मेथा 6:20 - ॱलोवा

²⁰ हीना खेरी क्षीला नाम्‍खे श्‍यीङखामदु ग्‍युनोर सोक, घीझ्‍येरी ॱनाना होदुरु मुक्‍पा धाङ चागी ॱमेनोलालाक धेनी कुमु जुरी कुये मेतालाक।

मेथा 6:20 ပူးပေါင်းရင်းမြစ်များ

मेथा 19:21

येशुगी खोङला सुवालाक, “ख्‍यो़ फी़न्‍सुम छोक्‍पा झ्‍युङङी दो़ना, सोरी ख्‍यो़ला हो़गीन घीरी चोरी उटेक्‍याला तेर धेनी ख्‍यो़ला नाम्‍खे श्‍यीङखामदु ज्‍यागा थोप्‍कीलाक। धेनी होरी ङी स्‍याबाला डोङ।”

मेथा 6:19

“जीक्‍तेनदु राङगी क्षीला ग्‍युनोर ॱमासाक, घीझ्‍येरी ॱनाना दुरु मुक्‍पा धाङ चागी मेताला ताङगीलाक, धेनी कुमु जुरी कुगीलाक।

मारकु 10:21

धेनी येशुगी खोला शीक्‍ती, खोला झाम्‍पा जेदी सुवालाक, “ख्‍यो़ला धोराङा च्‍यीक ॱमेछाङा। ख्‍यो़ सोरी राङला हो़गीन घीरी चोरी, उटेक्‍याला ज्‍यीम्‍बा तोङ धेनी को़न्‍क्षोकगी ग्‍यासीदु ख्‍यो़ला नोर थोप्‍कीलाक। धेनी होरे, ङी स्‍याबाला डो।”

लुका 12:33

ख्‍यो़री ग्‍युनोर चोरी उटेक्‍याला झ्‍यीम्‍बा तोङ। ख्‍यो़री क्षीला ॱङीङबाला मेडोगीन खुमाक शो़। होदे नाङदु नामाः मेजोक्‍कीन ग्‍युनोर, नाम्‍खे श्‍यीङखामदु साक्‍ती श्‍योक। होदुरु कुमा मेयोङालाक धेनी मुक्‍पागी मेशालाक।

लुका 18:22

दे सेन्‍दी येशुगी खोला सुवालाक, “ख्‍यी़ धोराङा लेगा च्‍यीक झ्‍यीयेला ल्‍हाक दुक। ख्‍यो़ला हो़गीन घीरी चोरी, उटेक्‍याला ज्‍यीम्‍बा तोङ धेनी ख्‍यो़ला नाम्‍खे ग्‍यासीदु तेर थोप्‍कीलाक। धेनी ङी स्‍याम्‍ला स्‍योक।”

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

१ तीमोथेउ 6:19

देरे झ्‍येरी याङदाक्‍पा छेला ॱनेयेगी क्षीला राङगी क्षीला, माउपारला ॱमाङस्‍यी शाङा तीङास्‍योक।

ईब्‍रीपा 10:34

खेक्‍याई चो़न्‍पाक्‍याला ॱङीङजे झ्‍येवालाक धेनी नोर देने शाङा धाङ धी़ तेन्‍दु ॱनेगीन नोरगो, खेक्‍याला हो़गीनगो खीकी स्‍येरी, खेक्‍याई नोर खेक्‍याने ठोक्‍वाराङ ङ्यामो घेरी शो़पा झ्‍येवालाक।

ईब्‍रीपा 11:26

खी़ माउपारगी ज्‍यागाला ॱमीक्‍ती, एजेप युगी तेर ले, मास्‍यीकागी क्षीदु दुक्‍पु ङ्याङयेगो ॱयोल्‍ले खाक्‍क्षे चीवालाक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।

१ पेटो 1:4

धेनी नाम्‍खे श्‍यीङखामदु खेक्‍याई क्षीदु नामा मेजोक्‍कीन धाङ ढीमा मेगीन धाङ येरी मेडोगीन, ग्‍युज्‍यीन श्‍याक जे हो़तालाक।

१ पेटो 5:4

धेनी झ्‍यीवु चोगो ॱङो़न्‍सुमदु फेवी घाङला, खेक्‍याला नामा येरी मेडोगीन शीजेगी चोपो़न थोप्‍कीलाक।

ॱङो़न्‍पा 2:9

ख्‍यी़ दुक्‍पुक्‍या धाङ ख्‍यो़ उटे हो़गीनगो, ङाला स्‍येयेहो़क। हीना ख्‍यो़ नी, क्षुक्‍पुराङ दुक। धेनी याहुदापा मेन्‍दाला राङला याहुदापा हीन ॱनेरी, ॱनागीनक्‍याला ङी ङोस्‍येलीहो़क। धेनी खुङक्‍याई ॱमेटा ताङगीनगो, ङाला स्‍येयेहो़क। खुङक्‍या नी धी़कगी छोक्‍खाङ लाक।