मेथा 5:37 - ॱलोवा

³⁷ ख्‍यी़ स्‍येगीनगो हीन्‍ना ‘हीन’ मेन्‍ना ‘मेन’ झ्‍युङघोगुलाक। देले ल्‍हाक हुङगीनक्‍या ङेन्‍पागोने हुङालाक।

मेथा 5:37 ပူးပေါင်းရင်းမြစ်များ

मेथा 13:19

लाम्‍गाला थोरथोवा साङागो, नाम्‍खे ग्‍यासीगी का ङेन्‍दी ॱहामेघोगीन धाङ धी़क होरी होदेगी सेम नाङदु ताप्‍ता साङागो, होदेने ठोक्‍ती डुगीन च्‍योक्‍रे लाक।

मेथा 13:38

श्‍यीङगो जीक्‍तेन लाक। धेनी साङा शाङपोक्‍या ग्‍यासी टुवाक्‍या लाक। युक्‍पुक्‍या धी़कगी टुवाक्‍या लाक।

मेथा 15:19

घीझ्‍येरी ॱनाना सेम नाङने साम्‍लो ङेन्‍पाक्‍या धाङ मी सेये धाङ लोक्‍येम धाङ दो़लोक धाङ कुमा कुये धाङ पाङपो शोक्‍पो तेरये धाङ ॱमेबेप झ्‍यीयेक्‍या थो़न्‍दालाक।

मेथा 5:36

धेनी ख्‍यी़ राङगी गो पाङपो चुक्‍ती ॱना ॱमाक्‍या घीझ्‍येरी ॱनाना ख्‍यी़ खेरी गोवागी ॱरा काङ च्‍यीया काउ याङना नाक्‍पो शो ॱमीथुवालाक।

मेथा 6:13

हेला छो़ताला छी़दु ॱमाच्‍युक्‍रो जे, हीना ङेन्‍पागोने, हेला थारपा जे। ग्‍यासी, वाङ धाङ शीजे नी, ग्‍युने ग्‍युन्‍दु खेराङगी हीन। आमेन।’

योहान्‍ना 17:15

खेराङगी खुङक्‍याला दे जीक्‍तेनने खेरास्‍योक ॱनेरी, ङा सोवा ग्‍यावामेन हीना ङेन्‍पागोने क्‍योप्‍पा जे ॱनेरी ङा श्‍यी़वाहीन।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

एफीसुपा 4:25

होझ्‍येरी शोक पारी खे रे-रेगी राङगी खीम्‍चेमुला, लाब धेन्‍पा स्‍यो़क घीझ्‍येरी ॱनाना होराङ ली़ च्‍यीक्‍पागी येन्‍लाकक्‍या लाक।

एफीसुपा 6:16

धेनी धी़गी मे भारकीन धाक्‍या से थुक्‍येगी क्षीला, नाम्‍हीना धेपागी फुप खुर।

कोलोसेपा 3:9

धेनी च्‍यीकगी च्‍यीकला शोक ॱमास्‍ये घीझ्‍येरी ॱनाना खीकी स्‍यीका ॱङीङबाक्‍या, होदेगी लाक्‍लेन मुलाराङ खीकी पाङ सावालाक।

कोलोसेपा 4:6

मी घीरीमुला लेन घारे तेरघोयेगो, खीकी स्‍येयेगी क्षीदु, खीकी ताम नी छागी डोवा तेरकीन च्‍योक्‍रे झ्‍यीलाप क्षे झ्‍युङघो़।

२ थेसालोनीकेपा 3:3

हीना चोवो नी, ॱलो का थुप्‍कीनगी चोवो लाक। खोङबागी खेक्‍याला तेन्‍पो जेगीलाक धेनी ङेन्‍पाने ॱरुङा जेगीलाक।

याकोब 5:12

हीना ङी पी़नक्‍याओ, घीरीने चा क्षेस्‍योकगो, नाम्‍खे श्‍यीङखाम याङना साश्‍यी याङना श्‍येम्‍मा घीया पाङदु चुक्‍ती, ॱना ॱमाक्‍या हीना क्षेपा ॱमेफोक्‍येगी क्षीदु, खेक्‍याई हीनगो हीन धेनी मेनगो मेन हुङघो़।

१ योहान्‍ना 2:13

आकीक्‍याओ, ङा खेक्‍याला ढीयाहीन, घीझ्‍येरी ॱनाना खेक्‍याई थोक्‍माने श्‍युक हो़गीनगोला ङो स्‍येलालाक। ख्‍योक्‍तोङक्‍याओ, ङा खेक्‍याला ढीयाहीन, घीझ्‍येरी ॱनाना धी़गी खाला खीकी ग्‍या हो़तालाक।

१ योहान्‍ना 3:12

धी़कगी हीन्‍गीन धेनी राङगी नोला सेगीन, कायीन च्‍योक्‍रे माझ्‍युङ। खी़ घीझ्‍येरी राङगी नोला सेपाले? घीझ्‍येरी ॱनाना खी़ लेगाक्‍या ङेन्‍पा धाङ खी़ नोगी लेगाक्‍या ढाङपो हो़तालाक।

१ योहान्‍ना 5:18

को़न्‍क्षोकने केक्‍या हीन्‍गीनगी धीक्‍पा झ्‍यीच्‍यीक मीझ्‍यीदालाक ॱनेरी, होराङला स्‍येये हो़तालाक। को़न्‍क्षोकने ठुङगीनगी़ खोला क्‍योप्‍कीलाक धेनी धी़गी खोला ॱनो़ क्‍या ॱमीथुक्‍कीलाक।