मेथा 6:25 - ॱलोवा

²⁵ “होझ्‍येरी ङा खेक्‍याला ॱनाहीन, मीछेगी छीला घी शाये, घी थुङये धेनी ली़गी छीला घी घो़न्‍ये ॱनेरी दुङा माझ्‍यी। शामाने खाक्‍क्षे मीछे धाङ घोलाकने खाक्‍क्षे ली़ माले?

मेथा 6:25 ပူးပေါင်းရင်းမြစ်များ

मेथा 10:19

खुङक्‍याई खेक्‍याला होझ्‍येरी ची ग्‍याई घाङला, घाङ झ्‍येरी घी ॱनाये ॱनेरी, खेक्‍या सेम्‍डा माझ्‍यी घीझ्‍येरी ॱनाना खेक्‍याई घी ॱना घो़गीनगो, होदे धी़लाराङ खेक्‍याला ॱनाङगीलाक।

मेथा 13:22

याङ छेम्‍मागी खोकला थोरथोवा साङागो, को़न्‍क्षोकगी कागो ङेन्‍दी हीना जीक्‍तेनगी दुङा धाङ ग्‍युनोरगी ॱली़टेगी का देला ॱनेम्‍दी, होदे ढेबु ॱमेक्षाक्‍कीन मी च्‍योक्‍रे लाक।

मेथा 6:31

“होझ्‍येरी ‘घी शाये?’ धाङ ‘घी थुङये?’ धाङ ‘घी घो़न्‍ये?’ ॱनेरी दुङा माझ्‍यी।

मेथा 6:34

होझ्‍येरी ॱङेटोगी क्षीला दुङा माझ्‍यी, घीझ्‍येरी ॱनाना ॱङेटोला ॱङेटोराङगी दुङा हो़तालाक। धीरीङगी दुङा, धीरीङगी क्षीला ढीक्‍येदुक।”

मारकु 13:11

मीक्‍याई खेक्‍याला शीम्‍दी ठीम चेजारु ठीक्‍ती ठीम श्‍यी़ना, होदे घाङला घी ॱनाये ॱनेरी, एन्‍दुरु दुङा माझ्‍यी हीना होदे धी़चो़ला घी ॱनायेला तेरी, होदे ॱनो़ घीझ्‍येरी ॱनाना होदे ॱनागीनगो ख्‍यो़ मालाक हीना धाम्‍पे थुक्‍ङी लाक।

मारकु 4:19

हीना जीक्‍तेनगी दुङा धाङ ग्‍युनोरला घागीन धाङ श्‍येम्‍मा ॱनाछोकगी दो़छाकगी झ्‍येरी, कागो छारतु ॱमीच्‍युक्‍कीलाक धेनी होदेने ढेबु ॱमेकेगीलाक।

लुका 12:11

“खेक्‍याला छोक्‍खाङक्‍या धाङ पो़न्‍पोक्‍या धाङ वाङग्‍युर झ्‍यीगीनक्‍या दोङदु ठीक्‍ती हुङी घाङला, राङला घाङगी झ्‍येरी क्‍योप्‍ये याङना घी ॱनाघोगुले ॱनेरी दुङा माझ्‍यी।

लुका 8:14

छेम्‍मागी साङला थोरकीनगोक्‍या, काला ङेन्‍येगो ङेन्‍दी हीना मीछेगी दुङा धाङ ग्‍युनोर धाङ दो़पा ॱनाछोकगी खुङक्‍याला ॱनेमालाक धेनी देक्‍याई ढेबु के ॱमीथुक्‍वालाक।

रोमापा 8:32

को़न्‍क्षोकगी राङगी सेला फाङा माजेदा, होराङ घीरीगी क्षीदु ॱलो़ ताङ जेपालाक। धा देरे हीन्‍ना खोङबागी होराङला राङगी सेमुला, श्‍येम्‍मा दो़न घीरीयाः ॱनाङगीमालाक से?

१ कोरीन्‍थुपा 7:32

खेक्‍या दुङाने थारकीनगो ङा दो़दीहो़क। ॱनामा मालेन्‍ला मीगी चोवोला घाङगी झ्‍येरी थुक्‍घेरु च्‍युक्‍ये ॱनेरी, चोवोगी दो़नला दो़नाङ झ्‍यीदालाक।

फीलीप्‍पीपा 4:6

घीन्‍गी थोकला दुङा माझ्‍यी हीना ॱनेछु घीरीला, काटीन क्षे श्‍यी़री ॱमो़लाम धाङ श्‍योवागी थोक्‍ने, खेक्‍याला घो़गीन घीरी को़न्‍क्षोकला श्‍यी़।

२ तीमोथेउ 2:4

ॱमाक्‍मी च्‍यीकगी ॱमीक्‍यु राङगी पो़न्‍पोला च्‍यीगा घारु च्‍युक्‍ये हुङालाक, होझ्‍येरी खो ङीन्‍रेगी लेगाक्‍याला ॱमेथेलालाक।

१ पेटो 5:7

धेनी खेक्‍याई सेम्‍डा घीरी खोङबाला फी़ घीझ्‍येरी ॱनाना खोङबागी खेक्‍याई शीक क्‍योङ जेदालाक।