मेथा 8:10 - ॱलोवा

¹⁰ येशुगी दे सेन्‍दी, खोङबा याम सावालाक धेनी खोङबागी स्‍याबाला डागीनक्‍याला सुवालाक, “ङा खेक्‍याला धेन्‍पाराङ ॱनाहीन, ईस्‍राएलगी नाङदु ङी दे च्‍योक्‍रे धेपा थोङ माङ्युङ।

मेथा 8:10 ပူးပေါင်းရင်းမြစ်များ

मेथा 15:28

धेनी येशुगी मोला सुवालाक, “भोमो, ख्‍यी़ धेपा क्षे दुक। ख्‍यी़ धेपा च्‍योक्‍रे ख्‍यो़ला झ्‍युङास्‍योक।” होदे घाङलाराङ मी़ भोमोगो ढाक्‍पालाक।

मेथा 8:11

ङा खेक्‍याला ॱनाहीन, स्‍यार धाङ नुप स्‍योकने मी माङा होरी, आब्‍राहाम धाङ ईसाक धाङ याकोबमुला नाम्‍खे ग्‍यासीदु श्‍युक्‍टाला धेगीलाक।

मेथा 8:9

घीझ्‍येरी ॱनाना ङा श्‍येम्‍मागी वाङ होकदु हो़क धेनी ङी होक्‍दुवा ॱमाक्‍मीक्‍या हो़तालाक। ङी ॱमाक्‍मी च्‍यीकला, ‘सोङ’ ॱनाना खो डोवालाक धेनी श्‍येम्‍मा च्‍यीकला, ‘छुला स्‍योक’ ॱनाना हुङालाक धेनी ङी ॱयोक्‍पोला, ‘दे झ्‍यी’ ॱनाना, खी़ होदे झ्‍यीदालाक।”

मारकु 6:6

खुङक्‍याई धेपा मेगीनगो शीक्‍ती, येशु ॱहालेवालाक। धेनी खोङबा यु-युक्‍याला फेप्‍ती, क्षो़ ॱनाङा जेपालाक।

लुका 5:20

धेनी येशुगी खुङक्‍याई धेपागो शीक्‍ती खोला सुवालाक, “भीजाओ, ख्‍यी़ धीक्‍पाक्‍या सेजुङ।”

लुका 7:50

धेनी खोङबागी होदे केमीला सुवालाक, “ख्‍यो़री धेपागी ख्‍यो़ला क्‍योप्‍पालाक। धा श्‍यीदेला सोङ।”

लुका 7:9

दे घीरी सेन्‍दी येशु ॱहाङसावालाक। धेनी खोङबागी स्‍याम्‍ला डागीन मीछोक स्‍योकला श्‍याल ग्‍युरती सुवालाक, “ङा खेक्‍याला ॱनाहीन, ङी ईस्‍राएल नाङदुवाः देरे धेपा हो़गीन मी ॱमाथो।”

जेपा 2:7

धेनी खुङक्‍या ॱमीच्‍यीकी ॱहालेरी ॱनेवालाक, “दे लाब ताङगीन, मीक्‍या घीरी गालीलपा मीक्‍या माले?