मेथा 6:28 - ॱलोवा

²⁸ “धेनी घो़न्‍येगी छीला, खेक्‍या घीझ्‍येरी दुङा झ्‍यीदा? चाथाङगी मेन्‍तोकक्‍या घाङगी झ्‍येरी केलो तो़। देक्‍या लेगा मीझ्‍यीदालाक धेनी बा ॱमेखालाक।

मेथा 6:28 ပူးပေါင်းရင်းမြစ်များ

मेथा 10:10

राङगी ढुला खुमाक ॱमाखेर, घो़ ॱङी, पोल्‍ले याङमेना भेक्‍योक ॱमाखुर घीझ्‍येरी ॱनाना लेगा झ्‍यीगीनक्‍याला घो़गीनगो थोप घोगुलाक।

मेथा 6:25

“होझ्‍येरी ङा खेक्‍याला ॱनाहीन, मीछेगी छीला घी शाये, घी थुङये धेनी ली़गी छीला घी घो़न्‍ये ॱनेरी दुङा माझ्‍यी। शामाने खाक्‍क्षे मीछे धाङ घोलाकने खाक्‍क्षे ली़ माले?

मेथा 6:27

दुङा झ्‍येरी, खेक्‍याने सी़ राङगी मीछेला छुची च्‍यीक ॱनो़न्‍गा ग्‍याप थुक्‍वाले?

मेथा 6:31

“होझ्‍येरी ‘घी शाये?’ धाङ ‘घी थुङये?’ धाङ ‘घी घो़न्‍ये?’ ॱनेरी दुङा माझ्‍यी।

लुका 10:41

हीना येशुगी मोला लेन जेपालाक, “मारथा, मारथा! ख्‍यो़ लेगा माङागी कोरला सेम्‍डा धाङ खोङडो झ्‍यीदी।

लुका 12:11

“खेक्‍याला छोक्‍खाङक्‍या धाङ पो़न्‍पोक्‍या धाङ वाङग्‍युर झ्‍यीगीनक्‍या दोङदु ठीक्‍ती हुङी घाङला, राङला घाङगी झ्‍येरी क्‍योप्‍ये याङना घी ॱनाघोगुले ॱनेरी दुङा माझ्‍यी।

लुका 12:22

धेनी येशुगी राङगी ङेनेक्‍याला सुवालाक, “होझ्‍येरी ङा खेक्‍याला ॱनाहीन, ख्‍यो़री ॱरोकगी क्षीला घी शाये धाङ ख्‍यी़ ली़गी क्षीला घी घो़न्‍ये ॱनेरी दुङा माझ्‍यी।

लुका 12:27

पाङगी मेन्‍तोकला तो़दाङ। देक्‍या काल्‍ले मेग्‍यालाक धेनी बा ॱमेखालालाक। हीना ङा खेक्‍याला ॱनाहीन, सोलोमोनगी खोरी ग्‍युनोर घीरीनेयाः, दे मेन्‍तोकक्‍याने च्‍यीक च्‍योक्‍रे घो़ जेवा घो़न माङ्युङबालाक।

लुका 3:11

धेनी योहान्‍नागी खुङक्‍याला ॱनेवालाक, “खेक्‍याला घो़ ॱङी हो़ना च्‍यीक मेगीनला तेरघो़ धेनी शामा हो़गीनगीयाः होदेरेराङ झ्‍यीघो़।”

फीलीप्‍पीपा 4:6

घीन्‍गी थोकला दुङा माझ्‍यी हीना ॱनेछु घीरीला, काटीन क्षे श्‍यी़री ॱमो़लाम धाङ श्‍योवागी थोक्‍ने, खेक्‍याला घो़गीन घीरी को़न्‍क्षोकला श्‍यी़।

१ पेटो 5:7

धेनी खेक्‍याई सेम्‍डा घीरी खोङबाला फी़ घीझ्‍येरी ॱनाना खोङबागी खेक्‍याई शीक क्‍योङ जेदालाक।