मेथा 28:20 - ॱलोवा

²⁰ धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

मेथा 28:20 ပူးပေါင်းရင်းမြစ်များ

मेथा 1:23

“तो़दाङ, नाच्‍युङ चाङमा च्‍यीकला टु क्षाक्‍ती, मोने से च्‍यीक ठुङगीलाक धेनी खोङबागी छेन ईम्‍मानुएल ॱनेरी भो़गीलाक” (देगी दो़नगो “को़न्‍क्षोक होराङमुला”)।

मेथा 13:49

थागी धी़चो़ला देरे झ्‍युङगीलाक। नाम्‍खे भाङछेनक्‍या फेप्‍ती ङेन्‍पाक्‍या ढाङाक्‍याने ॱयेवा पेगीलाक।

मेथा 18:20

घीझ्‍येरी ॱनाना ङी मीङगी थोक्‍ने, मी ॱङी याङना सुम घारु जोमी, होदुरु ङा खुङक्‍यामुला हुङाहीन।”

मेथा 24:3

येशु क्‍युरुस्‍यीङगी रीला श्‍युक्‍ती, खोङबागी ङेनेक्‍या खोङबाचारु शुरला च्‍यारती श्‍यी़वालाक, “दे घीरी नाम झ्‍युङगीले धेनी खेराङ फेप्‍कीन धाङ थामे धी़गी ताकगो घी झ्‍युङगीलाक ॱनेरी, हेक्‍याला सुङाजे?”

मेथा 6:13

हेला छो़ताला छी़दु ॱमाच्‍युक्‍रो जे, हीना ङेन्‍पागोने, हेला थारपा जे। ग्‍यासी, वाङ धाङ शीजे नी, ग्‍युने ग्‍युन्‍दु खेराङगी हीन। आमेन।’

मारकु 16:20

धेनी ङेनेक्‍या साज्‍या घीरीदु सोरी, ताम्‍शाङ स्‍येपालाक। चोवोगी खुङक्‍यामुला क्षाक्‍ले जेपालाक धेनी ॱहालेगीन ताकक्‍या तो़न जेदी, ताम्‍शाङ धेन्‍पा हीन्‍गीनगी पाङपो जेपालाक।]

जेपा 2:42

धेनी खुङक्‍या कुछापक्‍याई क्षो़ला ङेन्‍ये धाङ मुला जोम्‍ये धाङ ग्‍याङगा च्‍याक्‍ये धाङ सोवा ग्‍याप्‍ये च्‍योक्‍रे, लेगाक्‍या मुला झ्‍यीदालाक।

जेपा 20:27

घीझ्‍येरी ॱनाना ङी खेराङक्‍याला को़न्‍क्षोकगी थुकोङला हो़गीन, स्‍येघोगीन लाब घीरी स्‍येयेला ग्‍याप ॱमालोक हो़क।

१ कोरीन्‍थुपा 11:2

दो़न घीरीला खेक्‍याई ङाला ढेन्‍दी धेनी ङी खेक्‍याला तेरता ॱलापच्‍याक्‍या खेक्‍याई ॱरुङगीनला, ङा खेक्‍याई तो़टा ताङाहीन।

१ कोरीन्‍थुपा 11:23

घीझ्‍येरी ॱनाना चोवोने ङाला घी थोप्‍कीनगो, ङी खेक्‍याला तेरहो़क। होदेगो, चोवो येशु डागी लाक्‍तु छी़गीन छेनगोला, खोङगी ग्‍याङगागो क्षाकला ॱनुम्‍बालाक

१ कोरीन्‍थुपा 14:37

खेक्‍याने राङला ॱङो़नस्‍येखेन याङना थुक्‍ङीगी ॱनाङज्‍यीन हो़गीन साम्‍गीनगी़, ङी ढीक्‍टा लाब देक्‍या चोवोगी का लाक ॱनेरी, खी़ खेलेन झ्‍यीघो़।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।

२ पेटो 3:2

धाम्‍पे ॱङो़नस्‍येखेनक्‍याई एम्‍मा ॱनाङना ॱङो़नस्‍येक्‍या धाङ होरी चोवो धाङ क्‍याम्‍गो़नगी कुछापक्‍याई थोक्‍ने ॱनाङना काक्‍या, खेक्‍याई ढेन्‍सो़ झ्‍यीगीनगो ङा दो़दीहो़क।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।

ॱङो़न्‍पा 22:14

छेसोकगी दोङबोगी आङजा थोप्‍ये धाङ ग्‍याजागी गेघोक्‍या नाङने जु थुक्‍येगी क्षीदु, राङगी घो़ ठुगीनक्‍या झ्‍यीलाप क्षे लाक।