मेथा 28:18 - ॱलोवा

¹⁸ धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

मेथा 28:18 ပူးပေါင်းရင်းမြစ်များ

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

लुका 10:22

“ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्‍येलालाक। याङ से धाङ सेगी तो़न्‍ये दो़पा जेगीन मीक्‍या माना, याप सु हीन्‍गीनगो सुला स्‍येये मेतालाक।”

योहान्‍ना 13:3

येशुगी यापगी दो़न घीरी, खोङगी लाकला ॱनाङ हो़गीन धाङ को़न्‍क्षोकने होवा धाङ को़न्‍क्षोकगी डुङदु लोकग्‍यु हीन्‍गीनगो खेन्‍बालाक।

योहान्‍ना 17:2

घीझ्‍येरी ॱनाना खेराङगी सेला ॱनाङना घीरीला, खोङगी थामेपे छेसोक ॱनाङयेला, खेराङगी सेला मी घीरीगी खाला वाङ ॱनाङ हो़तालाक।

योहान्‍ना 3:31

ताङने फेप्‍कीनगो घीरीने ॱलाना थोवालाक। धेनी साश्‍यीने हीन्‍गीनगो साश्‍यीगीराङ लाक धेनी साश्‍यीगी थोक्‍नेराङ स्‍येलालाक। नाम्‍खे श्‍यीङखामने फेप्‍कीनगो, घीरीने ॱलाना थोवालाक।

योहान्‍ना 3:35

यापगी सेला झाम्‍पा जेदी, घीरी सेगी क्षाकदु ॱनावालाक।

जेपा 10:36

येशु मास्‍यीकागी थोक्‍ने, को़न्‍क्षोकमुला श्‍यीदे हो़गीन ताम्‍शाङ दे, को़न्‍क्षोकगी ईस्‍राएल्‍पाक्‍याला ॱनाङना का दे, खेराङक्‍याला क्षा हो़तालाक। धेनी येशु मास्‍यीका घीरीगी चोवो लाक।

जेपा 2:36

“होझ्‍येरी धा ईस्‍राएलगी मी घीरीगी दे लाब ॱहाघो घोगुलाक। खेराङक्‍याई ग्‍याङस्‍यीङदु सेसा येशुला राङ को़न्‍क्षोकगी, चोवो धाङ मास्‍यीका ङीगारा को़ जे हो़तालाक।”

रोमापा 14:9

धा मास्‍यीका नी स्‍यीस्‍या धाङ सो़न्‍पो ॱङीगारागी चोवो झ्‍युङयेगी क्षीदु ढोङा जेपालाक धेनी कुसो़न्‍पो श्‍याङा जेपालाक।

१ कोरीन्‍थुपा 15:27

घीझ्‍येरी ॱनाना को़न्‍क्षोकगी “ॱङोपो घीरी खोङगी श्‍याप होकदु श्‍याक जे हो़तालाक।” धा “ॱङोपो घीरी खोङगी वाङ होकदु श्‍याक जे हो़तालाक।” ॱनी घाङला घीरी मास्‍यीकागी वाङ होकदु श्‍याक जेगीन को़न्‍क्षोक नी, खोङगी वाङदु मेगीनगो सावो तो़न्‍दालाक।

कोलोसेपा 2:10

धेनी मास्‍यीकागी नाङ खेक्‍या फी़न्‍सुम छोक्‍पा जे हो़तालाक। खोङ नी, पो़न्‍पो घीरी धाङ वाङग्‍युर झ्‍यीगीन घीरीगी उ लाक।

ईब्‍रीपा 1:2

हीना दे थामे धी़क्‍याला, खोङबागी राङगी सेगी थोक्‍ने, होराङक्‍याला का ॱनाङ हो़तालाक। धेनी राङगी सेला ॱङोपो घीरीगी खाला ग्‍युज्‍यीन को़वालाक धेनी खोङगी थोक्‍नेराङ जीक्‍तेन खाम घीरी को़ जेपालाक।

ईब्‍रीपा 2:8

धेनी दो़न घीरी खेराङगी, खी़ काङबी होकदु श्‍याक जेपालाक।” धेनी को़न्‍क्षोकगी दो़न घीरी खोङगी वाङ होकदु श्‍या जेदी, खोङगी वाङ होकला माश्‍याकस्‍या घीया मेक। हीना दो़न घीरी धान्‍दा खोङगी वाङ होकदु हो़गीनगो, होरी ॱमेथोङालाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 17:14

खुङक्‍याई लुक्‍टुमुला ॱमाक टाप्‍कीलाक हीना लुक्‍टुगी, खुङक्‍या खाला ग्‍यागीलाक घीझ्‍येरी ॱनाना खोङबा चोवोक्‍याई चोवो धाङ ग्‍यावुक्‍याई ग्‍यावु लाक। धेनी खोङबामुला राङगी भो़पाक्‍या धाङ दाम्‍दाक्‍या धाङ ॱलोते छोक्‍पा मीक्‍या हो़तालाक।”

ॱङो़न्‍पा 19:16

खोङबागी नाशा धाङ ॱलास्‍याला “ग्‍यावुक्‍याई ग्‍यावु धाङ चोवोक्‍याई चोवो” ॱनेरी, छेन ढीक हो़तालाक।