मेथा 6:30 - ॱलोवा

³⁰ धीरीङ केरी धेती ॱङेटो थापला ॱयुक्‍ये हो़गीन, श्‍यीङगी चाक्‍याला को़न्‍क्षोकगी देरे को़न थुक्‍ना, ख्‍ये धेपा च्‍युङाक्‍याला, खोङबागी देले ल्‍हाक को़न ॱमेनाङगीले?

मेथा 6:30 ပူးပေါင်းရင်းမြစ်များ

मेथा 14:31

येशुगी लाम्‍साङ राङगी क्षाक क्‍याङा जेदी, खोला शीम्‍दी सुवालाक, “धेपा च्‍युङा ख्‍यो़, घीझ्‍येरी दोक्‍पा सा?”

मेथा 16:8

हीना येशुगी दे खेन्‍दा जेदी सुवालाक, “खे धेपा च्‍युङा हो़गीन मीक्‍या, खेक्‍या खेराङक्‍या नाङदु ग्‍याङगा मेगीनगी छीला घीझ्‍येरी थाबा?

मेथा 17:17

धेनी येशुगी सुवालाक, “धेपा मीझ्‍यीगीन धाङ ङेन्‍पा मीरापक्‍याओ, ङा खेक्‍यामुला घाजो़ थुक्‍पे धेगुले? ङा खेक्‍याला नाम थुक्‍पे शो़पा झ्‍यीये? खोला ङाचारु ठीक्‍ती स्‍योक।”

मेथा 8:26

धेनी खोङबागी खुङक्‍याला सुवालाक, “खे धेपा च्‍युङाक्‍या घीझ्‍येरी जीयाले?” धेनी खोङबा श्‍येङदी, ॱलुङछुप धाङ भालापला काको़न जेपालाक धेनी होदुरु तीङल्‍हेवी झ्‍युवालाक।

मारकु 4:40

धेनी येशुगी खुङक्‍याला सुवालाक, “खेक्‍या घीझ्‍येरी जीआ? खेक्‍याला धान्‍दा थुक्‍पे धेपा मेते?”

मारकु 9:19

धेनी येशुगी खुङक्‍याला सुवालाक, “धेपा मेगीन मीरापक्‍याओ, ङा खेक्‍यामुला नाम थुक्‍पे धेये? खेक्‍याला नाम थुक्‍पे शो़पा झ्‍यीये? भीजा दे ङीचारु ठीक्‍ती स्‍योक।”

लुका 12:28

ख्‍ये धेपा च्‍युङा हो़गीनक्‍याओ, धीरीङ दुरु हो़गीन हीना ॱङेटो मेला चुक्‍ये हीन्‍गीन थाङगी चाक्‍याला, को़न्‍क्षोकगी घो़ को़न जेना होदेक्‍याने ल्‍हाक खेक्‍याला को़न्‍दा जेगीमाले?

लुका 9:41

येशुगी सुवालाक, “धेपा मेगीन धाङ ङेन्‍सेमगी मीरापक्‍याओ, ङा नाम थुक्‍पे खीकीमुला धेदी खीकीमुला शो़पा झ्‍यीगुले? ख्‍यी़ भीजाला दुरु ठीक्‍ती स्‍योक।”

योहान्‍ना 20:27

धेनी खोङबागी थोमाला सुवालाक, “ख्‍यी़ जु दुरु चुक्‍ती, ङी लाक्‍पाक्‍याला तो़। धेनी ख्‍यो़री लाक्‍पा क्‍यारी ङी श्‍योक नाङला चुक। दोक्‍पा ॱमासाक हीना धेपा झ्‍यी।”

ईब्‍रीपा 3:12

पी़नक्‍याओ, शाप-शाप झ्‍यी, खेक्‍याने रीङगागी नाङ हो़गीन ङेन्‍पा धाङ धेपा मेगीन सेमगी झ्‍येरी, खेक्‍याला सो़न्‍पो को़न्‍क्षोकने थाक्‍रीङा ॱमाठीयास्‍योक।

१ पेटो 1:24

घीझ्‍येरी ॱनाना, “स्‍याठाक घीरी चा धाङ डा, शीजे घीरी चागी मेन्‍तोक डा। चा नी काम्‍ने मेन्‍तोक ये।