मेथा 6:34 - ॱलोवा

³⁴ होझ्‍येरी ॱङेटोगी क्षीला दुङा माझ्‍यी, घीझ्‍येरी ॱनाना ॱङेटोला ॱङेटोराङगी दुङा हो़तालाक। धीरीङगी दुङा, धीरीङगी क्षीला ढीक्‍येदुक।”

मेथा 6:34 ပူးပေါင်းရင်းမြစ်များ

मेथा 6:11

हीकी ङीन्‍रेगी शामा, धीरीङ हेला ॱनाङा जे।

मेथा 6:25

“होझ्‍येरी ङा खेक्‍याला ॱनाहीन, मीछेगी छीला घी शाये, घी थुङये धेनी ली़गी छीला घी घो़न्‍ये ॱनेरी दुङा माझ्‍यी। शामाने खाक्‍क्षे मीछे धाङ घोलाकने खाक्‍क्षे ली़ माले?

मेथा 6:27

दुङा झ्‍येरी, खेक्‍याने सी़ राङगी मीछेला छुची च्‍यीक ॱनो़न्‍गा ग्‍याप थुक्‍वाले?

लुका 10:41

हीना येशुगी मोला लेन जेपालाक, “मारथा, मारथा! ख्‍यो़ लेगा माङागी कोरला सेम्‍डा धाङ खोङडो झ्‍यीदी।

लुका 11:3

हेक्‍याला हेरी ङीन्‍रेगी शामा ॱनाङरो जे।

लुका 12:11

“खेक्‍याला छोक्‍खाङक्‍या धाङ पो़न्‍पोक्‍या धाङ वाङग्‍युर झ्‍यीगीनक्‍या दोङदु ठीक्‍ती हुङी घाङला, राङला घाङगी झ्‍येरी क्‍योप्‍ये याङना घी ॱनाघोगुले ॱनेरी दुङा माझ्‍यी।

लुका 12:22

धेनी येशुगी राङगी ङेनेक्‍याला सुवालाक, “होझ्‍येरी ङा खेक्‍याला ॱनाहीन, ख्‍यो़री ॱरोकगी क्षीला घी शाये धाङ ख्‍यी़ ली़गी क्षीला घी घो़न्‍ये ॱनेरी दुङा माझ्‍यी।

योहान्‍ना 14:27

श्‍यीदे दे ङा खेक्‍याला भोराहीन, होदे ङी श्‍यीदेगो खेक्‍याला तेराहीन। जीक्‍तेनगी तेरकीन च्‍योक्‍रे, ङी खेक्‍याला तेरामेन। खेक्‍या राङगी सेम ठुक्‍तु ॱमाचुक धेनी देला जीक्‍नाङ केरु ॱमाचुक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

फीलीप्‍पीपा 4:6

घीन्‍गी थोकला दुङा माझ्‍यी हीना ॱनेछु घीरीला, काटीन क्षे श्‍यी़री ॱमो़लाम धाङ श्‍योवागी थोक्‍ने, खेक्‍याला घो़गीन घीरी को़न्‍क्षोकला श्‍यी़।

१ पेटो 5:7

धेनी खेक्‍याई सेम्‍डा घीरी खोङबाला फी़ घीझ्‍येरी ॱनाना खोङबागी खेक्‍याई शीक क्‍योङ जेदालाक।