मेथा 6:33 - ॱलोवा

³³ हीना एन्‍ला को़न्‍क्षोकगी ग्‍यासी धाङ खोङबागी ढाङतेनला चो, धेनी दे घीरी खेक्‍याला ॱनाङगीलाक।

मेथा 6:33 ပူးပေါင်းရင်းမြစ်များ

मेथा 19:28

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, घीरी साबा को़ली घाङला, मी-भु राङगी शीजेगी श्‍युक्‍ठीला श्‍युई घाङला, खेक्‍या ङी स्‍याबाला डागीनक्‍या श्‍युक्‍ठी च्‍युङङी खाला धेती, ईस्‍राएलगी छोखाक च्‍युङङी खाला ठीम चेगीलाक।

मेथा 19:29

धेनी ङी मीङगी क्षीला राङगी खाङबाक्‍या धाङ पी़नक्‍या धाङ फामा धाङ टुवाक्‍या धाङ साश्‍यीङक्‍या भोर हो़ना, खोला दाप ग्‍या थोप्‍कीलाक धेनी थामेपे छेसोक थोप्‍कीलाक।

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 4:17

“देने ॱहाला येशुगी, ‘नाम्‍खे ग्‍यासी ङ्ये ॱलेप्‍दुक होझ्‍येरी खेक्‍याई धीक्‍पा पारी सेम ग्‍युरवा तोङ।’ सुरी क्षो़ तो़न्‍ये गो चुक्‍पालाक।”

मेथा 5:6

ढाङतेनगी क्षीला तोक्‍कीन धाङ कोम्‍गीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याई दो़पा खाङगीलाक।

लुका 1:6

खुङ ॱङीगारा को़न्‍क्षोकगी डुङदु ढाङपो हो़तालाक धेनी को़न्‍क्षोकगी का धाङ ठीम घीरी, नोवा क्षुक्‍वा मीझ्‍यीदा चीलालाक।

लुका 12:31

हीना को़न्‍क्षोकगी ग्‍यासी चो धेनी देक्‍या घीरी खेक्‍याला ॱनाङगीलाक।”

योहान्‍ना 5:4

[खुङक्‍या होदे क्षु घुयेला घुक्‍ती धेतालाक। घीझ्‍येरी ॱनाना धी़-धी़ला को़न्‍क्षोकगी भाङछेन च्‍यीक होरी, होदे जीङुगी क्षु टुक्‍वालाक धेनी क्षुगो घुलुङ मेताला सु एन्‍ला होदे नाङदु जुली, होदे नाजा घारेगी तुम्‍दी धेहो़ना खो ढालाक।]

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

जेपा 20:25

धा ङा साजा-साजाक्‍याला सोरी, खेराङक्‍याला को़न्‍क्षोकगी ग्‍याखापगी कोरला ताम्‍शाङ स्‍येदी सोवी। हीना देने ॱहाला खेराङक्‍याने सी़या ङाला धाब्‍ले थोङगीमालाक ॱनेरी ङाला क्षाहो़क।

जेपा 28:31

खी़ को़न्‍क्षोकगी ग्‍याखापगी कोरला सेटाक धाङ चोवो येशु मास्‍यीकागी कोरला, क्षो़ ॱङीङक्षे झ्‍येरी स्‍येपालाक। धेनी सी़या खोला काक्‍ये थापस्‍यी माझ्‍येवालाक।

रोमापा 1:17

धेनी को़न्‍क्षोकने झ्‍युङगीन ढाङतेन नी, ताम्‍शाङला ॱङो़न्‍पालाक। दे ढाङतेन नी, धेपागी गोने धेपागी था थुक्‍पे डुपालाक। दी कोरला सुङरापला देरे ढीक हो़तालाक, “मी ढाङपो नी, धेपागी गोने सो़न्‍पो ॱनेगीलाक।”

रोमापा 10:3

खुङक्‍याई को़न्‍क्षोकने झ्‍युङगीन ढाङतेनगो ॱमास्‍येवा, खोराङक्‍या राङगी थापस्‍यीने को़न्‍क्षोकमुला ढाङपो झ्‍युङयेला चावालाक। धेनी खुङक्‍याई राङला को़न्‍क्षोकगी ढाङतेनगी होकला ॱमापुवालाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 8:31

धा ॱहाना होराङ दो़न देक्‍याई कोरला घी ॱनाये? को़न्‍क्षोक होरी छोकला हो़ना, सु होरी ग्‍यापला लाङ थुक्‍कीलाक से?

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

१ कोरीन्‍थुपा 3:22

होदेगो पाउलु हीन्‍ना आपोल्‍लोस हीन्‍ना केफास हीन्‍ना जीक्‍तेन हीन्‍ना छेसोक याङना छीवा हीन्‍ना धान्‍दा याङना माउपार हीन्‍ना, दो़न घीरी खेक्‍याई लाक।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

फीलीप्‍पीपा 3:9

धेनी ङा खोङगी नाङ ॱने थुवास्‍योक। क्षो़ठीमला तेन्‍दी झ्‍युङगीन, ङी ङाराङगी ढाङतेन मेन्‍दा हीना धेपागी थोक्‍ने, को़न्‍क्षोकने थोप्‍कीन ढाङतेन दे, ङी मास्‍यीकाला धेपा झ्‍येरी थोप्‍पालाक।

२ थेसालोनीकेपा 1:5

धेनी को़न्‍क्षोकगी ग्‍यासी नाङदु, खेक्‍या डो थुप्‍ये मी झ्‍युङयेगी दो़नला, खेक्‍याई दुक्‍पु ङ्याङगीनगो को़न्‍क्षोकगी ठीम्‍चो़ ढाङपोगी पाङपो लाक।

१ तीमोथेउ 4:8

घीझ्‍येरी ॱनाना ली़गी ली़चेल ज्‍योङदारगी तीते च्‍यीगा फेन थोवालाक हीना क्षो़सेम दे घीरीगी थोकला फेन थोवालाक। घीझ्‍येरी ॱनाना देगी धान्‍दागी छे धाङ छीमागी छे ॱङीगाराला, फेन्‍दोकगी धाम्‍चा ॱनाङालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

२ पेटो 1:11

धेनी होझ्‍येरी खेक्‍याला होरी चोवो धाङ क्‍याम्‍गो़न येशु मास्‍यीकागी, थामेपे ग्‍यासी नाङदु सी़याङ खाक्‍क्षे थोप्‍कीलाक।