मेथा 6:19 - ॱलोवा

¹⁹ “जीक्‍तेनदु राङगी क्षीला ग्‍युनोर ॱमासाक, घीझ्‍येरी ॱनाना दुरु मुक्‍पा धाङ चागी मेताला ताङगीलाक, धेनी कुमु जुरी कुगीलाक।

मेथा 6:19 ပူးပေါင်းရင်းမြစ်များ

मेथा 19:21

येशुगी खोङला सुवालाक, “ख्‍यो़ फी़न्‍सुम छोक्‍पा झ्‍युङङी दो़ना, सोरी ख्‍यो़ला हो़गीन घीरी चोरी उटेक्‍याला तेर धेनी ख्‍यो़ला नाम्‍खे श्‍यीङखामदु ज्‍यागा थोप्‍कीलाक। धेनी होरी ङी स्‍याबाला डोङ।”

मेथा 6:20

हीना खेरी क्षीला नाम्‍खे श्‍यीङखामदु ग्‍युनोर सोक, घीझ्‍येरी ॱनाना होदुरु मुक्‍पा धाङ चागी ॱमेनोलालाक धेनी कुमु जुरी कुये मेतालाक।

लुका 12:21

येशुगी सुवालाक, “राङगी क्षीला ग्‍युनोर साक्‍कीन हीना को़न्‍क्षोकगी ॱमीक्‍वादु क्षुक्‍पु मेगीनगो, होदे मी च्‍योक्‍रेराङ लाक।”

लुका 12:33

ख्‍यो़री ग्‍युनोर चोरी उटेक्‍याला झ्‍यीम्‍बा तोङ। ख्‍यो़री क्षीला ॱङीङबाला मेडोगीन खुमाक शो़। होदे नाङदु नामाः मेजोक्‍कीन ग्‍युनोर, नाम्‍खे श्‍यीङखामदु साक्‍ती श्‍योक। होदुरु कुमा मेयोङालाक धेनी मुक्‍पागी मेशालाक।

लुका 12:39

हीना खेक्‍याला दे क्षा हुङघो़गीलाक, कुमु हुङगीन धी़चो़गो दाक्‍पोला एन्‍दुरु क्षा हो़ना, खी़ खोरी नाङदु कुमु ज्‍युरु च्‍युक्‍ये मेक।

लुका 18:22

दे सेन्‍दी येशुगी खोला सुवालाक, “ख्‍यी़ धोराङा लेगा च्‍यीक झ्‍यीयेला ल्‍हाक दुक। ख्‍यो़ला हो़गीन घीरी चोरी, उटेक्‍याला ज्‍यीम्‍बा तोङ धेनी ख्‍यो़ला नाम्‍खे ग्‍यासीदु तेर थोप्‍कीलाक। धेनी ङी स्‍याम्‍ला स्‍योक।”

लुका 18:24

धेनी येशुगी खोला शीक्‍ती सुवालाक, “मी क्षुक्‍पुक्‍याला को़न्‍क्षोकगी ग्‍यासी नाङदु जुयेला ॱमीच्‍यीकी काल्‍ले दुक।

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

ईब्‍रीपा 13:5

खेक्‍या ॱङुला सेम्‍बा ॱमाक्षाक धेनी राङला घी हो़गीनगोला, दो़पा खाङा झ्‍यी घीझ्‍येरी ॱनाना को़न्‍क्षोकगी सुङ हो़तालाक, “ङा खेक्‍याला नामा मेभोर, धेनी ङा खेक्‍याला नामा ॱमेपाङ।”