्‍क्षोकगी सुङला धेन्‍पाक्‍या लाक।”

ॱङो़न्‍पा 21:2

धेनी ङी धाम्‍पे ग्‍याजा याङना येरुसालेम साबागो, राङगी माक्‍पागी क्षीदु छो़ शाप्‍ती धेता भाक्‍मा च्‍योक्‍रे, को़न्‍क्षोकने नाम्‍खे श्‍यीङखामने माला भाप्‍कीनगो थोजुङ।