मेथा 5:46 - ॱलोवा

⁴⁶ राङला चेवा झ्‍यीगीनला च्‍यीगा चेवा झ्‍यीना, ख्‍यो़ला ज्‍यागा घी थोप्‍कीलाक से? ठा धुगीनक्‍याः देरेराङ मीझ्‍यीदाई?

मेथा 5:46 ပူးပေါင်းရင်းမြစ်များ

मेथा 11:19

मी-भु नी शा-थुङ झ्‍येरी होवालाक धेनी खुङक्‍याई, ‘खोला तो़दाङ, शान्‍डे धाङ क्षाङदुवा धेनी ठा धुगीन धाङ धीक्‍चेनक्‍याई रोवा।’ ॱनेरी ॱनालाक। हीना स्‍येराप दे होदेगी लेगागी थोक्‍ने, याङदाक्‍पा हीन्‍गीनगो खुङ केलालाक।”

मेथा 18:17

याङ खी़ खुङक्‍यालाः मेङेन्‍ना, होदे लाबगो क्षो़छोकला स्‍यो़क। धेनी खी़ क्षो़छोकगी खाला मेङेन्‍ना, खो ख्‍यी़ क्षीला धेपा मीझ्‍यीगीन धाङ ठा धुगीनक्‍या च्‍योक्‍रे झ्‍युङास्‍योक।

मेथा 5:47

धेनी राङगी पी़नक्‍याला च्‍यीगा छाम्‍डी श्‍यी़ना, ख्‍यी़ मी श्‍येम्‍माने ल्‍हाक घी झ्‍यीदी से? धेपा मीझ्‍यीगीनक्‍याः देरेराङ मीझ्‍यीदाई?

मेथा 6:1

“मी श्‍येम्‍मागी थोङयेगी क्षीला, खुङक्‍याई दोङदु ढाङतेनगी लेगा मीझ्‍यीयेला शाप-शाप झ्‍यी। देरे झ्‍यीना नाम्‍खे श्‍यीङखामदु श्‍युक्‍कीन, ख्‍यी़ यापने ख्‍यो़ला ज्‍यागा ॱमेथोप्‍कीलाक।

मारकु 2:15

धेनी येशु लेवी नाङदु श्‍येलाक श्‍येयेला श्‍युई घाङला, ॱमीच्‍यीकी माङा ठा धुगीन धाङ श्‍येम्‍मा धीक्‍चेनक्‍या, खोङबा धाङ ङेनेक्‍यामुला धे हो़तालाक। घीझ्‍येरी ॱनाना खोङबागी स्‍याबाला डागीन मी ॱमीच्‍यीकी माङा हो़तालाक।

मारकु 2:16

येशु धीक्‍चेनक्‍या धाङ ठा धुगीनक्‍यामुला श्‍येलाक श्‍येगीनगो, फारुसीपा छोक्‍पागी क्षो़ठीमगी ॱलोपो़नक्‍याई थोरी, येशुगी ङेनेक्‍याला ढीवालाक, “खो घीझ्‍येरी धीक्‍चेनक्‍या धाङ ठा धुगीनक्‍यामुला शामा शाले?”

लुका 15:1

धा ठा धुगीनक्‍या धाङ धीक्‍चेनक्‍या घीरी, येशुगी काला ङेन्‍येला खोङबागी डुङदु होवालाक।

लुका 18:13

हीना ठा धुगीनगो थाक्‍रीङाने लारी, नाम्‍खा स्‍योकला ॱमीक ताक झ्‍यी ॱमाक्‍थुवा, राङगी ढाङगो दुरी ॱनेवालाक, ‘के को़न्‍क्षोक, ङा धीक्‍चेन च्‍यीकला ॱङीङजे शीक्‍रोनाङ।’”

लुका 19:2

होदुरु जाखाया ॱनागीन मी च्‍यीक हो़तालाक। खो ठा धुगीनगी चोगो लाक धेनी खो ॱमीच्‍यीकी क्षुक्‍पु हो़तालाक।

लुका 19:7

दे थोरी मीक्‍या घीरीगी फाक्‍तुङ दुरी ॱनेवालाक, “खोङबा मी धीक्‍चेन च्‍यीकगी नाङदु डो़नला फेई।”

लुका 3:12

धेनी ठा धुगीनक्‍याः ठी़सो़ लेन्‍दु होवालाक। धेनी खुङक्‍याई योहान्‍नाला ढीवालाक, “गेन्‍ला, हेक्‍याई घी झ्‍यीघो़गुले?”

लुका 5:29

धेनी लेवीगी येशुला खोरी नाङदु श्‍युक्‍टा ताक्‍पालाक। धेनी खुङक्‍यामुला होदुरु ठा धुगीनक्‍या धाङ श्‍येम्‍माक्‍याई मीछोक क्षे च्‍यीक हो़तालाक।

लुका 5:30

धेनी फारुसीपाक्‍या धाङ खुङक्‍याई छोखाकगी क्षो़ठीमगी ॱलोपो़नक्‍या, येशुगी ङेनेक्‍याला देरे ॱनेरी ॱङेतोक स्‍येपालाक, “ठा धुगीनक्‍या धाङ धीक्‍चेनक्‍यामुला खेक्‍या घीझ्‍येरी शा-थुङ झ्‍यीदाले?”

लुका 7:29

धेनी मी घीरी धाङ ठा धुगीनक्‍याई दे घोरती, योहान्‍नागी लागाने ठी़सो़ लेन्‍दी, को़न्‍क्षोकगी ढाङतेनला खेलेन्‍बालाक।

लुका 7:34

मी-भु शा-थुङ झ्‍येरी होवालाक धेनी खेक्‍याई खोला, ‘खोला तो़दाङ, फोक्‍चाङा, क्षाङदुवा ठा धुगीनक्‍या धाङ धीक्‍चेनक्‍याई रोवा!’ ॱनेरी ॱनेवालाक।