मेथा 28:10 - ॱलोवा

¹⁰ धेनी येशुगी खुङ ॱङीउला सुवालाक, “खेक्‍या माजीक। सोला, ङी पी़नक्‍याला गालीलदु सुङ ॱनो़ धेनी होदुरु खुङक्‍याई ङाला थोङगीलाक।”

मेथा 28:10 ပူးပေါင်းရင်းမြစ်များ

मेथा 14:27

हीना येशुगी लाम्‍साङ खुङक्‍याला सुवालाक, “ल्‍हो़ झ्‍यी। ङाराङ हीन। खेक्‍या माजीक।”

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

मेथा 25:45

धेनी खोङगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़नक्‍याने च्‍युङस्‍योक च्‍यीकला खीकी देरे माझ्‍येवाला, खीकी होदे ङाला माझ्‍येवालाक।’

मेथा 26:32

“हीना स्‍याम्‍ला ङा छीवाने सो़न्‍दी, खेक्‍याने एन्‍ला ङा गालीलदु डोयेहीन।”

मेथा 28:16

धा ङेने च्‍युक-च्‍यीक्‍पाक्‍या येशुगी सुङगीन च्‍योक्‍रे, गालीलगी रीदु सोवालाक।

मेथा 28:5

हीना भाङछेनगी केमी ॱङीउला सुवालाक, “माजीक, खे ॱङीउ ग्‍याङस्‍यीङ खाला टोङगीन येशुला चालालाक ॱनेरी, ङाला स्‍येयेहो़क।

मेथा 28:7

धेनी ग्‍योक्‍जे सोरी, खोङबागी ङेनेक्‍याला खोङबा छीवाने सो़न्‍पो श्‍येङसारतु ॱनेरी स्‍यो़क। धेनी खोङबा खेक्‍याने एन्‍ला, गालीलदु फेप्‍कीलाक धेनी होदुरु खोङबाला ज्‍यागीलाक ॱनेरी स्‍यो़क। धा ङी खेक्‍याला स्‍येसाहो़क।”

मेथा 28:9

धेनी लाम्‍साङ येशु खुङक्‍या दोङदु फेप्‍ती, खुङ ॱङीउला सुवालाक, “खेक्‍याला श्‍यीदे हुङास्‍योक।” धेनी खुङ ॱङीउ खोङबागी दोङदु होरी खोङबागी श्‍यापला जुरी क्षाक छावालाक।

मारकु 16:7

धा खेक्‍या सोरी, खोङबागी ङेनेक्‍या धाङ पेटोला, ‘खोङबा खेक्‍याने एन्‍ला, गालीलदु फेप्‍यी हो़तालाक। धेनी खोङबागी सुङगीन च्‍योक्‍रे, होदुरु खेक्‍याई खोङबाला ज्‍यागीलाक’ ॱनेरी स्‍यो़क।”

योहान्‍ना 20:17

येशुगी मोला सुवालाक, “धान्‍दा थुक्‍पे ङा यापगी डुङदु ॱमाफाक्‍पा, ङाला माशीम। हीना ङी पी़नक्‍याचारु सोरी, खुङक्‍याला, ‘ङा नी ङाराङगी याप धाङ खेक्‍याई याप धेनी ङी को़न्‍क्षोक धाङ खेक्‍याई को़न्‍क्षोक चारु डी़हो़क’ ॱनेरी स्‍यो़क।”

योहान्‍ना 6:20

हीना येशुगी खुङक्‍याला, “ङा हीन, माजीक।” सुरी सुवालाक।

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।