मेथा 28:19 - ॱलोवा

¹⁹ होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

मेथा 28:19 ပူးပေါင်းရင်းမြစ်များ

मेथा 13:52

धेनी खोङबागी खुङक्‍याला सुवालाक, “होझ्‍येरी नाम्‍खे ग्‍यासीगी क्षीला ॱलापच्‍या राक्‍कीन, क्षो़ठीमगी ॱलोपो़न घीरी नाङ च्‍यीकगी पो़न्‍पो च्‍योक्‍रे लाक। खी़ खोरी तेरने साबा धाङ ॱङीङबा नोरक्‍या तो़न्‍दालाक।”

मेथा 25:32

मीरीक घीरी खोङगी दोङदु रुप्‍कीलाक धेनी लुक्‍जी च्‍यीकगी राक्‍याई खोक्‍ने, लुकक्‍या पेगीन च्‍योक्‍रे खोङगी मी देक्‍याला ॱयेवा जेगीलाक।

जेपा 1:2

येशुगी नाम्‍खे श्‍यीङखाम फेप्‍ये एन्‍ला राङगी दाम्‍दावा कुछापक्‍याला, धाम्‍पे थुक्‍ङीगी स्‍युकने का ॱनावालाक।

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

जेपा 14:21

पाउलु धाङ बारनाबा धेरबे ग्‍याजारु ताम्‍शाङ स्‍येदी, मी ॱमीच्‍यीकी माङाला चोवो येशुगी ङेने शो़वालाक। होदे स्‍याम्‍ने खुङक्‍या लुस्‍टा धाङ ईकोनीयोन ग्‍याजाने झ्‍युरी, पीसीदीया ग्‍यारापगी आन्‍तीयोकदु लोक्‍पालाक।

जेपा 2:41

मी ॱमीच्‍यीकी माङागी पेटोगी ॱनेना लाबला यीच्‍चे झ्‍येवालाक धेनी ठी़सो़ लेन्‍बालाक। धेनी होदे ङीमागो मी तोङ सुम चो़, खुङक्‍याई ढाङगाला दोम्‍बालाक।

जेपा 28:28

“होझ्‍येरी को़न्‍क्षोकने थोप्‍कीन थारपा दे, याहुदापा मेन्‍गीन मीरीकक्‍याला ॱनाङ हो़तालाक धेनी खुङक्‍याई होदे ङेन्‍गीलाक ॱनेरी, खेक्‍याई स्‍येलाझ्‍यी ॱनेरी ङा दो़दीहो़क।”

जेपा 9:18

धेनी लाम्‍साङ साउलगी ॱमीकने, ङ्यासाक च्‍योक्‍रे च्‍यीक ल्‍हीम्‍बालाक। धा खी़ थोवालाक। धेनी खो लारी ठी़सो़ लेन्‍बालाक।

रोमापा 10:18

हीना ङा ढीलाहीन, खुङक्‍याई माघोरपालाक से? ॱङोन्‍नेराङ घोर हो़तालाक। घीझ्‍येरी ॱनाना “खुङक्‍याई केक साश्‍यी हो़लेरु ख्‍याप्‍दुक, धेनी खुङक्‍याई का जाम्‍लीङगी था थुक्‍पे ख्‍याप्‍दुक।”

१ कोरीन्‍थुपा 15:29

देरे मेन्‍ना, स्‍यीम्‍पोगी थोक्‍ने मीक्‍याई ठी़सो़ लेन्‍गीनगी दो़नगो घी ले? स्‍यीम्‍पोक्‍या सो़न्‍पो जेये मेन्‍ना, स्‍यीम्‍पोक्‍याई क्षीदु मीक्‍या घीझ्‍येरी ठी़सो़ लेन्‍दाले?

२ कोरीन्‍थुपा 13:14

चोवो येशु मास्‍यीकागी थुक्‍जे धाङ को़न्‍क्षोकगी झाम्‍पा धाङ धाम्‍पे थुक्‍ङीगी ङ्याम्‍ढेल, खेक्‍या घीरीमुला हुङास्‍योक।

गालातीयापा 3:27

मास्‍यीकागी थोक्‍ने ठी़सो़ लेन्‍गीन घीरीगी, मास्‍यीकागी स्‍यीकाला खेलेन्‍बालाक।

एफीसुपा 2:18

घीझ्‍येरी ॱनाना मास्‍यीकागी थोक्‍ने, होराङ ॱङीगारा धाम्‍पे थुक्‍ङी च्‍यीकगी गोने यापगी डुङदु डो थुप्‍कीन झ्‍युवालाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।

१ योहान्‍ना 5:7

घीझ्‍येरी ॱनाना पाङपो झ्‍यीगीन सुम हो़तालाक,